Concertos
O Conservatorio Profesional de Música de Viveiro dá comezo este martes, día 20 de maio, ao seu ciclo de concertos de fin de curso, que seguirá os días 23 e 24 de maio e prolongarase ata finais de xuño. “Un mes cheo de música, talento e emoción, con actuacións repartidas por distintos espazos da vila”, anuncia o Concello de Viveiro.
Este martes, 20 de maio, haberá concerto da Banda do Conservatorio no salón de actos do propio centro ás 19:45 horas.
O venres 23 de maio o Grupo de Gaitas do Conservatorio ofrecerá unha actuación nas rúas de Viveiro ás 18:30 horas.
E o sábado 24 de maio o Coro de Adultos do Conservatorio actuará na Igrexa das Concepcionistas ás 20:30 horas.
Este vindeiro domingo El Tributo de la Fila actuará nas Cuatro Calles a partires das 13 horas para animar o mediodía nesa zona da vila. Desde a organización advirten que “en caso de mal tempo o concerto quedaría aprazado para outro día”.
O Domingueo en Ribadeo continuará os días 25 de maio, 15 e 29 de xuño e 6 de xullo por diferentes localizacións da vila, como xa ocorreu na pasada edición.
Desde o Concello e desde Acisa animan “ás veciñas e aos veciños de toda a contorna a achegarse a Ribadeo a gozar de todas as propostas que aquí van atopar os domingos, ou en calquera outra xornada”.
O Concello ribadense e Acisa poñen en marcha unha nova edición da campaña Domingueo en Ribadeo co obxectivo de promocionar as compras no comercio local os domingos pola mañá e o consumo na hostalería local. A música inundará os recunchos da vila durante os mediodías de seis domingos desde o 27 de abril ao 6 de xullo.
A concelleira de Comercio, Marta Saiz, manifestou que “esta fin de semana poñemos en marcha unha nova edición do Domingueo en Ribadeo, campaña comercial do Concello conxuntamente con Acisa para facer das mañás de domingo unha cita ineludible para vir pasear, mercar ou tomar o vermú a Ribadeo. Somos conscientes de que as xornadas de domingo na nosa vila atraen a moitas persoas de diferentes lugares e por ese motivo, coincidindo coa chegada da primavera na que apetece máis saír, o que pretendemos é darlle a estas mañás un toque...
leer más
O deputado provincial de Mocidade, Daniel García, participou este venres, 4 de abril, na presentación de Maraxes da Osa, un ciclo de concertos organizado por Fanto Fantini coa colaboración da Vicepresidencia da Deputación de Lugo e do Concello de Burela.
Marilia Monzón, Mercedes Cañas, Yarea e Caamaño&Ameixeiras completan o cartel deste primeiro ciclo de concertos, que se celebrarán os meses de abril, maio e xuño no auditorio de Burela.
Daniel García augurou “éxito a esta nova iniciativa que ten o aval do traballo de Fanto Fantini co Osa do Mar e que segue ampliando a axenda da música en vivo en Burela e na Mariña" .
O acto contou coa participación de Carmela López, alcaldesa de Burela; Mario Pillado, tenente de alcaldesa; Lina Gómez, concelleira de Cultura, e membros da Fundación Eu Son, que colaboran na actividade de Fanto...
leer más
Burela acollerá un ciclo de concertos, titulado Maraxes da Osa, que empezará o día 11 de abril, venres, coa actuación da cantante canaria Marilia Monzón.
Os organizadores explican que “Maraxes quere converterse nunha brisa suave que entre na Mariña de Lugo disfrazada de ciclo de concertos.
Damos inicio ao primeiro coa cantante e compositora Marilia Monzón”. Será o venres 11 de abril ás 21:00 horas (apertura de portas ás 20:30) na Casa da Cultura.
A segunda actuación do ciclo será da cantante e compositora Mercedes Cañas o sábado 10 de maio ás 21:00 horas (apertura de portas ás 20:30), tamén na Casa da Cultura de Burela.
As entradas para estes dous concertos están á venda na web www.wegow.com.
O Conservatorio de Música de Viveiro ofrece concertos na cidade do Landro os días 18, 19 e 20 de decembro
O Concello de Viveiro anuncia que “o Conservatorio Profesional de Música de Viveiro segue coa súa programación de audicións e concertos deste mes. O Concello de Viveiro convida á veciñanza a asistir aos concertos que se celebrarán esta semana en diferentes puntos do municipio. Este mércores, día 18 de decembro, será a quenda de guitarra e piano e o xoves 19, de saxofón e piano, en ambos casos ás 19:30 horas no Conservatorio. O venres 20 rematará a programación co pasarrúas do grupo de gaitas ás 18:00 horas e o concerto da Orquestra de Corda e o Coro Lois Tobío ás 20:30 horas na igrexa de Santa María”.
A Escola Municipal de Música de Burela celebra as festas co seu Concerto de Nadal en Familia e o de panxoliñas, que serán este mércores, 18 de decembro, e o venres 20 respectivamente.
O Concello de Burela convida á veciñanza a asistir a estas dúas actividades organizadas dende a Escola de Música, que terán lugar esta semana. A primeira delas será o Concerto de Nadal en Familia este mércores, 18 de decembro, ás 20:00 horas no auditorio da Casa da Cultura. Despois será a quenda do Concerto de Panxoliñas este venres, día 20 de decembro, ás 16:00 horas no salón de conferencias do Hospital Público da Mariña.
O 9 de agosto o XI Festival Bal y Gay recalará en Ribadeo co concerto que ofrecerán Sergey Khachatryan ao violín e Lusine Khachatryan ao piano. A actuación terá lugar no auditorio municipal Hernán Naval.
O domingo, 11 de agosto, ás doce da mañá no Salón dos Alcaldes do Concello de Ribadeo terá lugar a presentación do disco Beethoven, The Last Sonatas, de Leopoldo Erice.
A xornada do domingo concluirá con outro concerto do Festival Bal y Gay. Será o que ofrecerán no auditorio municipal Nereydas, baixo a dirección de Javier Ulises Illán.
Volve a música ao auditorio ao aire libre de Cabanela, en Ribadeo, os mércores de agosto a partir das 20:30 horas.
Rock Be Me, música in live gratis nas tardes do verán.
O 7 de agosto actúa Giro Total; o día 14 Los Alcántara; o 21 de agosto será a quenda para escoitar a La Indirigible e o 28 terá lugar a actuación de Sintrom ni Son.
Este ciclo de concertos está organizado polo Concello de Ribadeo e pola Xunta de Galicia.
Mañá, sábado, rematan as véspera do Ribadeo Indiano cunha merenda campestre e co concerto de Roi Casal en Pedro Murias.
A concelleira de Turismo, Marta Saíz, explica que “comeza a conta atrás para a novena edición do Ribadeo Indiano. Levamos días celebrando as vésperas e as antevésperas con visitas teatralizadas, con obradoiros de doces, con monicreques na rúa… para ir creando ambiente e prepararnos para os días 12, 13 e 14 de xullo”.
A edil ribadense sinala que “mañá, 5 de xullo, teremos unha merenda campestre na granxa escola Pedro Murias, un lugar dunha beleza especial e no que a pegada indiana é evidente xa que a instalación foi levantada grazas á filantropía dun emigrante ribadense que fixo fortuna en Cuba e que da nome ao centro. A merenda dará comezo ás seis tarde. Animamos ás familias á levar as súas...
leer más