O Valadouro

A Delegación de Cultura do Concello de O Valadouro celebra a Semana das Letras Galegas e a Diversidade Cultural na que programa para este xoves, 17 de maio, ás 12:30 horas na Casa da Cultura unha xornada sobre a Vida e Obra de María Victoria Moreno, autora homenaxeada este ano, con Lionel Rexes. Despois os grupos de cantareiras pequenas e medianas da Asociación Cultural Amado Lar ofrecerán Cantigas Populares Galegas, e haberá unha lectura de varios contos de María Victoria Moreno a cargo dos nenos e nenas da Asociación Cultural Amado Lar.

Tamén o día 17 terá lugar a representación teatral da obra Mar Adiante de María Victoria Moreno interpretada polo grupo Bandullo Azul. Será ás 20:00 horas e está dirixido ao público familiar.

O venres, día 18, ás 19:00 horas, no pavillón polideportivo municipal celebrarase unha...

O mércores, 28 de marzo, a partires das 18:00 horas, na parroquia de Santo Tomé, no Valadouro, escenificarase, como cada ano, o Vía Crucis vivinte.

Esta escenificación correrá a cargo de xente dos concellos de Alfoz e Valadouro. Trátase dunha actividade programada todos os anos na Semana Santa, que comezou a facerse hai algo máis de vinte anos, e que dende entón se reproduce cada ano de xeito ininterrompido.

Os actos teñen lugar na subida á igrexa, onde se atopan as cruces que configuran este vía crucis tradicional, nas que os participantes van facendo as paradas correspondentes, e rematando no alto onde se atopa a igrexa parroquial na que se venera hai xa moitos anos ao Santo Cristo.

A galería ribadense de arte Terra Branca e o zoqueiro Alberto Geada poñen en marcha O Xogo das Zocas, que inclúe agasallos para os gañadores. O obxectivo desta iniciativa é facer promoción desa zona do interior da Mariña e da arte que se fai nesta comarca, arte en imaxes e arte en forma de zoquiñas.

Para conseguir cada un dos cinco premios hai que localizar unha das cinco pequenas zocas que o zoqueiro do Valadouro Alberto Geada escondeu na contorna das cinco marabillas do Val do Ouro: o castelo de Castrodouro, a fervenza Escouridal, o dolmen do Prado das Chantas, a cruz do Pau da Vella e Finca Galea. Despois de atopar cada zoca hai que levala á galería Terra Branca, de Ribadeo, onde os gañadores recibirán os agasallos, que consisten en figuras de cerámica, unha lámina, un reloxo ou un perfume de Terra Branca. Se a mesma persoa consegue...

O pasado sábado, día 10 de marzo, no Salón de Actos da Casa da Cultura de Ferreira do Valadouro, celebrouse a gran final do I Certame de Curtas de Alfoz e O Valadouro, á que concorrían os 8 filmes finalistas. Decidíronse tres premios, coa axuda do público e dun Xurado formado por tres cineastas da Mariña: Miguel García, de Mondoñedo; Xacio Baño, de Xove, e Matías Niceza, de Burela. Asistiron moitos participantes, que chegaron das catro provincias de Galicia, pois un dos requisitos do Certame é que o cine presentado fora en galego. Participaron no certame diversos centros educativos, así como cineastas individuais. Houbo varios xéneros cinematográficos representados, dende as películas de animación ata os documentais e os filmes de ficción. Os Xurados destacaron a calidade dos traballos presentados. Estiveron presentes os Alcaldes de varios concellos mariñáns. Os...