Panchas

Etiquetas:
11/10/2023

A Pancha, a moeda de Ribadeo, entrará en circulación o vindeiro domingo, 15 de outubro. Máis de 100 negocios locais participan na quinta edición desta campaña, segundo os datos ofrecidos hoxe polo alcalde, Dani Vega. 

O rexedor dixo que “dende este domingo, 15 de outubro, e ata o 31 de decembro un total de 200.000 Panchas estarán dispoñibles para que todos os consumidores merquen e consuman en máis de 100 establecementos de comercio e de hostalería do noso Ribadeo”.

Vega lembrou que “coma en edicións anteriores, a compra e uso da moeda é mediante o Panchapeto, o moedeiro dixital habilitado para a campaña. O moedeiro adquírese a través da web www.pancharibadeo.gal, onde tamén poden atopar toda a información referente a esta campaña”. 

O alcalde...

leer más
Etiquetas:
30/09/2023

Os establecementos comerciais e hostaleiros que queiran adherirse á quinta edición da moeda local de Ribadeo poderán facelo do 1 ao 10 de outubro. O Concello porá en circulación 200.000 Panchas, que se poderán empregar nos negocios desde o 15 de outubro ao 31 de decembro. A nova campaña da Pancha foi presentada esta mañá nas Catro Rúas. 

O alcalde, Dani Vega, dixo que “hoxe presentamos a campaña das Panchas, a nosa moeda local. Estamos tremendamente orgullosos de volver facer esta actividade de reforzo da nosa estrutura económica local. É un compromiso por parte do Concello de apoio a todo o tecido económico da nosa vila. Son 80.000 euros de reforzo e esta é unha boa forma de activar a economía local”. 

O rexedor convidou a facerse coas Panchas e a mercar con elas: “invitamos a todos os visitantes a comprar as...

leer más
Etiquetas:
20/12/2022

A cuarta edición da moeda local, a Pancha, está tocando á súa fin coa adquisición das 200.000 panchas que se puxeron en circulación o pasado 1 de outubro. Dende o inicio da campaña leváronse a cabo máis de 3.300 operacións coa moeda local, cun aforro de máis do 33% en cada unha delas.

O concelleiro de Economía, Desenvolvemento Local e Turismo, Pablo Vizoso, cualificou como un éxito o desenvolvemento da campaña e asegurou que “son máis de 100 establecementos de comercio, de hostalaría e do sector servizos de Ribadeo os que se están vendo moi beneficiados coa Pancha. Proba disto é a adquisición da totalidade da moeda local posta a disposición por este ano”.

Pablo Vizoso mostrouse moi satisfeito, “posto que dende o Concello se realizou unha forte inversión, un total de 85.000 euros de fondos públicos, que se traducen...

leer más
Etiquetas:
19/11/2022

A Pancha, a moeda local ribadense, será a protagonista dunha exposición que se poderá visitar nas principais rúas da vila e que inclúe tanto paneis explicativos do seu funcionamento como un percorrido polo pasado comercial de Ribadeo. 

O concelleiro de Comercio, Pablo Vizoso, lembra que “dende mediados do século XIX, Ribadeo foi un punto estratéxico para a actividade comercial, fortaleza que perdura ata o día de hoxe e aínda que os tempos cambiaron, a importancia do comercio na nosa vila é indiscutible, ata o punto de chegar a contar cunha moeda propia, a Pancha”.

O edil ribadense sinala que “se durante estes días paseamos polas principais rúas comerciais, en concreto por Rodríguez Murias, atoparémonos cunha exposición, que se divide en dúas partes e que está dedicada á nosa moeda, onde se amosa como e cando...

leer más
Etiquetas:
17/10/2022

Satisfacción no goberno municipal de Ribadeo pola boa acollida que están a ter as Panchas. Nos primeiros quince días de campaña xa se consumiron o 25% e foi xerado un impacto de negocio de máis de 50.000 euros, segundo os datos que hoxe deu a coñecer o concelleiro de Desenvolvemento Local, Pablo Vizoso. 

O edil ribadense declarou: “realmente desde o Concello de Ribadeo estamos moi satisfeitos pola tan boa acollida das Panchas na súa cuarta edición porque ao remate desta segunda semana xa podemos constatar como aproximadamente o 25% das Panchas están consumidas, xerando un impacto de negocio dun mínimo de 50.000 euros, aínda que realmente o volume de negocio que se consegue crear é superior a esa cifra. Foron efectuadas arredor de 500 operacións e un importe medio de 70 euros por cada compra realizada nos diferentes establecementos...

leer más
Etiquetas:
30/09/2022

Dende o 1 de outubro en Ribadeo xa se poderá pagar con Panchas, coa a moeda local, coa que será posible mercar e gastar ata o 31 de decembro en máis de 100 establecementos de comercio, hostalaría, algúns servizos e este ano, como novidade, tamén no cine da vila.

