Ribadeo

As axencias de Eroski Viaxes en Burela e Ribadeo organizan unha viaxe en grupo a Croacia desde A Mariña para a Semana Santa, concretamente do 18 ao 21 de abril. O número de prazas é limitado a 35 persoas polo que os interesados deben reservar canto antes.

O xerente de Eroski Viaxes en Burela e Ribadeo, Pedro Fraga, explica que “o día 18 de abril temos unha saída desde A Mariña, en autobús ao aeroporto de Asturias, para facer unha viaxe a Croacia, concretamente a Dubrovnik. É un vo directo de pouco máis de tres horas”.

Pedro Fraga engade que “imos estar desde o 18 ata o 21 de abril pasando eses días da Semana Santa en Dubrovnik. Ofrecemos un paquete que vale 920 euros e que inclúe o autobús desde A Mariña, para que o cliente non se teña que preocupar de nada máis, a estancia de catro días nun hotel de catro...

A Concellaría de Servizos Sociosanitarios organiza unha actividade para o coidado da espalda, dirixida a toda a poboación ribadense.

Realizarase durante os meses de marzo, abril e maio. Terá lugar na Casa da Xuventude e desenvolverase os martes e xoves, de 17:30 a 18:30 horas.Esta actividade dará comezo o 7 de marzo. 

É gratuíta e o número de prazas é limitado. As persoas interesadas poden obter máis información e inscribirse na OMIX-Casa da Xuventude, na rúa Antonio Otero-15, ou chamando ao número de teléfono 982 129 889. O prazo de inscrición estará aberto desde o vindeiro luns, 25 de febreiro. 

O vindeiro luns, día 18, celébrase do Día Mundial da Síndrome de Asperger. Para conmemorar esta data a asociación Capaces, o Concello e Cine Ribadeo organizan unha sesión de cine en familia destinada a aquelas persoas cunha sensibilidade especial ás necesidades das persoas con autismo.

A película que se proxectará será “La Lego Película 2” ás 18:00 horas e o prezo das entradas será de 4,50 euros. 

Desde a Concellaría de Servizos Sociosanitarios animan “a asistir a esta cita para así amosar o apoio da veciñanza a aqueles nenos e nenas con Síndrome de Asperger”. 

A comisión de Entroido ribadense acompañada dun grupo de colaborador@s está a ultimar os preparativos para sacar a diante o programa que Ribadeo se merece.

Ao  longo destes días, comezarán a pedir a colaboración entre a hostalería e o comercio ribadense, co fin de recadar fondos que irán destinados, entre outras cousas, aos premios que se repartirán no desfile do Martes de Entroido. 

O programa de actividades dará comezo os días 23 e 24 de febreiro coa Festa dos Freixós no Teatro. Así, xa dende o sábado a partir das 12.00 da mañá poderase degustar esta sobremesa típica do Entroido. 

O sábado, 2 de marzo, ás 21.00 horas no Teatro continuará a programación coa celebración da Gala do Entroido, que xirará entorno a unha temática concreta: a música. Unha hora antes os membros da Carroza do...