O edil de Cultura do Valadouro, Eduardo Chao, sinala que “hai uns días estabamos totalmente inmersos, cos polvoróns e o cava, ás voltas e os regalos que chegaron da man do Apalpador, Papá Noel ou os mesmos Reis Magos… e de súpeto, case sen darnos conta, estamos no tempo do Entroido. Por este motivo este departamento organiza o desfile de Entroido”.
Nesta ocasión a cita é o domingo 7 de febreiro a partires das 17:00 horas con saída da Casa da Cultura cara a Avenida da Veiga, Rosalía de Castro, Andrés López Palmeiro, Avda de Viveiro e José Antonio Ferreiro González ata o pavillón, lugar onde se entregarán os premios do concurso.
As inscricións poden facerse desde o luns 1 de febreiro desde 9:30 a 14:00 e de 16:00 a 20:00 horas ata o sábado 6 de febreiro de 10:00 a 13:00 ou o mesmo domingo de 15:00 a 14:30 horas nas oficinas da Casa da Cultura.
Os premios ós que se poden optar (A categoría infantil considérase ata os 13 anos cumpridos o 1 de xaneiro):
Individual Infantil: 1º premio de 50€
2º premio de 35€
3º premio de 25€
Parella Infantil: 1º premio de 70€
2º premio de 50€
3º premio de 40€
Grupo Infantil: 1º premio de 80€
2º premio de 70€
3º premio de 60€
Individual Adulto: 1º premio de 70€
2º premio de 50€
3º premio de 40€
Parella Adulto: 1º premio de 90€
2º premio de 70€
3º premio de 50€
Grupo Adulto: 1º premio de 150€
2º premio de 100€
3º premio de 80€
Ademais entre todos os participantes no desfile resérvanse dous premios de 20 euros para aqueles disfraces elaborados, cómico, … e que non resultaran agraciados con ningún premio en ningunha categoría.
Desde a Concellaría de Cultura convidan “a participar da Festa do Entroido e que aínda que non se gañe ningún premio o importante é participar e vir co espírito de pasalo ben”.