Trinta e sete equipos disputarán os días 22 e 23 de xuño o XVI Torneo de Fútbol Base Alevín e Miniprebenxamín da SD Ribadeo.

Mañá, sábado, e o domingo disputarase o XVI Torneo de Fútbol Base Alevín e Miniprebenxamín da SD Ribadeo. Será no estadio municipal Pepe Barrera e no Ceip Gregorio Sanz. 
 
En total participan 35 equipos na categoría alevín e 2 na de miniprebenxamín. Chegan a Ribadeo procedentes de diferentes puntos de Galicia, Asturias, Castela-León, Cantabria e Euskadi. 
 
O torneo foi presentado hai uns días no estadio Pepe Barrera polo concelleiro de Deportes, David Rivas, polo técnico municipal de Deportes, Iván López, pola presidenta da SD Ribadeo, Sandra Nonide, e por Miguel Fuente, que é coordinador e adestrador da SD.