A Mariña
A Federación de Comercio A Mariña lanza un mensaxe de apoio aos negocios locais que estes días abriron as súas portas con cita previa e aos que retomarán a súa actividade a partires do vindeiro luns, 11 de maio.
Volvemos para ti, grazas a ti é o slogan do cartel no que se ve un treito de asfalto gris do que sae unha fermosa planta verde.
O presidente da FCAM, José Carlos Paleo, anima á xente “a que aposte, agora máis que nunca, polos negocios locais. Acabamos de estar dous meses pechados e precisamos moito da nosa fiel clientela. É o momento de que rememos todos xuntos na mesma dirección, na de apoiar ao comercio, á hostalería e ao sector servizos. Os pobos non teñen vida sen as tendas, sen os bares, sen os restaurantes…, temos que ser moi conscientes de todo isto e teremos que acostumarnos a volver pouco a...
leer más
Mañá martes, 28 de abril, é o Día da Educación Física. Os profesores desta disciplina de once centros da Mariña -entre os que se atopan o CEIP Península da Paz e o CEIP de Cervo- propoñen un divertido reto, no que animan ao seu alumnado a cambiar o C de Calle polo C de Casa para facer:
Os Xogos Olímpicos da Mariña desde a Casa.
Como participar:
1. Constrúe un facho similar ao que amosan os profes no vídeo
2. Fai una gravación practicando un deporte olímpico. Se podes implica á túa familia.
3. No vídeo están lanzando un desafío. Acéptao collendo o relevo da antorcha olímpica. O inicio do vídeo debe ser recollendo o facho, que ten que entrar pola vosa dereita, e debe finalizar lanzándoo pola vosa esquerda.
4. O vídeo non durará máis de 15 segundos e gravarase en horizontal.
5 Envía o...
A segunda entrega dos Vídeo Faladoiros, que organiza Nordés para facer máis levadeiro este tempo de illamento, será o 25 de abril ás sete da tarde.
Desde a asociación Nordés explican que “nesta ocasión contaremos con Eliseo Fernández, experto na historia de Galicia, principalmente en temas referidos ao anarquismo, o antifranquismo e o movemento obreiro. Baixo o título de Mar aberto: fuxidas marítimas en Ferrol e Ortegal 1936-1939, vainos dar conta dalgunhas das moitas evasións por mar que se produciron nos anos da guerra civil e posguerra. Fugas nas que homes e mulleres contrarios ao bando franquista intentaban chegar á zona republicana ou a Francia a bordo de pequenas lanchas, bous ou barcos semellantes partindo de moitos sitios da costa galega; aínda que a exposición do noso convidado centrarase principalmente nas producidas dende Ares,...
leer más
Grupos de teatro afeccionado da Mariña luguesa veñen de gravar un vídeo reivindicativo do traballo desenvolvido por todos eles para lembrar nestes días de confinamento.
Estas organizacións salientan que “vivimos tempos difíciles nos que todos os ámbitos da nosa vida se resenten, entre eles o da cultura. A Mariña lucense leva sendo nos últimos anos un referente no mundo do teatro afeccionado, moitos grupos e moita xente trasladan aos escenarios as súas inquedanzas culturais. Todo un mundo de persoas e de artistas que agora co confinamento esmorece na casa. Porén, os teatreiros non nos rendemos, levamos o teatro nas veas e, a soas ou acompañados, seguimos actuando porque actuar é vivir. Entre todos gravamos un vídeo reivindicativo do noso traballo teatral e animamos á xente a resistir para saír adiante despois destes tempos complicados. Aquí...
leer más
Desde Nordés Faladora sinalan: “Amigas e amigos de Nordés. Co obxectivo de que o illamento se nos faga a todas e todos máis levadeiro vimos presentarvos unha nova proposta que agardamos sexa do voso interese, pois a continuidade da mesma vai depender precisamente do seguimento que teña, de tal xeito que, se vai ben a cousa, a unha primeira seguirá unha segunda, e a esta unha terceira...etc, etc”.