O concelleiro de Desenvolvemento Local, Pablo Vizoso, dixo que “ao igual que na campaña anterior, a compra e uso da moeda será totalmente dixital, a través dun moedeiro, o Panchapeto, que se poderá adquirir na páxina web www.pancharibadeo.com, onde tamén se atopa toda a información sobre a campaña, sobre as condicións e sobre os establecementos participantes”.

O edil nacionalista subliñou que “nesta cuarta edición incrementarase o valor do aforro total, que pasa de 70 a 100 euros por persoa. Poderanse ir mercando...

leer más
Etiquetas:
14/09/2022

O Concello organiza a cuarta edición da campaña da Pancha, a moeda local ribadense, que supón unha forte inversión económica para dinamizar o sector do comercio, hostalaría e algúns servizos da vila, durante os meses de outubro, novembro e decembro.

Nesta cuarta edición, ao igual que na campaña anterior, a compra e uso da moeda será totalmente dixital, a través dun moedeiro, o Panchapeto.

O concelleiro de Desenvolvemento Local, Pablo Vizoso, explicou que “o feito de poder realizar todas as operacións co teléfono móbil simplifica e mellora o uso da nosa moeda local. Deste xeito, as persoas usuarias non terán que acudir á sucursal bancaria para levar a cabo ningunha xestión, sendo suficiente contar cun teléfono móbil smartphone, dende onde poderán facer todo o proceso de compra de panchas, de pago nos...

leer más
Etiquetas:
31/08/2021

A nova campaña da Pancha, a moeda local de Ribadeo, arranca mañá, mércores 1 de setembro, con máis de 100 establecementos adheridos.

O alcalde en funcións e concelleiro de Desenvolvemento Local, Pablo Vizoso, explicou que “o Concello de Ribadeo vai poñer a rodar 600.000 Panchas para facer medrar a economía local, apoiando o comercio de proximidade, a hostalaría e o sector servizos de Ribadeo. Este ano a campaña da Pancha dá un paso máis, dixitalizando todo o proceso de adquisición e de compra e simplificando todas as operacións. Deste xeito tanto para comprar as Panchas como para facer os cobros unicamente se precisa un teléfono móbil tipo Smartphone. Así as Panchas poderán adquirirse dende o móbil en fraccións de 30 euros, polos que se obterá un contravalor de 40 Panchas, e ata un máximo de 7 packs por cada persoa participante, o que...

leer más
Etiquetas:
27/08/2021

O Concello de Ribadeo amplía o prazo para a adhesión dos establecementos interesados ao programa da Pancha ata o vindeiro 10 de setembro. 

O alcalde en funcións, Pablo Vizoso, explicou que “o Concello, tras recibir sendas suxestións e peticións para a ampliación do mesmo debido ao volume de traballo que está a rexistrar Ribadeo neste verán, valora como positiva esta ampliación xa que facilitará a inscrición a aqueles establecementos que estean en plena campaña de verán e así se poidan beneficiar o maior numero de locais de Ribadeo”.

E engadiu que “aquelas persoas interesadas en adherirse á campaña da Pancha terán que realizar a súa inscrición en pancharibadeo.com e terán ata o vindeiro 10 de setembro. Hai que lembrar que aqueles establecementos que estean adheridos terán que pasar pola Área de Desenvolvemento...

leer más
Etiquetas:
05/12/2020

Media ducia de novos locais se adheriron á nova fase das Panchas que se prolongará ata o vindeiro 5 de xaneiro. Onte, venres, foron adquiridos máis de 500 packs da moeda local de Ribadeo na oficina de Abanca. 

Desde a Concellaría de Desenvolvemento Local lembra que “o espírito deste programa é fomentar e promover o comercio local a través dunha subvención directa ao consumo e que se distribúa dunha maneira ordenada entre as persoas consumidoras nos establecementos adheridos ao programa. De aí que se artellase en pequenas cantidades, 30 euros cada pack, o que supón 40 panchas/euros como gasto de compra”.

E subliñan que “na primeira fase desta edición das panchas foi detectada a compra masiva de packs por parte dun grupo de persoas, polo que entendemos que se trata dun uso indebido, que desvirtúa e racha co espírito...

leer más