A A.S.D.R. Terras da Mariña organiza para este sábado, 20 de febreiro, no auditorio da Casa da Cultura de San Cibrao un recital de habaneras, que contará coa actuación dos grupos Mar Aberto, de Foz, e Escolma de Meus, de Viveiro.
A entrada terá un prezo de 2,50 euros, e incluirá un 2×1 en consumicións na cervexaría-cafetaría Nordesía.
É colaborador especial do acto o Concello de Cervo, e patrocinan: O Forno de Pepe, Suministros San Ciprián, Floristería Pétalos, Carnicería Ben & Vior, Librería Cantigas, e Ferretería e Bazar Cándido, todos eles de San Cibrao; Establecimientos Rey (Xove), Restaurante Sierra (Vilar, Lago, Xove), Sitio (Burela) e DeportIbérica (Lalín).