1. Inicio

Galego

Os días 10 e 17 de novembro haberá cine en galego no Teatro Pastor Díaz, de Viveiro. Serán tres proxeccións.

Etiquetas:
Viveiro, Cine, Galego
09/11/2017

O ciclo titulado "Emocionate en galego" preséntase no Teatro Pastor Díaz de Viveiro os días 10 e 17 deste mes de novembro.

O día 10, haberá dúas sesións, ás 18:30 e as 20:30 horas. A primeira película será "Maimiño" de Ernesto Padrón e Ficción Producciones. Tamén o venres 10 proxectarase "Os días afogados" de César Souto Vilanova e Luís Avilés Baquero, e Amanita Films.

O 17 de novembro rematará este ciclo co film "Fíos fóra" de Illa Bufarda e Amarante Setem. Será a partires das 20:30 horas.

Esta actividade está promovida polo Concello de Viveiro e a Xunta de Galicia. 

 

O 12 de febreiro arrinca o programa Apego do que forma parte o Concello de Ribadeo xunto a outros 30 de Galicia.

Etiquetas:
Ribadeo, Galego, Nenos
09/02/2017

O Concello ribadense forma parte do programa Apego, que busca fomentar e favorecer a transmisión do galego de adult@s a pequen@s. Está dirixido a todas as familias que vaian ter un bebé ou que xa teñan na casa un neno ou nena de 0 a 6 anos e que estean interesadas en transmitirlle o galego. Unha das primeiras propostas de Apego terá lugar este domingo, 12 de febreiro. Teatro da Semente representará Chíos, un espectáculo sensorial de 30 minutos de duración. Será ás 17:30 horas no Teatro. 

Na presentación que tivo lugar esta tarde o concelleiro de Cultura, Farruco Graña, explicou que “estamos aquí hoxe para presentar o proxecto Apego, que é un programa colectivo que sobre todo pretende fomentar, favorecer e lograr que a transmisión do noso idioma entre os adultos e os pequenos sexa unha realidade, porque nestes momentos quizais sexa o...

leer más

A ACD Penalba-Colectivo Chilindrín organiza unha xornada de portas abertas o vindeiro 7 de outubro para dar a coñecer o baile galego. Será na Casa do Forno, de Celeiro.

Etiquetas:
Celeiro, Baile, Galego
27/09/2016
A ACD Penalba-Colectivo Chilindrín organiza unha xornada de portas abertas o vindeiro 7 de outubro para dar a coñecer o baile galego. Será na Casa do Forno, de Celeiro.
 
O 7 de outubro terá lugar na Casa do Forno, de Celeiro, ás 19:00 horas unha xornada de portas abertas para dar a coñecer o baile galego.
 
O grupo de danzas e gaitas Nova Semente de Celeiro convidan a acudir a todos aqueles que queiran participar nas actividades. Tamén se poden por en contacto coa asociación no mail colectivochilindrin@gmail.com
 
Organiza: ACD Penalba- Colectivo Chilindrín
 

A Casa da Cultura de Ourol acollerá un curso sobre o galego o 8 de xuño. Está organizado polo grupo informal de mozos e mozas Ourelo.

Etiquetas:
Ourol, Obradoiro, Galego
31/05/2016
A Casa da Cultura de Ourol acollerá un curso sobre o galego o 8 de xuño. Está organizado polo grupo informal de mozos e mozas Ourelo.
 
O grupo Ourelo de Ourol organiza para o 8 de xuño un obradoiro titulado "Cal é o galego de verdade?".
 
Nesta actividade que terá lugar o 8 de xuño de 11:00 a 12:30 horas na Casa da Cultura de Ourol, os asistentes participarán de forma activa neste traballo sobre o galego. Falarán da riqueza dialectal da súa evolución, da utilidade, e farán unha árbore do galego coas verbas que se usan diariamente e con aquelas que se usaban pero agora non.
 
Este obradoiro será impartido por Lorena Piñón López de Bravos e estará apoiado polo resto de membros do grupo. O destinatario é o público en xeral. Organiza o grupo informal de mozos e mozas Ourelo e colabora o...
leer más

Burela acollerá o 5 de maio a 16ª edición do Correlingua da Mariña. Mil seiscentos escolares correrán polo galego, baixo o lema "O galego está en nós".

Etiquetas:
Carreira, Galego, Burela
30/04/2016
Burela acollerá o 5 de maio a 16ª edición do Correlingua da Mariña. Mil seiscentos escolares correrán polo galego, baixo o lema "O galego está en nós".
 
A edición 2016 do Correlingua na Mariña, carreira pola lingua do alumnado de todos os ciclos educativos organizada pola CIG-Ensino, a Asociación Socio-Pedagóxica Galega (AS-PG) e a Mesa pola Normalización Lingüística, coa colaboración dos Concellos de Pontevedra, Vigo, Lugo e Ourense xunto coas Deputación de Lugo, A Coruña e a de Pontevedra, foi presentada esta tarde no Concello de Burela.
 
No acto participaron Alfredo Llano, alcalde de Burela, -concello que este ano acolle o Correlingua-, Antonio Veiga, Vicepresidente da Deputación de Lugo, Mónica Pazos, en representación da Mesa pola Normalización Lingüística, Dores Fernández Abel, da CIG-Ensino e coordinadora da actividade, e representantes dos Equipos de Dinamización Lingüística...
leer más