A reedición da novela titulada La señorita detective, de Federico Mediante, será presentada este sábado, día 14 de novembro, na Pontenova. O acto terá lugar no salón de actos da Casa da Cultura ás 20:00 horas, con entrada libre e gratuíta.
Nesta presentación colabora a asociación Carro Tarabelo, de A Pontenova, que anuncia: “encántanos colaborar na presentación da reedición de La señorita detective (1943), a novela de Federico Mediante. Contaremos coa participación de Ana Rosa Martínez Loredo (neta do autor e investigadora), Antonio Andina Penabad (director de EOditorial) e José Manuel Álvarez Veiga (autor do blog Ponte Ágora (6.0)”.