Ata o 30 de setembro poden presentarse imaxes ao XI Concurso de Fotografía Medio Ambiental Xove, a súa costa e o seu mar

O Concello de Xove, a través da súa Concellería de Medio Ambiente, convoca unha nova edición do Concurso de Fotografía Medioambiental. Nesta ocasión, o certame ten como protagonista a riqueza natural da costa e do mar de Xove. 

O prazo de presentación das fotografías estará aberto ata o 30 de setembro deste 2025. Os traballos poderán entregarse no Rexistro de Entrada de Documentos do Concello ou enviarse por correo postal, facendo constar a data de presentación na oficina de Correos.

As bases completas e a convocatoria están dispoñibles na páxina web oficial do Concello: www.xove.es . Para quen precise máis información, tamén se pode chamar ao teléfono 982 592 001 (Departamento de Medio Ambiente).

Nesta edición establécese unha categoría única con premios en metálico de 120, 100, 90, 75 e 65 euros.

Este concurso serve como motivo para compartir a mirada que teñen os/as participantes sobre a natureza e o mar de Xove.