Visita

Foz acollerá o 16 de setembro dúas actividades do programa Espazos Sonoros, da Xunta: unha visita á Frouxeira e un concerto na Basílica de San Martiño.

Etiquetas:

10/09/2018

Foz acollerá este domingo, día 16, dúas actividades do programa Espazos Sonoros, organizado pola Xunta de Galicia. Son unha visita á Frouxeira e un concerto na basílica de San Martiño. Ambas son gratuítas.

Para participar na visita á Frouxeira, que será ás 15:00 horas, hai que anotarse a través da dirección de correo electrónico actividades@espazossonoros.org. Cada persoa poderá realizar un máximo de catro reservas, debendo aportar o nome completo de cada un dos participantes e un número de teléfono de contacto. O día da actividade terán que presentar o código de referencia facilitado por correo electrónico coa formalización da inscrición.

O concerto na basílica de San Martiño de Mondoñedo está programado para as 19:00 horas e correrá a cargo do grupo VIVID...

A Pomba do Arco, de Foz, programou unha visita guiada ao Pazo de Fontao o 2 de decembro. A inscrición péchase o 30 de novembro.

Etiquetas:

Foz, Visita, Pazo

26/11/2017

A Asociación Socio Cultural A Pomba do Arco organiza o 2 de decembro, unha visita guiada ao Pazo de Fontao, na parroquia de Santa Cilla en Foz.

Este conxunto está formado por unha ermida, unha construción dedicada a vivenda levantada sobre os restos dunha antiga fortaleza do século XVII, así como unha ampla finca con xardín.

O percorrido vai comprender a visita á Casa do Pazo, concretamente ao salón de retratos onde se conservan imaxes da totalidade dos señores de Fontao desde o século XVII, e ás antigas mazmorras. Tamén se visitará a ermida de Santo André, antiga capela na que están enterrados algúns dos señores de Fontao, e atópanse imaxes relixiosas dunha capela anterior situada na desembocadura do río Ouro. Por último os asistentes coñecerán o xardín novo da finca, regado por máis de sete fontes.

Pensamento e Sementeira indaga no pasado do Santo Vello, en Covas. Será cunha mesa redonda que terá lugar o 17 de xuño.

Etiquetas:

Covas, Visita, Charla

11/06/2017

Unha mesa redonda indaga sobre o pasado do Santo Vello, en Covas. Un estudoso do tema, o presidente de Mariña Patrimonio e un arqueólogo intervirán nunha mesa redonda sobre a cova de San Xoán Vello. Pensamento e Sementeira organiza un acto na área etnográfica da Ínsua e unha visita guiada á cova.

O pasado mes de marzo o presidente do colectivo Pensamento e Sementeira, e dous membros da directiva de Mariña Patrimonio, acompañados por María Loureiro, alcaldesa de Viveiro, e polo tenente de alcalde, Xesús Fernández, estiveron na Dirección Xeral de Patrimonio da Xunta de Galiza interesándose pola protección das covas de San Xoán Vello e da Doncela.

Xa daquela era a intención do Colectivo complementar estas xestións coa divulgación do pasado destes sitios. É por iso que agora, programaron un acto público e unha visita...

O Concello de Barreiros organiza unha visita á planta de Sogama e tamén á cidade da Coruña. Será o 22 de decembro. A inscrición está aberta.

Etiquetas:

Visita, Barreiros, SOGAMA

16/12/2016

O Concello de Barreiros organiza unha visita á planta de Sogama e tamén á cidade da Coruña. Será o 22 de decembro. A inscrición está aberta.

Este mediodía presentouse no Concello barreirense á viaxe e visita á planta de Sogama en Cerceda, que organiza a Delegación Municipal de Medio Ambiente. Será o vindeiro 22 de decembro e a inscrición está aberta e pode facerse chamando ao seguinte número de teléfono: 618 75 25 60. A actividade é gratuíta.

O obxectivo segundo explicou o alcalde, Alfonso Fuente, pasa “por fomentar e concienciar á poboación sobre a importante que ten a reciclaxe para o futuro do medio ambiente natural”. Xunto ao rexedor compareceron os concelleiros de Medio Ambiente, José Manuel Gómez, e Obras, Lorenzo Penabad.

Tras a visita á planta de Sogama os asistentes participarán nun xantar no Mesón do Vento. O prezo do menú será de 12 euros. E pola tarde...

Do 24 de decembro ao 8 de xaneiro poderase visitar en Alfoz o Castelo de Castrodouro, que xa loce a súa estrela de Nadal, unha das máis grandes de Galicia.

Etiquetas:

Visita, Alfoz, Castelo

12/12/2016

Do 24 de decembro ao 8 de xaneiro poderase visitar en Alfoz o Castelo de Castrodouro, que xa loce a súa estrela de Nadal, unha das máis grandes de Galicia.

O horario para poder visitar o Castelo de Castrodouro durante o Nadal, dende o 24 de decembro ata o 8 de xaneiro, é de luns a venres de 15:00 a 19:00 horas. Os festivos e fin de semana de 11:00 a 14:00 horas, e de 16:00 a 19:00 horas. Os días de Nadal e Ano Novo permanecerá pechado.

O horario de visita o resto do ano é en festivos e fins de semana de 11:00 a 14:00 horas, e de 16:00 a 19:00 horas. Para previa cita chamar ao teléfono 982 558 001.

Por outra banda, este ano en que se conmemora o 25 aniversario da colocación por...

