Trofeos
A 75ª edición do trofeo de fútbol Emma Cuervo disputarase en Ribadeo o día 13 de agosto, xoves, ás 19:00 horas e enfrontará ao Real Avilés co Racing Club de Ferrol.
O Ribadeo FC anunciou tamén que o VI Emma Cuervo Feminino xogarano o Real Club Deportivo da Coruña e o Real Sporting de Gijón o venres 7 de agosto ás 19:00 horas.
Ademais o III Trofeo Feiraco celebrarase ao día seguinte, o sábado 8 de agosto, ás 18:30 horas entre o CD Lugo e o Real Oviedo Vetusta.
Estes tres encontros disputaranse no Campo de Fútbol Municipal Pepe Barrera.
Hoxe foron presentados os Trofeos Emma Cuervo, que organiza o Ribadeo FC coa colaboración do Concello e da Xunta. Ao acto desenvolvido esta mañá acudiron, entre outros, os concelleiros de Deportes e Obras, Francisco José Silvent e Diego Dos Santos, o técnico municipal de Deportes, Iván López, e o xefe provincial de Deportes da Xunta, Manuel Otero.
A 73 edición do Emma Cuervo Masculino terá lugar o 6 de agosto ás 19:00 horas. O trofeo será disputado entre o CD Arenteiro e a SD Ponferradina.
E a cuarta edición do Emma Cuervo Feminino celebrarase o 31 de agosto ás 18:00 horas. Xogarán o partido o Atlético Villalonga e o Real Oviedo Feminino.
