Membros da entidade organizadora, a Asociación Deportivo Cultural Praias de Comado, xunto co concelleiro de Dinamización, Dani García, presentaron no Concello de Barreiros a Carreira Popular das Praias.
O evento deportivo, que vai pola súa IX edición, comezará ás 11:00h coas carreiras infantís na praia de Altar e, a mesma hora, terá lugar a saída da andaina dende a praia de Arealonga a cal percorrerá pola area mollada todo o litoral barreirense.
Ás 12:00 horas, tamén desde a praia de Arealonga, darase a saída da carreira absoluta na cal as e os participantes deberán salvar unha distancia de 9 km de area mollada e paseo marítimo ata chegar a praia de Altar onde estará situada a meta.
A Carreira popular das praias está incluída no circuíto de carreiras populares +KmBarreiros, organizado polo Concello de Barreiros e que este ano celebra a súa segunda edición. A Carreira das praias é a segunda proba do mesmo, xa que en nadal celebrouse a Carreira popular de Reis, dando paso á proba deste venres, a Carreira Popular das Praias, á cal seguirán a ½km vertical Monte Comado o 23 de xullo, a Benquerencia Terra Mar o 6 de agosto, o Trail Monte Comado para o 15 de outubro e a Carreira Ao Son do Masma para o 12 de novembro.
Toda a información das probas enmarcadas no circuíto +kmsBarreiros pode verse na páxina web https://maiskmsbarreiros.gal.