De novo a Fundación Expomar de Burela que preside Alfredo Llano García está a traballar na vindeira Produart 2016, feira dos produtos artesanais e ecolóxicos que chega á súa XIV edición.
O primeiro fin de semana, nas datas do 5, 6 e 7 de agosto terá lugar en Burela a XIV edición de Produart, que abrirá a súas portas a partires das 17.30 horas do venres 5 de Agosto, con carácter totalmente gratuíto para @s visitantes. Coma sempre Produart 16, coincidirá coa celebración da Festa Degustación do Bonito, organizada pola A.C. Ledicia, coa que todos estes anos estamos a colaborar e que terá lugar o día 6 na explanada portuaria da nosa localidade.
Produart 16 informa a tódalas empresas de produtos artesanais e ecolóxicos, que nestes momentos estamos nos días da campaña comercial de participación e captación de expositores/as. Calquera empresa relacionada cos sectores artesanais ou ecolóxicos, poden poñerse en contacto conosco nos teléfonos da Fundación o via mail 982 586232 ou 610 574188 ou xerencia@expomar.com ou ben a expomar@expomar.com
Produart 16 comezará esta edición cun programa de actividades paralelas á propia exposición comercial que se desenvolverá no recinto feiral durante as datas de realización da feira: conferencias, videoforum, exposicións, talleres para nen@s durante toda a duración da feira, demostracións en vivo, degustacións… tódalas actividades paralelas, acompañarán nestas datas á exposición comercial dos produtos artesáns e ecolóxicos representados.