Outono
A danza toma de novo a Sala Bahía este venres, 10 de novembro, ás 20:30 horas da man de Marta Alonso Tejada e o seu espectáculo Bailar agora.
É a historia dunha bailarina que nace e crece nos anos 80-90 e que, a día de hoxe, achégase á corentena. Marta Alonso diríxese ao público para compartir un percorrido pola súa traxectoria vital como bailarina e muller; facendo referencia ao estado actual dos seus desexos e soños, comprometéndose en facelos realidade no momento presente. A maneira de levalo a cabo: bailando.
É unha actividade incluída na programación cultural do Concello de Foz é o prezo da entrada é de 5 euros.
A Mariña en Ruta retomará as súas saídas a vindeira fin de semana por Alfoz, Trabada e Xove. As últimas actividades previstas para os pasados días 1, 4 e 5 de novembro tiveron que ser canceladas debido ao paso das borrascas Ciarán e Domingos pola comarca.
A Mariña en Ruta é un proxecto que está promovido pola Mancomunidade de Concellos coa colaboración da Xunta de Galicia e da Deputación de Lugo. De outubro a novembro foron programadas 16 actividades, unha por cada concello que conforma o xeodestino e onde a artesanía da comarca ten un papel destacado.
A presidenta da Mancomunidade, Rocío López, contou que “o vindeiro sábado, día 11, realizaremos a ruta prevista por Alfoz, fortaleza entre a serra e o mar, que será guiada por Ana Pena, de Guía tu día. Para este sábado tamén programamos a ruta por Trabada, viaxe ao...
leer más
O Concello de Alfoz programa actuacións musicais para os sábados 7 e 14 de outubro no salón de actos da Casa da Cultura. Serán ás 20:00 horas, con entrada libre e para todos os públicos.
A organización explica: “o sábado 7 contaremos con Cándido Paleo e o sábado 14 coa Rondalla Latexos para disfrutar da música de distintos estilos e de formacións ou intérpretes da zona”.
O 7 de outubro arrinca a cuarta edición deste programa de outono de visitas e rutas guiadas en torno á cultura e natureza da Mariña Lucense, A Mariña en ruta, proxecto promovido pola Mancomunidade de Concellos coa colaboración da Xunta de Galicia e da Deputación de Lugo. Ata finais de novembro desenvolveranse 16 actividades, unha por cada concello que conforma o xeodestino e onde a artesanía da comarca terá un papel destacado. Será durante as fins de semana e tamén os festivos 12 de outubro e 1 de novembro. O acto de presentación tivo lugar este mediodía no Cenima, en Foz.
O presidente da Mancomunidade de Concellos da Mariña, Fran Cajoto, subliñou que “tras o éxito de A Mariña en Ruta nos anos 2020, 2021 e 2022 con máis de 700 participantes nas 3 edicións celebradas, o proxecto pretende continuar neste 2023 dando a coñecer a riqueza...
leer más
O Concello de Barreiros presenta a programación “Ponte de Outono”, un evento que incluirá o mercadiño estacional, o II Son Urbán coa presenza de Grande Amore entre outros artistas, o día da bicicleta para as crianzas e a proxección da curtometraxe Hippocampus de Xaime Miranda.
As actividades realizaranse na Praza do Concello no que “serán uns días de programación variada e de calidade destinada para un público amplo e que seguro atraerán a xente de toda a Mariña nesta ponte”, segundo expuxo o concelleiro de Participación e Dinamización Daniel García.
O evento contará coa colaboración da área de Cultura da Vicepresidencia da Deputación de Lugo, que respalda a aposta do Concello de Barreiros por unha programación cultural diversa e desestacionada.
Grande Amore no II Son Urbán
... leer más
O Concello de Foz presentou hoxe, xoves, a súa programación cultural para os meses de setembro, outubro e novembro. A concelleira de Cultura, Inés López Couto, anuncia que “este outono chega cargado de novidades teatrais, musicais e de cine”.
