Xénero

24/11/2021

Co gallo da celebración do 25 Novembro, día internacional contra a eliminación da violencia contra a muller, o Observatorio da Mariña pola Igualdade fai un chamamento á cidadanía mariñá para asistir á concentración que terá lugar o xoves 25 novembro ás 20.00 horas na Praza dos Campos (San Cibrao-Cervo).

Onde se poderá presenciar unha impáctante performance do colectivo artístico LAG, que ten por fin a reflexión sobre as múltiples violencias que sófremos as mulleres.

Finalizaremos o acto coa lectura do manifesto por parte das compañeiras de galegas8M San Cibrao

*Cumpriranse todas as medidas vixentes antiCovid

Por outra banda, os días do 23 ao 25 novembro, dentro da programación 25N o...

leer más
Etiquetas:
22/11/2021

O Concello de Cervo, a través da delegación de Muller e Igualdade que dirixe Pilar Armada, en colaboración coa asociación Mulleres en Igualdade de Cervo (CERMEI), programa unha xornada baixo o lema “ponlle fin para ter un comezo”, que inclúe unha obra de teatro e un concerto con motivo do Día Internacional da Eliminación da Violencia contra a Muller, que ten lugar cada 25 de novembro.

A obra de teatro de Francisco Piñeiro, que se representará o venres 26 de novembro na Casa da Cultura de San Ciprián, ten como título “Alegoría da igualdade”. A compañía encargada da representación será o Grupo Ardora e a hora de comezo será ás 19:00H.
Ao remate da obra, a artista local Marta Suárez dará un concerto para todos os asistentes. 

O Concello de Cervo tamén colaborou xunto coa Asociación Bumei – Mujeres en Igualdad...

leer más
Etiquetas:
21/11/2021

O Concello de Xove, a través da Concellería de Servizos Sociais, ten preparados e confirmados varios actos para conmemorar o Día da eliminación da violencia contra a muller.
 
O luns 22 de novembro haberá o taller “Violencia de Xénero no novo contexto dixital”,actividade concedida pola Secretaria Xeral de Igualdade e organizada pola Concellería Municipal de Igualdade en colaboración co IES Illa de Sarón, dirixida ao alumnado de Secundaria deste centro de ensino. 
 
O 25 de novembro, xoves, presentarase o Plan Municipal Integral contra a Violencia de Xénero do Concello de Xove e o Calendario 2022 Pola Igualdade e contra a Violencia de Xénero, deseñado polos rapaces e rapazas participantes no taller de igualdade realizado no verán na OMIX.
 
E o sábado 27 de novembro celebrarase a entrega de premios do “I Concurso Tiktok pola...

leer más
Etiquetas:
20/11/2021

A Deputada de Muller e Igualdade, María Loureiro, presentou no Pazo de San Marcos a campaña Quéremonos Vivas, Libres e Iguaisque lanza a Deputación de Lugo con motivo do 25 de novembro, Día Internacional da Eliminación da Violencia contra a Muller. Loureiro adiantou que é un programa de actividades reivindicativas que se prolongará durante toda a vindeira semana. 

A titular de Muller e Igualdade detallou que a Deputación pon en marcha esta campaña paravisibilizaresta lacra social co obxectivo de combatela entre o conxunto da sociedade da provincia. “A loita contra as violencias machistas e en favor da igualdade real entre homes e mulleres é unha política transversal na acción deste Goberno. Unha boa mostra é que temos unha área específica de Muller e Igualdade porque cremos que aínda queda moito traballo por facer”, recalcou a Deputada....

leer más
Etiquetas:
20/11/2021

A campaña do 25N deste ano do Concello de Ribadeo foi deseñada dentro da Mesa Interinstitucional contra a Violencia de Xénero. Está centrada na mocidade e protagonizada polos centros de ensino. Denomínase Calar non é amar. Ti, dona de ti e foi presentada no salón de plenos.O resultado do traballo realizado polo estudantado ribadense darase a coñecer o vindeiro xoves, 25 de novembro, ás oito da tarde no Cine Teatro. Mariluz Álvarez, a concelleira de Igualdade, convida á veciñanza a asistir a este acto.

