Mariña Patrimonio organiza para o día 27 de outubro unha visita guiada ao concello de Ourol para coñecer o seu patrimonio civil e relixioso máis salientable. Ademais de a Ourol, achegarémonos a Bravos, Xerdiz e Vilares.
Desde Mariña Patrimonio indican que “no caso de que haxa un número suficiente de persoas, pensamos facer o desprazamento en bus o traxecto Foz - Ourol (con paradas intermedias, das que se informará así como dos horarios). Esta opción é a máis recomendable xa que hai que moverse de visita a visita. As persoas que estean máis afastadas, poderían incorporarse ao bus en Foz. Como vén sendo habitual neste tipo de saídas, haberá un xantar no que poderán participar todas as persoas que o desexen”.
A data límite para anotarse remata o vindeiro luns, 21 de outubro. As persoas interesadas que o fagan saber a través do correo mr.patrimonio@gmail.com indicando nome, se é socio/a ou non, e as opcións que lle interesan, para ter tempo de contratar o bus e reservar o lugar para xantar.
O martes 22 informarase ás persoas anotadas sobre o importe e o número de conta onde facer o ingreso. Para ampliar información consultar o blog de Mariña Patrimonio.