Charlas
Desde Nordés Faladora sinalan: “Amigas e amigos de Nordés. Co obxectivo de que o illamento se nos faga a todas e todos máis levadeiro vimos presentarvos unha nova proposta que agardamos sexa do voso interese, pois a continuidade da mesma vai depender precisamente do seguimento que teña, de tal xeito que, se vai ben a cousa, a unha primeira seguirá unha segunda, e a esta unha terceira...etc, etc”.
Trátase dos Videofaladoiros de Nordés. “Unha iniciativa en forma de relatorios de curta duración feitos e transmitidos en directo pola aplicación “jitsi meet”, unha das máis sinxelas de empregar de todas as ofertadas, polo que non hai escusa para deixar pasar a oportunidade de conectarse o sábado 18 de abril ás 19:00 horas para escoitar a charla deXosé Lois González, titulada Os mouros na toponimia do Ortegal e A Mariña”, engaden desde Nordés....
leer más
Nordés quere ser unha illa, como aquelas que cada día descubría Carvalho Calero no mar do mundo (“Futuro condicional”, 1982). E dende ela, tender pontes e ofrecer o seu apoio telefónico a aquelas persoas que están a pasar a corentena en solitario nos concellos do Vicedo, Mañón e Ortigueira. Desde Nordés explican que “por isto, creamos “parola(r)”, unha rede de conversas telefónicas. Se queres falar, ou coñeces a alguén que o precise, podémonos facer compañía dende as nosas casas”.
Persoas voluntarias de Nordés estarán ao outro lado da liña telefónica para botar unha parolada e dar compañía a quen decida chamar ao punto coordinador: 653756454 (Ricardo). Desde Nordés engaden que “ademais, comprométense a manter a confidencialidade dos contidos das conversas. Gustaríanos recalcar que as persoas voluntarias non son profesionais”.
... leer más
Apaga programa unha nova acción formativa, que terá lugar este sábado, 14 de marzo, ás seis da tarde no Centro de Formación e Experimentación Agroforestal Pedro Murias, de Ribadeo. Está organizada por Agacal, coa colaboración de Apaga. A xornada está destinada ás empresas forestais da comarca e na mesma abordarase a implantación do ciclo de técnico en aproveitamento e conservación do medio natural así como outras accións de formación continua dentro da familia profesional agraria.
O presidente de Apaga, Álvaro Doural, explicou que “é unha xornada convocada por Agacal, que é un departamento de Medio Rural dedicado ao tema de formación principalmente. Pretende a reunión xuntar a todas as empresas do sector forestal da zona coa idea de implantar toda unha serie de ensinanzas, desde un ciclo medio de forestais a outro tipo de actividades de...
leer más
A Aula CeMIT do Concello de Ribadeo ofrecerá unha conferencia de presentación da plataforma É-Saúde que se celebrará o 12 de marzo de 11:00 a 13:00 horas. A charla, mediante vídeo conferencia, será ofrecida pola Universidade Senior de A Coruña.
As prazas son limitadas e será necesario facer a pre inscrición na propia Aula CeMIT, na Casa da Xuventude, no número de teléfono 982 120 732 ou ben online.
É-Saúde constitúe unha aplicación informática que é a ferramenta do SERGAS para a comunicación co cidadán, accesible desde calquera lugar e dispositivo como ordenador, móbil ou tableta, e que lle permite o acceso a servizos e contidos de saúde personalizados.
En É-Saúde o usuario pode atopar o calendario das súas citas médicas, os informes da súa historia clínica electrónica, a información...
leer más
O Concello de Foz xestiona con Sogama o reparto de 30 composteiros de uso doméstico, que serán entregados nunha charla informativa organizada para o día 17 deste mes, martes, no salón de actos do Cenima.
O Concello de Foz está a xestionar con SOGAMA a entrega de 30 composteiros de uso doméstico, que pon a disposición daquelas persoas interesadas en participar no programa promovido pola empresa pública e que ten por obxecto estender as prácticas de autocompostaxe a distintas vivendas unifamiliares de cara a lograr unha xestión máis sostible do lixo, minorando a cantidade de residuos depositada nos colectores xenéricos e contribuíndo a minimizar o excesivo uso de fertilizantes químicos mediante a obtención de compost orgánico.
Está aberta a lista para anotarse para a entrega de composteiros no teléfono 982.133.159...
leer más
A Federación de Comercio de A Mariña (FCAM) organiza unha xornada informativa destinada a empresas e emprendedores.
Esta actividade terá lugar o 5 de marzo no Cenima de Foz a partir das 12 do mediodía. A entrada é libre. Baixo o título de Emprende, os conferenciantes facilitarán información sobre subvencións e axudas a empresas e emprendedores desde distintos organismos públicos e asociacións colaboradoras, entre outros asuntos. O presidente da FCAM, José Carlos Paleo, explica que “o obxectivo é animar a emprender e que a xente se anime aos traspasos de negocios. Tamén se falará do mercado do aluguer e das axudas e subvencións para emprendedores”.
Na xornada participarán representantes da Xunta de Galicia, da Deputación de Lugo, do Grupo de Acción Local do Sector Pesqueiro A Mariña-Ortegal, do Grupo de...
leer más
A Asociación Cultural Irmandade Santo Estevo, de Barreiros, e Mariña Patrimonio, en colaboración co Concello de Barreiros e a Área de Cultura da Deputación de Lugo, organizan o próximo venres, 14 de febreiro, a conferencia “Santo Estevo do Ermo. Unha xeografía mítica e sagrada”.
A charla será impartida polo antropólogo Rafael Quintiá e terá lugar ás 20.00 horas no Centro Social de San Cosme de Barreiros.
A Concellaría de Cultura e Consumo organiza uns actos arredor do urbanismo e o maltrato da paisaxe que se desenvolverán os días 24 e 31 de xaneiro. Hoxe foron presentados pola edil Pilar Otero Cabarcos.
A concelleira ribadense explicou que “o eixo central serán as proxeccións do documental Estruturas, de Paco Gallego e Xosé Bocixa, gravado en 2018 e onde se escoitará o parecer de diferentes persoas estudosas do tema como a do decano do Colexio de Arquitectos de Galiza, Antonio Maroño, arquitectos como Carlos Coto ou Fermín Blanco, arquitectas como Elvira Carregado e Carmen Vázquez, o director da ETSAC (Escola Técnica Superior de Arquitectura da Coruña), Fernando Agrasar -tamén arquitecto-, do sociólogo urbanista Manuel G. Docampo ou da xeógrafa Rocío Romar, colaboradora do proxecto educativo Proxectoterra, que leva os valores da paisaxe e...
leer más
ACISA Ribadeo organiza unha charla informativa sobre transformación dixital, que se celebrará o 30 de xaneiro ás 9:30 horas nas instalacións do Hotel O Cabazo.
A organización empresarial programa este almorzo informativo co fin de falar sobre a transformación dixital e como se pode vender máis a través de solucións dixitais. Desde ACISA subliñan que “é preciso adaptarse ás novas tecnoloxías, de aí a importancia de celebrar charlas coma este que teremos a vindeira semana”.
A conferencia será impartida por Jesús Otero Díaz, responsable de Negocio Dixital do Banco Santander en Lugo, que ademais presentará a ferramenta que ten o propio banco para chegar a ese obxectivo.
ACISA Ribadeo anima a todos a participar nesta xornada, tanto comerciantes como hostaleiros e dos sectores de restauración...
leer más