Xoves
09/07/2017
O vindeiro xoves, 13 de xullo, darán comezo en Mondoñedo os Seráns de Lecer, que terán lugar os xoves durante o verán.
Trátase dunha novidosa iniciativa que pon en marcha o Concello mindoniense e que está prevista para as 20:00 horas. Deste xeito a entidade local amplía a súa oferta lúdica para estes meses de verán.
Seráns de Lecer estará formada por diversas actividades de teatro e música, así como por outras accións destinadas a humanizar as rúas e que xente poida gozar das actuacións.
15/09/2015
O Centro Comercial Histórico de Viveiro organiza unha nova edición de Juepeo, as xornadas de tapeo que se celebran os xoves en Viveiro dende este 17 de setembro e ata o 1 de outubro. Participarán 11 locais que elaborarán delicias en versión mini cociña. Cada tapa terá un prezo de 1,50 euros e os clientes poderán participar no sorteo de 200 euros en vales de consumición puntuando as tapas que van probando.
A nova edición chega tras o éxito da celebrada nos meses de maio e xuño. Participan os locais Mesón A Baiuca, Bar La Fontana, Mesón A Praciña, Belle Epoque, Mesón Imperial, Bar La Plata, Restaurante Casa Pepi, Bar Normandy, Mesón O Recuncho e O Rincón do Tronco.