A Pomba do Arco, de Foz, organiza unha visita ao Pazo do Conde de Fontao o 3 de decembro. A inscrición para acudir está aberta.

Etiquetas:

Visita, Guiada, Ribadeo

24/11/2016

A Pomba do Arco, de Foz, organiza unha visita ao Pazo do Conde de Fontao o 3 de decembro. A inscrición para acudir está aberta.

A asociación sociocultural A Pomba do Arco organiza o 3 de decembro, unha visita guiada ao Pazo de Fontao.

Este conxunto está formado por unha ermida, unha construción dedicada a vivenda e levantada sobre os restos dunha antiga fortaleza do século XVII así como unha ampla finca con xardín.

O percorrido vai comprender a visita a certas partes da Casa e a ermida de Santo André, antiga capela onde están enterrados algún dos señores de Fontao e onde se atopan imaxes relixiosas dunha capela anterior situada na desembocadura do río Ouro. Por último se fará un percorrido para coñecer o xardín novo da finca regada por cinco fontes.

As persoas interesadas en participar nesta actividade que...

A asociación A Pomba do Arco organiza o 29 de outubro unha visita guiada ao Espazo Caritel, situado no concello de Foz, a poucos metros da Basílica de San Martiño. A inscrición está aberta.

Etiquetas:

Visita, Guiada, Foz

24/10/2016

A asociación A Pomba do Arco organiza o 29 de outubro unha visita guiada ao Espazo Caritel, situado no concello de Foz, a poucos metros da Basílica de San Martiño. A inscrición está aberta.

A asociación sociocultural A Pomba do Arco organiza o 29 de outubro unha visita guiada ao Espazo Caritel, “un punto de encontro para a arte e a natureza situado á beira da vella catedral románica de San Martiño de Mondoñedo, promovido e xestionado por un dos máis destacados artistas plásticos galegos, Daniel Río Caxigueiro”, sinalan os promotores desta actividade.

O percorrido polo Espazo Caritel vai comprender a visita á sala de exposicións e ao taller do propio artista, “onde atoparemos unha mostra do seu traballo, así como un paseo polo xardín, cuxa posta en marcha se iniciou vai para 25 anos. Alí atopamos árbores e arbustos chegados de Chile, Xapón, Corea, Uruguai ou Arxentina xunto á vexetación autóctona, destacando unha colección de máis de cen camelias de diferentes especies”....

Ata o 30 de setembro amplíase o horario de apertura ao público da Basílica de San Martiño. O Concello agarda que se superen as dez mil visitas rexistradas o ano pasado.

Etiquetas:

Visita, Basílica, Foz

01/06/2016

Ata o 30 de setembro amplíase o horario de apertura ao público da Basílica de San Martiño. O Concello agarda que se superen as dez mil visitas rexistradas o ano pasado.

O horario de apertura ao público da basílica de San Martiño amplíase dende hoxe ata o día 30 de setembro. Anunciouno a concelleira de Cultura focense, Silvia Blach Cuesta, quen espera que se superen as máis de 10.000 visitas que se rexistraron no monumento durante o verán do ano pasado.

Silvia Blach explicou que na basílica de San Martiño “modifícase o horario de visitas dende hoxe, día 1 de xuño, ata o 30 de setembro, para ampliar o tempo de apertura. Nesta época poderán facer as súas visitas de martes a sábado de 11:00 a 14:00 e de 16:00 a 20:00 horas. O domingo estará aberta de 11:00 a 15:00 horas, pechando ese día pola tarde e o luns durante todo o día. Tamén está previsto o peche os días 16 de xullo, 10 e 27 de agosto, por ser...

O Complexo RegalXunqueira, de Viveiro, celebra este sábado, 21 de maio, o Día dos Museos.

Etiquetas:

Museos, Visita, Viveiro

20/05/2016

O Complexo RegalXunqueira, de Viveiro, celebra este sábado, 21 de maio, o Día dos Museos.

Este sábado, 21 de maio, o Complexo Cultural Regal Xunqueira celebra o Día dos Museos.

A programación iniciase ás 11:00 horas coa proxección do audiovisual realizado pola produtora madrileña Mapama sobre Regal Xunqueira e Regal Cerámica.

A continuación haberá unha visita guiada aos museos e a inauguración das pezas adquiridas durante o pasado ano. Trátase dunhas placas de cerámica realizadas por Laxeiro, Virxilio e De Dios. A asistencia é gratis e inclúe tamén a xornada do sábado pola mañá aberta ao público.

Pensamento e Sementeira organiza unha excursión a Santo Estebo do Ermo (Barreiros) o vindeiro 3 de abril.

Etiquetas:

Visita, Barreiros, Viveiro

20/03/2016

Pensamento e Sementeira organiza unha excursión a Santo Estebo do Ermo (Barreiros) o vindeiro 3 de abril.

O colectivo viveirés Pensamento en Sementeira dá comezo á súa programación da primavera de 2016 cunha visita guiada á fermosa paraxe de Santo Estebo do Ermo, en Barreiros.

A excursión, aberta e gratuíta, será o domingo 3 de abril. Un autobús, que sairá desde a oficina de turismo de Viveiro o primeiro domingo de abril ás 9 da mañá, achegará ás persoas participantes a Barreiros. Desde esta localidade mariñá os excursionistas percorrerán a pé e guiados por membros da asociación cultural Irmandade Santo Estevo a fermosa paraxe da fonte de Augas Santas e visitarán os restos da ermida, a fervenza e a fonte de Santa Rosa.

Ao remataren o percorrido a pé, que...