O cartel das festas de San Roque, en Viveiro, foi presentado este luns e inclúe actividades do 14 ao 17 de agosto. Entre elas está un concerto do popular dúo formado polas irmáns Encarna e Toñi Salazar, actuación programada para o venres 15 de agosto.
A comisión Viveiro en Festas anuncia: “teremos o pracer de contar con De Ninghures, Azúcar Moreno e Dasoul na Praza Maior os días 14, 15 e 16 de agosto. Ademais nos Xardíns Noriega Varela contaremos co Dúo Vivarium, Suavecito, Súper Top e Escaparate. E, para rematar, a Sardiñada Popular nas Nogueiras”.