Despois do parón ocasionado pola pandemia do covid volven as Festas de San Rosendo.
O 5 de marzo, sábado, haberá misa solemne ás 12:30 horas (con procesión), a continuación actuación da sección infantil de O Arco da Vella e despois sesión vermú coa orquestra La Favorita.
Xa pola tarde ás 16 horas disputarase o aberto de billarda Flores-San Rosendo (xunto ao campo de fútbol de As Valgas).
Ás 21:30 horas dará comezo a verbena coas orquestras La Favorita e Gran Parada.
O 6 de marzo terá lugar a feira de artesanía e gando. Ás 11:30 horas será a chegada dos cabalos. Ás 12:30 haberá misa solemne (con procesión). Para as 14 horas está prevista a actuación do grupo de música folk Zurrumalla. E ás 17 horas haberá xogos ecuestres.
O evento contará os dous días coa pulpería A Rochela. Desde a organización subliñan que “haberá unha carpa cuberta para acoller a festa” e que “as actividades desenvolveranse aplicando a normativa do protocolo covid vixente”.
Organiza a comisión de festas de San Rosendo, que conta coa colaboración do Concello de Barreiros e dos Xinetes de Remourelle.