O Concello de Barreiros organiza campamentos de verán para nenos e nenas durante os meses de xullo e agosto.
Os organizadores explican que “estes campamentos de verán ofrecen unha diversidade de actividades educativas e lúdico-deportivas que farán que os participantes gocen dunhas mañás moi entretidas e divertidas: talleres de música, robótica, xogos tradicionais e populares, gymkanas, xornada de reciclaxe, xogos cooperativos e con paracaídas, olimpíadas deportivas, xogos de pistas e busca, experimentos científicos, etcétera. Está dirixido a persoas nadas entre 2009 e 2017, inclusive, e desenvolverase do 5 de xullo ao 27 de agosto de luns a venres de 9:30 a 13:30 horas. A sede é o Pavillón Polideportivo Municipal de Barreiros.
O prazo de preinscrición está aberto ata o 15 de xuño e todos os trámites poden realizarse nas oficinas municipais ou a través da sede electrónica do Concello de Barreiros, de 9:30 a 15:00 horas.