Ribadeo
Un filme sobre o poeta ribadense El Viejo Pancho, dirixido por Xan Leira, será presentado en Ribadeo e noutros sete concellos da provincia de Lugo neste mes de setembro.
Xan Leira anuncia: “durante o presente mes de setembro imos presentar o filme documental O Vello Pancho, de Ribadeo ao Plata en Ribadeo e noutros 7 concellos das comarcas da Mariña Oriental, Central e Chantada, grazas á colaboración da Área de Cultura da Deputación Provincial de Lugo. Nestas estreas e presentacións con coloquio vou estar acompañado por Pablo Rodríguez "Vivín" (investigador, escritor e libreiro de Ribadeo) quen tamén colaborou coa investigación e prestou testemuño no documental. As persoas que participaron deste filme son investigadores e coñecedores da biografía e obra xornalística e literaria de José Alonso y Trelles "O Vello Pancho": Pablo...
leer más
Acisa colabora un ano máis coa Media Maratón Ribadeo-As Catedrais. Todas as persoas que completen a decima edición o vindeiro sábado, 14 de setembro, recibirán unha medalla conmemorativa xentileza do colectivo empresarial ribadense.
A presidenta de Acisa, Carmen Cruzado, dixo “dende Acisa estamos satisfeitos de poder colaborar un ano mais co Concello aportando as medallas de fin de carreira da décima Media Maratón Ribadeo-As Catedrais, que terá lugar este sábado, día 14. Todas as corredoras e corredores que rematen a carreira recibirán unha medalla conmemorativa xentileza da nosa asociación. Ademais, algúns negocios asociados a Acisa tamén quixeron aportar unha pequena colaboración, en forma de regalos para sortear entre os participantes”.
O xerente de Acisa, Jesús Pérez, destacou que “a Media Maratón é moi...
leer más
A Asociación Antonio Gandoy organiza unha charla sobre Orientación na Crianza, que terá lugar o vindeiro luns, 16 de setembro, ás 17:00 horas, na Casa do Concello de Ribadeo.
A conferencia será impartida por Olaia Otero Cao, mestra de educación infantil, facilitadora de disciplina positiva e orientadora familiar da Asociación Socio-educativa Antonio Gandoy.
Está dirixida a familias con nenos de 0 a 6 anos, a persoas interesadas que busquen un espazo no que aprender, compartir, resolver dúbidas e orientarse na crianza.
As reservas poden facerse no teléfono 679 143 620 e en olaiacao@gmail.com. O prezo é de 15 euros por persoa e 20 euros por familia.
A parroquia ribadense de Couxela celebra a súa XIX Festa na honra da Virxe das Dores, o sábado 21 de setembro.
O programa de festexos dará comezo ás 13:00 horas coa celebración da misa solemne seguida de procesión, que estará acompañada por Illa Pancha Cuarteto Tradicional. Despois haberá sesión vermú co solista Jaime Paredes.
A partir das 22:45 horas terá lugar a verbena co solista Jaime Paredes e a orquestra Tania Blanco Show.
Colaboran coa organización desta actividade: Concello de Ribadeo e Xunta de Galicia.
A pasada media noite pechouse o prazo de inscrición para participar na X Media Maratón Ribadeo-As Catedrais, que terá lugar este sábado, 14 de setembro. A cifra é de récord, en palabras do concelleiro de Deportes, Francisco José Silvent.
O edil ribadense asegurou: “estamos moi contentos cos datos de inscrición na X Media Maratón Ribadeo-As Catedrais. Pechamos a inscrición esta noite con 937 corredores e corredoras, que é un auténtico récord para esta proba”.
Silvent subliñou que “cada ano son máis os atletas que se animan a participar na media maratón Ribadeo-As Catedrais. Moitos veñen acompañados das súas familias ou de amigos e pasan a fin de semana na nosa vila, co que iso supón para os hoteis, para os restaurantes e para o comercio. Deporte e turismo van moi unidos nestes eventos deportivos, que contribúen á...
leer más
A parroquia ribadense de Cubelas celebra a súa festa na honra á Virxe das Dores o día 21 de setembro.
O sábado 21 terá lugar a III Comida de Produtos da Horta e Gandeiría do Rural de Ribadeo. Ás 12:30 horas haberá unha misa solemne e procesión seguida de sesión vermú co Dúo Matices.
Ás 15:00 horas comezará o xantar cun menú composto por fabada, tenreira asada con guarnición e patacas, postre, café e bebidas. O prezo para os adultos é de 26 euros e para @s nen@s (de 3 a 10 anos) de 13€.
Ás 19:00 horas dará comezo a sesión de tarde co Dúo Matices e o Grupo Lecer. Ademais haberá inchables para os máis cativos, sorteos e sorpresas para os asistentes.
Colaboran na organización destes festexos: Concello de Ribadeo e Xunta de Galicia.
En Cine Ribadeo estrenan Romper el círculo y Bitelchús, Bitelchús. Sigue en cartelera Odio el verano
A sexta edición da Pancha, a moeda local de Ribadeo, prolongarase do 9 de setembro ao 31 de decembro
O Concello porá en circulación 260.000 panchas para trocar nos establecementos adheridos á campaña, que foi presentada esta mañá. No acto participaron o alcalde, Dani Vega, a concelleira de Turismo, Marta Saiz, a presidenta e o xerente de Acisa, Carmen Cruzado e Jesús Pérez, así como Mª Esther García, ADL do Concello.
O rexedor declarou que “Ribadeo aposta pola Pancha, Ribadeo aposta pola moeda local para apoiar o comercio local, o comercio de proximidade. Vamos poñer en circulación 260.000 panchas para cambiar nos establecementos comerciais, tamén na hostalería do noso concello, que se adhiran á campaña. Polo tanto, estamos apostando polo comercio local, polo comercio de proximidade”.
Vega lembrou que “partíamos dun orzamento de 55.000 euros, subimos a 85.000 euros, hai un incremento orzamentario, dado que...
leer más
A Coral Polifónica de Ribadeo, coa colaboración do Coro Sagrado Corazón, ofrece un concerto solidario a beneficio da Asociación Española Contra o Cancro. Será este mércores, día 4 de setembro, ás 20:30 horas no Teatro ribadense.
O prezo da entrada solidaria é de 5 euros e a taquilla estará aberta o mesmo día do concerto de 12:00 a 13:30 horas e desde as 19:00 horas.
A Coral Polifónica de Ribadeo, que con esta actuación conmemora o centenario do falecemento do poeta ribadense El Viejo Pancho, explica: “un ano máis queremos poñer o noso gran de area na loita contra o cancro cun concerto solidario, neste caso coa colaboración do Coro Sagrado Corazón. Desexamos vervos a todos e todas acompañándonos por unha boa causa!”.