A Foz continua coa súa programación de outono este fin de semana e presenta dous novos actos. O primeiro terá lugar mañá, venres, na Casa da Cultura da vila Ás 20:00 horas. Trátase do concerto da banda infantil de jazz For Fun, do Conservatorio de Fingoi (Lugo). Este acto, con entrada gratuíta, forma parte do I Festival de Bandas de Música A Capela, organizado polo Concello focense coa colaboración coa Deputación de Lugo.
A segunda actividade levarase a cabo o domingo, día 30, ás 18:00 horas no local da Asociación de Veciños da parroquia focense de Cordido. Alí, o grupo de teatro Axóuxeres, representará a súa obra Descontrol Hospitalario, dentro do Ciclo de Teatro nas Parroquias organizado pola Delegación de Cultura do Concello de Foz.