A edil ribadense dixo que “dende a Concellaría de Igualdade presentamos a campaña deste ano do 25 de novembro, que foi deseñada dentro da Mesa Institucional contra a Violencia de Xénero. Esta vez céntrase na mocidade, protagonista proactiva en contra da violencia de xénero. O lema deste ano é Calar non é amar. Ti dona de ti. Queremos recordar...

leer más
20/11/2021

Un ano máis o Concello de Mondoñedo, a través do Centro de Información ás Mulleres, conmemora o Día Internacional contra a Violencia de Xénero por medio de actividades e actos institucionais para visibilizar e loitar contra a lacra que é a violencia contra a muller, máxima expresión da desigualdade de xénero. 

Os actos centrais terán lugar o xoves 25 de novembro, de 11.00 a 12.30 horas. Durante ese tempo haberá un punto informativo na Praza do Concello, onde se repartirá material relacionado coa temática e se imporá o lazo morado. Estes materiais son tanto de edición propia do Concello como facilitados pola Secretaría Xeral de Igualdade da Xunta de Galicia. 

Ás 12.00 horas terá lugar a lectura do manifesto contra a violencia de xénero. A continuación gardarase un minuto de silencio. Para esta data está prevista a...

leer más
Etiquetas:
21/11/2019

Os actos contra as violencias organizados polo Concello de Foz serán este domingo, día 24, e o luns 25. Anunciouno hoxe, xoves, a concelleira de Muller e Igualdade, Verónica Peña.

A edil explica: “desde o Concello de Foz estamos moi involucrados contra as violencias e por iso con motivo do 25N vamos facer varios actos. Empezaremos o domingo 24 cunha obra de teatro de marionetas familiar, coa compañía Trécola que representará Xogo revolto. O luns 25 no IES de Foz haberá unha charla informativa sobre agresións sexuais e violencia sexual para os alumnos e alumnas de 4º da ESO. Tamén este luns faremos as oito da tarde diante da Casa do Concello a entrega de camisetas cos logos En negro contra as violencias. E os participantes poderán escribir mensaxes nunhas cartolinas negras que temos preparadas e despois leranse, para que todos poidan oílas...

leer más
Etiquetas:
21/11/2019

O Concello de Burela organiza diversas actividades con motivo da conmemoración o vindeiro día 25 deste mes do Día Internacional contra a violencia de xénero.

O programa comezará o propio día 25 co acto institucional no que se dará lectura a un manifesto e no que participarán os centros educativos da localidade, asociacións do municipio e poboación en xeral. Ademais esa xornada procederase á instalación dun stand informativo contra a violencia machista, na praza do Concello, onde haberá persoal especializado en violencia de xénero que facilitará, durante todo o día, información ás persoas que decidan achegarse ata alí e tamén distribuirá material de sensibilización e prevención.

O mércores 27 de 17:00 a 18:00 horas no local da Asociación de Amas de Casa, na rúa do Río, 9, desenvolverase Igual a Nós. Actividade de...

leer más
Etiquetas:
23/11/2017

O Concello de Foz, a través das delegacións de Servizos Sociais e de Muller, organiza para este sábado, día 25, actividades con motivo do Fair Saturday e do Día Internacional para a Eliminación da Violencia de Xénero.

A concelleira Mercedes González Alonso anunciou que “o vindeiro sábado, 25 de novembro, únense en Foz o Fair Saturday e o Día Internacional para a Eliminación da Violencia de Xénero”.

A edil explicou que “por primeira vez o Concello de Foz únese ao Fair Saturday, un movemento cultural aberto e participativo que se celebra a nivel mundial o último sábado de novembro. Diferentes entidades, artistas, etcétera xúntanse neste proxecto, amosando a importancia da arte e a cultura e cada un deles destina o recadado a un proxecto social que elixen. No caso do Concello de Foz entre as 17:30 e as 19:30 horas...

leer más
Etiquetas:
23/11/2017

Déronse a coñecer as actividades que se van desenvolver o vindeiro venres, 24 de novembro, dentro da campaña #RibadeoenNegro contra a violencia de xénero. A concelleira de Igualdade, Mari Luz Álvarez Lastra, explicou que os actos comezarán ás 12 do mediodía no Cantón (aínda que en caso de choiva poderían trasladarse ao pavillón vello) e neles participarán os centros educativos de Ribadeo, Acisa e todas as entidades que se adheriron a esta campaña. Haberá lecturas de mensaxes a título particular así como dun manifesto conxunto e o comité lila do IES de Ribadeo interpretará un tema de reggaeton “sumamente machista” ao que lle deron a volta para visibilizar esta problemática. Álvarez Lastra fai unha chamada á participación nesta actividade, que se presentou no miradoiro da área recreativa da Illa Pancha. 

A edil nacionalista embrou que “...

leer más