Cris de Caldas
Este domingo, día 15 de xuño, ás 19:00 horas comeza na Escola de Celeiro de Mariñaos o programa cultural A Voltas Cos Contos, organizado polo Concello de Barreiros. A cita será con Cris de Caldas, que, combinando historias reais e versións persoais dalgúns dos contos de Emilia Pardo Bazán, ofrece Dona Emilia e a Señora Carme, un monólogo que recupera a figura e obra da condesa.
O programa A Voltas Cos Contos está enmarcado no circuíto Cultura no Camiño, da Xunta de Galicia, e no Plan Único da Deputación Provincial de Lugo.
O Concello de Barreiros organiza o programa cultural titulado A Voltas cos Contos, que inclúe seis monólogos durante os meses de xuño, xullo e agosto. O primeiro será este domingo, 15 de xuño, ás 19 horas na Escola de Celeiro de Mariñaos a cargo de Cris de Caldas.
O Concello de Barreiros, a través da Concellería de Dinamización e Participación Veciñal, anuncia que “continúa a súa aposta por levar actividades culturais as parroquias do interior do municipio. Durante as vindeiras semanas, poderedes desfrutar dun completo programa composto por seis actuacións, principalmente monólogos que mesturan humor, narración e reflexión”.
“A través deste programa seguimos achegando a cultura á veciñanza e, de paso, poñendo en valor os espazos comúns dos que gozan as parroquias”, sinala o concelleiro de Dinamización,...
leer más