Andaina
01/11/2017
A asociación cultural Francisco Lanza, coa colaboración do Concello, organiza a actividade denominada Unha tarde en Rinlo, que terá lugar este sábado, 4 de novembro.
Ás 16:00 horas será a saída desde Os Canapés para ir andando a Rinlo pola ruta da costa.
Ás 19:00 horas na escola vella, celebrarase a presentación do libro Charamuscas do escritor e percebeiro da Costa da Morte Suso Lista.
Posteriormente haberá unha actuación musical de falapandeiretas de Rinlo Erikas e Peluxías e degustación de petiscos.
Os organizadores recomendan para a volta o FEVE das 22:10 horas.
10/10/2016
O Concello de Cervo, a través das Delegacións de Sanidade e de Igualdade, organiza unha andaina que terá lugar o 23 de outubro a partir das 17 horas para conmemorar o Día Internacional contra o Cancro de Mama.
A concelleira de Sanidade, Manuela Méndez, anunciou hoxe que “o Concello de Cervo, con motivo do Día Internacional contra o Cancro de Mama, vai organizar unha andaina polo paseo azul do Torno, en San Ciprián. Partiremos do peirao no porto de arriba todo polo paseo ata as antigas fábricas de salgadura e logo ata a ponte medieval. Viremos despois ata a Casa do Mar, onde tomaremos un café. O Concello dará neste día a cada unha das persoas que participe na camiñada unha camiseta rosa cos slogans propios da conmemoración do día”.
...
leer más 26/05/2015
Movemento saudable no forte, así se denomina a actividade organizada polo CIM de Ribadeo que terá lugar o vindeiro 14 de xuño. Está destinada a toda a familia.
A xornada dará comezo ás 10:30 horas no Cantón dos Moreno, para saír camiñando ata o Cargadeiro. Alí terá lugar a clase de 11:15 a 12:15 horas. E ao remate @s asistentes tomarán uns pinchos tod@s xunt@s.
O prazo de inscrición para participar nesta actividade está aberta na Casa da Xuventude. A cota é de 5 euros. Desde o CIM explican que para asistir “a esta cita para toda a familia é preciso levar gorra para resgardarse do sol e tamén unha botella de auga”.