A edil de Cultura explica que “a primeira novidade son as sesións de cine, que se ofrecerán todos os venres de setembro, con películas galegas premiadas nos Goya. Serán na Casa da Cultura ás 20.30 horas. A pesares de que Foz carece de cine, queremos que continúe tendo ese servizo, xa que en Galicia contamos cun cine da mellor das calidades”.
Inés López Couto engade que “outubro comeza con Entroido, xa que o día 14 realizarase na Sala Bahía o acto de elección da raíña ou rei desta festa, que por fin conseguiu que se recoñecera que é espectacular e que atrae a moitos visitantes...
leer más
O 8 de outubro arrinca a cuarta edición de A Mariña en Ruta, proxecto promovido pola Mancomunidade de Concellos coa colaboración da Xunta de Galicia e da Deputación de Lugo. Ata finais de novembro desenvolveranse 10 roteiros durante os sábados e tamén os festivos 12 de outubro e 1 de novembro. O acto de presentación tivo lugar este mediodía no Cenima, en Foz.
O presidente da Mancomunidade de Concellos da Mariña, Fran Cajoto, subliñou que “se trata dun programa de rutas e actividades en torno á cultura e á natureza que durante esta edición dotará á Mariña Lucense dunha oferta turística complementaria suxerinte e ao aire libre, co obxectivo de axudar na dinamización da comarca durante o outono e provocar, ademais de que a propia poboación local poida descubrir mais aspectos sobre a súa comarca, escapadas de turismo interno de Galicia e...
leer más
O Concello de Foz presenta a súa programación cultural de outono, que se desenvolverá no salón de actos da Casa da Cultura debido ás obras que se están realizando para mellorar a Sala Bahía.
A concelleira de Cultura, Inés López Couto, anuncia que “coa chegada do outono a programación cultural de Foz muda de espazos pero continúa o seu camiñar. As obras da Sala Bahía obrigarán a centrar toda a programación no Salón de Actos da Casa da Cultura. O mes de outubro está dedicado ao teatro. Como ven sendo habitual en Foz, durante todos os venres do mes de outubro, a excepción do xoves 20, unha representación teatral de compañías de máximo nivel encherá o escenario da Casa da Cultura. Este ano o ciclo está denominado Emocións e “todas as obras que veremos afondan nos sentimentos e emocións das persoas, dende a incomunicación e a soidade, o...
leer más
O Concello de Viveiro, a través da Concellería de Cultura, informa do programa cultural no Teatro Pastor Díaz para a tempada de outono. En total, o programa propón 12 representacións teatrais ou musicais entre os meses de outubro e decembro. Os xéneros son variados, incluíndo concertos, comedias, teatro familiar ou opcións máis clásicas.
“Para o Concello de Viveiro, o acceso á cultura é unha prioridade de goberno. Por iso esforzámonos en coordinar este amplo programa, que ofrece opcións para todas as idades e gustos”, sinala a alcaldesa de Viveiro, María Loureiro.
Ademais, a programación deste ano está enriquecida nesta ocasión co espectáculo de “Camiño Escena Norte”, unha iniciativa que seleccionou a Viveiro para representar unha obra das pertencentes a este circuíto de teatro do norte de España. Alén desta...
leer más
O Concello organiza a cuarta edición da campaña da Pancha, a moeda local ribadense, que supón unha forte inversión económica para dinamizar o sector do comercio, hostalaría e algúns servizos da vila, durante os meses de outubro, novembro e decembro.
Nesta cuarta edición, ao igual que na campaña anterior, a compra e uso da moeda será totalmente dixital, a través dun moedeiro, o Panchapeto.
O concelleiro de Desenvolvemento Local, Pablo Vizoso, explicou que “o feito de poder realizar todas as operacións co teléfono móbil simplifica e mellora o uso da nosa moeda local. Deste xeito, as persoas usuarias non terán que acudir á sucursal bancaria para levar a cabo ningunha xestión, sendo suficiente contar cun teléfono móbil smartphone, dende onde poderán facer todo o proceso de compra de panchas, de pago nos...
leer más- 1
- 2
- 3
- 4
- siguiente ›
- última »