Tapas

 

Xa queda pouco para a décima edición do Ribadeo de tapeo, que terá lugar do 9 ao 17 de maio en 51 bares, mesóns e restaurantes da vila e das parroquias. Unha das novidades deste ano é que este concurso de tapas será gastroaccesible, é dicir haberá 4 locais que contarán con tapas aptas para celíacos e un para vexetarianos. O alcalde, Fernando Suárez, contou que coma sempre haberá premios para as mellores propostas, que decidirá un xurado profesional, e o público elixirá tamén a mellor tapa e a mellor barra. 

O rexedor dixo que “como quen non quere a cousa xa van aló 10 anos desde o inicio deste Ribadeo de tapeo, deste evento gastronómico que organiza a Concellaría de Desenvolvemento Local e Turismo, de Ribadeo, que leva a nosa compañeira Ana Martínez, xunto coa Área de...