As Catedrais

Etiquetas:
25/03/2018

Aproveitando a chegada da Semana Santa e con ela a de miles de turistas a Ribadeo a Concellaría de Turismo pon en marca o vindeiro xoves, 29 de marzo, unha serie roteiros guiados polo monumento natural da praia das Catedrais, “considerando esta actividade como un reclamo e atractivo turístico máis dentro da nosa oferta de lecer, tratando así, de por en valor o noso patrimonio”, anunciou a edil Ana Martínez.

A concelleira de Turismo engadiu: “é por iso que desde este departamento desexamos incorporar este ano unha nova actividade que redunde na calidade, diversidade e vistosidade do noso patrimonio. Trátase duns 13 roteiros guiados polo monumento natural da praia das Catedrais, a través dos cales se mostrarán os aspectos históricos, culturais, etnográficos, xeográficos, naturais e mitolóxicos relacionados cos lugares polos que se discorre....

leer más
Etiquetas:
21/03/2018

O venres, 23 de marzo, comezarán a funcionar novas rutas de autobús con oito paradas diarias na praia das Catedrais, que estarán operativas ata o 2 de abril para cubrir a demanda durante a Semana Santa. Os horarios axustaranse en cada xornada segundo as previsións da marea baixa.

O delegado territorial da Xunta en Lugo, José Manuel Balseiro, explicou que a Consellería de Infraestruturas e Vivenda incluíu a previsión de cubrir estes traxectos no contrato de adxudicación coa empresa que realiza o servizo de transporte por autocar entre Ribadeo e Foz para os  períodos de maior concorrencia de visitantes, a Semana Santa e o verán, entre os meses de xullo e setembro.

Balseiro lembrou que xa está en marcha o operativo de visitas guiadas e acceso con autorización, que será necesaria entre os 23 de marzo e o 2 de abril....

leer más
03/11/2017

O 11 de novembro terá lugar unha limpeza simultánea de praias de Galicia. Trátase dunha actividade que organizan Adega e a Universidade de Vigo. En Ribadeo actuarase no areal das Catedrais, segundo informan desde a Concellería de Sostibilidade Ambiental e Medio Mariño. 

As persoas que desexen participar nesta iniciativa, coa que colabora o Concello de Ribadeo, deben dirixirse a adegalugo@adega.gal ou ao teléfono 686 11 87 22. 

O encontro para proceder á limpeza da emblemática praia das Catedrais será no aparcamento do areal o 11 de novembro (sábado) ás 15 horas. Esta tarefa prolongarase ata as seis da tarde. 

No protocolo para a limpeza dos areais, elaborado por Adega e a Universidade de Vigo, subliñan que “a costa galega conta con innumerables...

leer más
11/09/2017

Mañá, martes, ás doce da noite rematará o prazo de inscrición na IV Media Maratón Ribadeo-As Catedrais, que se celebrará o vindeiro sábado, 16 de setembro, a partir das 17:30 horas. Ata o momento son 714 os inscritos, que poderán retirar os seus chips e dorsais esa xornada entre as 11:15 e as 13:15 horas pola mañá e de 15 a 17 horas no Concello.

Desde a organización lembran que estarán a disposición dos participantes os vestiarios do pavillón polideportivo municipal, sito na avenida de Luarca, tanto para cambiarse antes da proba como para ducharse unha vez rematada. Ademais haberá autobuses cada quince minutos para trasladar aos atletas antes da Media Maratón desde a praia das Catedrais ata o Concello. Será entre as 15 e as 16:45 horas. Así como recollida e traslado de mochilas de corredores desde o Concello ata As Catedrais.  

 ...

01/03/2017

A IV Media Maratón Ribadeo-As Catedrais terá lugar o 16 de setembro ás 17:30 horas. Serán os corredores os que decidan a través dunha enquisa en facebook o sentido da carreira, Ribadeo-As Catedrais ou As Catedrais-Ribadeo, segundo deron a coñecer este mediodía no Concello o edil de Deportes, David Rivas, o alcalde, Fernando Suárez, e o técnico municipal de Deportes, Iván López. 

O concelleiro de Deportes explicou que “o 16 de setembro ás cinco e media da tarde sairá a cuarta edición da media maratón Ribadeo-As Catedrais, unha proba que vai medrando ano tras ano en participación e que está converténdose nunha cita fixa para moitas persoas afeccionadas ao deporte do atletismo”.

David Rivas subliñou que “este ano, para seguir medrando organizativamente e despois de escoitar moitas opinións de sectores da poboación...

leer más
Etiquetas:
20/09/2016
A BBC pasou pola praia das Catedrais e os días 27 e 28 de setembro chegará o equipo de rodaxe dunha serie que arrasa en Asia.
 