Trátase dos Videofaladoiros de Nordés. “Unha iniciativa en forma de relatorios de curta duración feitos e transmitidos en directo pola aplicación “jitsi meet”, unha das máis sinxelas de empregar de todas as ofertadas, polo que non hai escusa para deixar pasar a oportunidade de conectarse o sábado 18 de abril ás 19:00 horas para escoitar a charla deXosé Lois González, titulada Os mouros na toponimia do Ortegal e A Mariña”, engaden desde Nordés....
leer más
Crónica 3 e o Grupo de Acción Local do sector Pesqueiro Mariña-Ortegal presentan o concurso fotográfico #omeumarfavorito. Con el queremos poñer en valor a importancia do mar nas nosas vidas. Por elo convidámoste a que subas unha foto túa do mar (contigo ou sen ti) cun breve texto no que expliques porqué non podes vivir sen el.
Deberás facelo no facebook de crónica3 co cancelo #omeumarfavorito. As 2 imaxes que máis “gústame” reciban obterán senllos premios dun lote de produtos de Conservas Ares de 50 e 30€ respectivamente. O prazo remata o 15 de maio, sube xa a túa!
A Deputación de Lugo vén de activar para Android e IOS a aplicación móbil Lugo Cambia 360, unha ferramenta que a través da realidade aumentada permite facer unha viaxe a 25 localizacións da provincia a través de calquera dispositivo. A Deputada de Promoción do Territorio e Turismo, Pilar García Porto, explica que “nestes momentos que nos toca estar na casa é unha opción moi axeitada para viaxar a calquera dos catro xeodestinos da provincia dende os nosos fogares”.
García Porto afirma que é unha app que “abre unha ventá virtual a través da que o usuario pode visitar os Escolapios de Monforte de Lemos, o miradoiro de San Roque en Viveiro ou a Catedral de Lugo dende o alto da Muralla, dende calquera lugar do mundo”. O usuario debe apuntar coa cámara do seu dispositivo ao chan do lugar no que se atope e inmediatamente trasladarase virtualmente...
leer más
A Mancomunidade de Concellos da Mariña Lucense ven de poñer en marcha estes días unha iniciativa para a promoción dos recursos turísticos deste xeodestino. A través de facebook, twiter e instagram poderanse realizar visitas virtuais en 3D e 360º a varios monumentos da comarca. A Mariña desde a casa así se denomina esta campaña ideada para poder visitar desde a casa, neste tempo de confinamento, a Basílica de San Martiño, o Castelo de Castrodouro, a Igrexa de San Francisco, a Fortaleza de Tovar ou a Catedral de Mondoñedo.
O presidente da Mancomunidade de Concellos da Mariña, Fran Cajoto, dixo que “desde a Mancomunidade estamos evidentemente, como todos, en confinamento quedándonos na casa. Son momentos complicados. O que queremos é seguir promocionando a Mariña, seguir facendo todas as tarefas que viñamos facendo para, cando pase esta crise...
leer más
A asociación cultural Tá en Artes, facendo caso do cumprimento do illamento nos fogares da poboación, suspende todo tipo de actividade programada para datas próximas.
Así mesmo, e en función do desenvolvemento dos acontecementos, propuxéronlle ás autoridades responsables trasladar as datas da homenaxe a Quique Guerra no seguinte calendario:
- 1 de OUTUBRO de 2020, exposición na Sala da Carboeira de Sargadelos no Concello de Cervo. ( CONFIRMADO)
- 8 de OUTUBRO de 2020, Semana das Artes da Mariña. CENIMA. Foz. (SEN CONFIRMAR).
- 5 de NOVEMBRO de 2020. Exposición de Centros Escolares da Mariña. CENIMA, Foz. (SEN CONFIRMAR).
- Exposición Museo Provincial. (SEN DATA).
Desde Tá en Artes engaden que “no momento que se formalicen as datas enviaremos nota da reprogramación...
leer más
A Rede Museística Provincial porá en marcha actividades en liña, adaptando parte da súa programación didáctica á situación de excepcionalidade provocada pola crise do coronavirus Covid-19.
Cada día, ás 12.00 horas, desenvolveranse sesións virtuais nas que se invitará aos nenos e nenas a crearen o seu propio museo. Trátase dunha proposta que forma parte da oferta didáctica dos museos e que agora se traslada á rede poñendo a disposición das familias recursos para contribuír a que estes días de permanencia obrigada nas casas se fagan máis amenos.
“Día a día acompañaremos aos nenas e nenos para que creen os seus museos persoais con pezas de valor para eles, para que dialoguen cos seus maiores e recuperen a memoria, as raíces e a súa historia, para que debuxen, pinten, imaxinen e creen”, explica Encarna Lago, xerente...
leer más