A Escola Municipal de Música de Mondoñedo propón obradoiros que se levarán adiante do 31 de maio ao 28 de xuño.

O 31 de maio dará comezo un obradoiro de vento madeira, para todos os rapaces e rapazas de ESO e BAC que queiran aprender e desfruten desa actividade. Terán a oportunidade de poder utilizar o instrumental do que dispón a Escola de Música e participar dos obradoiros ofertados de balde. 

O vindeiro xoves, 31 de maio, de cinco a seis da tarde será o primeiro encontro deste obradoiro no local da Escola Municipal de Música. Os alumnos interesados serán organizados en distintos grupos ao longo da tarde, no horario que mellor de axuste ás súas necesidades. 

O obradoiro é gratuíto e celebrarase todos os xoves ata o 28 de xuño.