Exposiciones
A Casa da Cultura de Burela acolleu a inauguración da exposición titulada Gromo de Eloy Hermida, que se poderá visitar ata o 28 de febreiro.
Gromo é un proxecto artístico composto por diversas obras que teñen como eixo central a mitoloxía e paisaxes galegas. O noso folclore sempre serviu para representar os medos e frustracións da sociedade galega, neste caso revivimos estes mitos para simbolizar as preocupacións máis contemporáneas. Galicia conta cun folclore tan extenso e rico coma as súas terras pero hoxe en día estase a desvanecer pola perda da súa tradición oral. O obxectivo de Gromo é achegar de novo as historias que inundaron os nosos pobos á súa xente, dándoo a coñecer ás novas xeracións por medio da súa linguaxe artística.
A mostra permanecerá na sala de arte da Casa da Cultura de Burela durante todo o...
leer más
Esta mañá inaugurouse en Ribadeo a mostra “A memoria do son”, con fondos instrumentais e do arquivo documental do Centro de Artesanía e Deseño (Centrad) da Vicepresidencia da Deputación de Lugo. O deputado provincial, Efrén Castro, e os concelleiros de Cultura e Turismo, Pilar Otero e Pablo Vizoso, presentaron a mostra que pode verse na Oficina de Turismo de Ribadeo ata o 20 de febreiro.
A exposición, cun formato itinerante pensado para achegar as distintas localidades o patrimonio musical da Colección de Instrumentos e Obxectos Sonoros do Centrad, inclúe unha giga, unha rota, unha cítola, unha viola de perna, unha viola de brazo, unha zanfona e un organistro, construídos a partir de representacións escultóricas destes instrumentos en lugares emblemáticos como o Pórtico da Gloria ou o Pazo de Xelmírez ou dos datos recollidos en...
leer más
A Sala de Exposicións do Concello de Lourenzá acolle a mostra titulada Proxecto Argos. Memoria e patrimonio baixo a Ría, que estará aberta ao público ata o 10 de xaneiro de 2022.
Esta actividade está organizada polo Concello de Lourenzá; a Asociación de Actividades Subacuáticas Illa Pancha, de Ribadeo; e o grupo de investigación Áncora.
O concelleiro de Cultura, Manuel Arango Ron, explica que esta exposición “é interesante para todo tipo de público e recomendada para que @s nen@s coñezan a riqueza arqueolóxica que hai nos fondos dos mares e das rías”.
O Concello de Foz vén de poñer en marcha unha nova aplicación no CENIMA (Centro de Interpretación da Mariña), que se une ás xa existentes, como a de realidade aumentada patrimonial ou de recreación histórica. Denomínase O paso do tempo con intelixencia artificial, unha pantalla na que se poden visualizar as fotos que estiveron expostas no CENIMA antes da creación da Oficina Virtual de Turismo e onde se reviven momentos do pasado a través de escenas cotiás e os ambientes de Foz en décadas pasadas, anuncia o concelleiro de Turismo Chema Linares.
O edil explica que “esta aplicación foi realizada por Ilux Virtual Tegnology, a mesma empresa que fixo o proxecto de A Mariña Virtual e que se encarga do mantemento e asistencia técnica en todas as aplicacións. Tratamos así de recuperar, conservar e preservar o noso patrimonio inmaterial, onde...
leer más
A UNED de Foz organiza unha exposición sobre a emerxencia climática, que está aberta ao público no Cenima de luns a venres de 9:00 a 14:00 horas ata o 17 de xaneiro.
Os organizadores da mostra explican que “a exposición Emerxencia climática: feitos e datos, enfocada desde a educación ambiental e baseándose en información científica contrastada, pretende proporcionar os fundamentos básicos que argumentan a crise climática que vivimos. Preséntase como un percorrido secuencial, pero tamén pode facerse un achegamento á exposición tendo en conta catro grandes bloques de contidos diferenciados: bases de coñecemento climático; desde o global até pisar o noso territorio; motivos para a esperanza, proposta de acción; e estratexias, alianzas e actores para a emerxencia climática.
A coordinadora da Aula Universitaria de Foz...
leer más
Ata o 13 de xaneiro está aberto ao público o tradicional Belén “Viveiro ante o Berce”.
Igual que na pasada edición, para visitar o Belén habilitarase un percorrido cunha única dirección, co obxectivo de evitar aglomeracións.
O belén “Viveiro ante o berce” considérase como un dos máis importantes de Galicia, destacando pola súa beleza, a dimensión das súas pezas, a extensión do conxunto do propio belén e por estar instalado nun enclave histórico-monumental único.
Ademais o Concello xa acendeu as luces de Nadal e nos vindeiros días presentará unha completa programación para todas as idades.
A Praza do Conde Santo acolle unha Vila de Nadal elaborada artesanalmente e no barrio de Gracia hai unha estampa do Polo Norte para ambientar Lourenzá nestas datas.
A alcaldesa, Rocío López, explicou que “é todo feito de xeito artesanal, empregando madeiras e outros materias naturais. Detrás está un mes intenso de traballo por parte dos empregados do Concello, d@s concelleir@s e tamén doutra xente que nos veu axudar. Fai uns anos que botamos a andar este proxecto de Vila de Nadal e cada vez imos inventando algo novo e dándolle forma. Nesta ocasión decidimos incorporar unha paisaxe nova, na que se poden ver unhas montañas, un río, un pescador e ata unhas mulleres na vida cotiá. Outras das novidades son a imaxe dun peregrino a entrada da praza do Conde Santo, que non podía faltar xa que por Lourenzá pasa o Camiño Norte e somos final de etapa...
leer más
O Castelo de Castro de Ouro acolle a exposición das imaxes do II Concurso de Fotografía Alfoz en primavera. Pode visitarse no horario de apertura do Castelo e a Oficina de Información Turística, que durante o inverno é sábados, domingos e festivos de 10:30 a 14:00 horas e de 17:00 a 20:00. Ademais o Castelo de Castro de Ouro e OIT está aberto os días 6, 7 e 8 de decembro no mesmo horario.
No Castelo de Castro de Ouro actualmente poden visitarse tamén 2 exposicións permanentes: na planta baixa a dedicada ás Antigas Escolas Unitarias e na primeira planta a de pintura de Hipólito Xeada.
A exposición fotográfica Express-Arte estará na Casa da Cultura de Burela ata o 29 de novembro en horario de luns a venres de 11:00 a 13:00 horas e de 18:00 a 20:00 horas.
Esta mostra foi creada no marco dun programa de inserción laboral para vítimas de violencia de xénero e forma parte das actuacións enmarcadas na Rede de Entidades Locais contra a Violencia de Xénero da que forma parte o Concello de Burela.
Despois de moitos meses aletargados por mor da situación sanitaria, a Sociedade Cultural Ledicia retoma pouco a pouco a actividade achegando ata Burela unha exposición sobre o traxe tradicional denominada Vestimenta nas Terras de Lugo.
A exposición é froito do traballo do Obradoiro Traxandaina de Lugo, e amosará unha ampla colección de pezas da vestimenta de "dominguear" da nosa provincia de finais do século XIX e comezos do XX. Son pezas orixinais recollidas en distintos concellos e traballos de reprodución extremadamente coidadosos.
A inauguración terá lugar o domingo, 14 de novembro, ás 18:00 horas, e contará cunha explicación detallada das pezas a cargo do propio obradoiro. Posteriormente poderá visitarse na Casa da Cultura de Burela ata o 19 de novembro pola mañá de 11 a 13 horas, e pola tarde de 17 a 20...
leer más