A concelleira de Turismo, Ana Martínez, considera que as visitas de canles de televisión internacionais á praia das Catedrais “son importantes para dar a coñecer este pequeno, pero fermoso recuncho do mundo, que cada día brilla como unha estrela como luz propia e con moita forza”. A BBC pasou por aquí e nuns días chegarán os actores, actrices e o resto de membros do equipo de rodaxe dunha serie que está a trunfar en Asia. 
 
A edil ribadense dixo que “logo dun verán espectacular en canto non só ao bo tempo, senón ao número de visitantes de novo a praia das Catedrais segue a ser protagonista. Durante os últimos tempos no Concello estamos a recibir solicitudes diversas para acceder ao areal e así poder gravar”. Martínez explicou que “...
leer más
Etiquetas:
30/06/2016
A Xunta pon en marcha o 1 de xullo as medidas de protección da praia das Catedrais para o verán, reforzando o persoal e regulando o acceso.
 
A Consellería de Medio Ambiente e Ordenación do Territorio pon en marcha este venres as medidas de protección da praia das Catedrais para o verán, reforzando o persoal e regulando o acceso co fin de preservar e conservar o espazo natural e fomentar un turismo sostible.
 
A delegada territorial da Xunta, Raquel Arias, lembrou hoxe que estas medidas estarán en vigor  ata o 30 de setembro e dan continuidade ao Plan de conservación do monumento natural que se aprobou en xuño do ano pasado. O plan establece unha afluencia máxima ao areal de 4.812 persoas diarias en tempada alta aínda que poden visitarse libremente as demais áreas habilitadas para o uso público: sendeiro, miradoiro e  área de descanso.
... leer más
14/03/2016
Aberto o prazo de inscrición na III Media Maratón Ribadeo-As Catedrais, que terá lugar o 10 de setembro.
 
O Concello abriu esta noite o prazo de inscrición na III Media Maratón Ribadeo-As Catedrais, que foi presentada esta tarde.
A proba terá lugar o 10 de setembro con saída ás 17:00 horas das inmediacións Concello. O edil de Deportes, David Rivas, salientou que “este ano adiantouse unha hora o comezo dada a diferenza de chegada entre os primeiros e os últimos participantes para evitar o risco que poida supor correr case de noite pola zona”. O concelleiro nacionalista engadiu: “considerouse a posibilidade de que o percorrido rematase en Ribadeo en vez de nas Catedrais, pero descartámolo porque nos pareceu que perdía parte do encanto e da intención da carreira, que era a posta en valor e a reivindicación das Catedrais como espazo protexido”. O responsable de Deportes tivo...
leer más
Etiquetas:
09/07/2015
Xeorutas das Catedrais e de Rinlo, organizadas polo Concello de Ribadeo. Son gratuítas e darán comezo o 15 de xullo.
 
O Concello de Ribadeo presentou esta mañá dous itinerarios de rutas xeolóxicas ao longo da praia das Catedrais e da costa de Rinlo, coas que quere mellorar os coñecementos dos visitantes sobre a orixe e as peculiaridades xeomorfolóxicas do seu litoral. O proxecto, listo para os visitantes a partir do día 15 de xullo, consiste en dous roteiros gratuítos a cargo de tres guías formados expresamente para esta tarefa dende o pasado inverno.  Os interesados en participar na iniciativa poderán apuntarse tanto a pé de praia e en Rinlo uns minutos antes de comezar a ruta, así como na oficina de turismo da vila e no punto de información turística das Catedrais. Ademais, tamén se poderá facer a inscrición na páxina web do Concello. Os grupos serán dun máximo de 15 persoas. O Concello agarda xuntar 510 persoas  á semana na...
leer más
08/07/2015
A II Media Maratón Ribadeo-As Catedrais terá lugar o 12 de setembro ás seis da tarde. A inscrición ábrese ás doce desta noite.
 
O 12 de setembro celebrarase a II Media Maratón Ribadeo-As Catedrais. O evento foi presentado este mediodía no salón de plenos do Concello polo alcalde, Fernando Suárez, e polo concelleiro de Deportes, David Rivas. A inscrición ábrese ás doce desta noite.
O rexedor dixo que “despois desta experiencia tan marabillosa que tivemos o ano pasado na primeira edición desta sorprendente proba deportiva, que se realizou aquí en setembro coa que intentamos conxugar o deporte, o espírito deportivo, o esforzo, pero tamén a reivindicación do noso patrimonio natural, que temos afortunadamente aquí, en Ribadeo, tanto na propia praia das Catedrais en si, algo visitado por centos de miles de persoas de todo o mundo, como tamén nun litoral que escapou ás gadoupas daquela burbulla...
leer más