Actos
A Concellería de Igualdade e o CIM do Concello de Burela presentan a programación de actividades co gallo da conmemoración do 25 de novembro, Día Internacional para a Eliminación da Violencia de Xénero.
O venres 24 de novembro, ás 12:00 horas, terá lugar na Praza do Concello a lectura do manifesto institucional contra a violencia de xénero.A continuación será a inauguración do Xardín da Memoria, actividade realizada co alumnado do IES Monte Castelo e do IES Perdouro.
Durante a mañá do venres haberá,na Praza do Concello, un posto informativo onde se fará reparto de material (folletos, chapas, pulseiras, bolsas, etc) e se dará todo tipo de información, como vía de sensibilización, para poñer fin á violencia de xénero a través da concienciación da poboación en xeral e de dar a coñecer os recursos ás vítimas en...
leer más
O Concello de Lourenzá deu a coñecer a programación para o Día de Galicia, 25 de xullo, na honra de Francisco Fernández del Riego. Esa xornada terán lugar diferentes actos culturais organizados polo Concello de Lourenzá e a Mesa Coordinadora Don Paco.
En primeiro lugar, ás 13.30 horas na Praza de Conde Santo celebrarase a escenificación do manifesto que o propio escritor leu o 25 de xullo de 1931, a cargo do grupo Avelaíña Teatro. Simultaneamente estará acompañado con música da Asociación Cultural Osorio Gutiérrez.
E ás 20.30 horas no Multiusos “Ponte das Cuñas” haberá unha representación da obra de teatro Almas na Gloria, que foi escrita como homenaxe á Don Paco. Tamén nesta ocasión, representado polo grupo Avelaíña Teatro, de Pontevedra.
O Deputado de Promoción Económica e Social, PabloRivera Capón, participou este venres na Cidade da Cultura de Santiago no acto de presentación do programa do Día das Letras Galegas 2023, que chega á 60 edición rendéndolle homenaxe ao tradutor, novelista, historiador, xornalista, ensaísta e editor Francisco Fernández del Riego, natural de Lourenzá.
A Deputación de Lugo colaborará co Concello de Lourenzá para a posta en marcha dun completo programa que inclúe no seu conxunto máis dun cento de actividades e accións que servirán para dar a coñecer e poñer en valor a vida e obra do homenaxeado. As iniciativas desenvolveranse ao longo de todo ano, con especial atención no propio Día das Letras Galegas 2023, o17 de maio.
Vilanova de Lourenzá acolle este sábado, 7 de xaneiro, os actos de apertura do ano de Francisco Fernández del Riego, ao que se lle dedica o Día das Letras Galegas neste 2023. Foron presentados por unha representación da Mesa Coordinadora Don Paco.
As actividades comezarán ás 17:00 horas no salón de actos da Casa do Concello, onde intervirán o conselleiro de Cultura, Román Rodríguez González; o presidente da Deputación de Lugo, José Tomé Roca; o presidente da Real Academia Galega, Víctor Fernández Freixanes; e a alcaldesa de Lourenzá, Rocío López García. Ademais inaugurarase a exposición 110 anos de Del Riego e terá lugar a presentación de Calendario biográfico. Posteriormente, a partir das 18:00 horas, no multitusos Ponte de Cuñas haberá un concerto do Grupo de Música Antiga 1500 e actuará tamén o grupo da Asociación Cultural Osorio...
leer más
A Biblioteca Pública Municipal de Foz Salgado Toimil para conmemorar o Día do Libro levará a cabo unha actividade de animación á lectura, “Selvas de palabras”, que terá lugar no salón de actos da Casa da Cultura este sábado, 30 de abril, ás 12:00 horas. No acto intervirán Andrea Maceiras, escritora de literatura infantil e xuvenil e Inés López Couto, concelleira de Cultura. Unha vez finalizada a presentación, sortearanse entre as persoas asistentes dous lotes de libros.
O evento está dirixido para un público familiar e infantil de 8 a 12 anos e a entrada é libre ata completar a capacidade.
A escritora Andrea Maceiras convidaranos a unha viaxe literaria por dúas selvas: a selva amazónica onde nos descubrirá aos protagonistas da súa novela A folla azul (Premio Merlín, 2020) e a selva do sueste asiático onde coñeceremos aos personaxes da...
Burela celebra o Día da Infancia o 20 de novembro da man do grupo de participación adolescente. Será a primeira actividade a desenvolver para darse a coñecer e reivindicar o seu desexo de formar parte activa da vila.
A concelleira de Servizos Sociais, Carmela López, sinala que “temos un grupo de case corenta rapaces e rapazas moi involucrados e con moitas ganas de axudar a mellorar a súa vila. É moi interesante escoitalos e telos en conta para tomar decisións que lles afectan directamente. Eles van a aprender, pero nós sen dúbida tamén”.
Adolescentes e nenos e nenas están convidados o sábado a celebrar o seu dia. A primeira hora da tarde percorrerán a vila. A denominada Mani-Festi-Acción será de 17 a 18 horas. Con saída da cafetería Vista Alegre e primeira parada no Campón con lectura de manifesto, a segunda...
leer más
Este domingo, día 23, ás 13:30 horas no quiosco da música do Cantón laurentino o Concello de Lourenzá celebrará o Día das Letras Galegas coa colaboración da Banda de Música da localidade. Haberá música, recital e a entrega de premios do certame de poesía.
O concelleiro de Cultura, Manuel Arango Ron, anuncia que “o programa consistirá nun recital poético onde se lerán poesías de Xela Arias e as premiadas no certame de poesía convocado pola Concellería de Cultura. A Banda de Música interpretará a Marcha do Antigo Reino de Galicia, Negra Sombra e o Himno Galego, que pechará o acto”.
Manuel Arango destacou que “dado o gran número de participantes e a calidade das obras presentadas ao certame de poesía o xurado decidiu conceder, ademais dos premios previstos, un accésit en cada categoría. Os gañadores recibirán 50...
leer más
A concelleira de Cultura, Inés López Couto, anuncia que o Concello de Foz “continúa coa súa decidida aposta pola Cultura. Para conmemorar o día do libro as rúas engalanáranse e encheranse de actividades”.
Inés López explica que “o venres 23 os libros tomarán as rúas focegas. As librarías do concello sacarán á praza da glorieta de Vilalba unha mostra das novidades editoriais e dos múltiples libros que se poden atopar nos seus anaqueis. Durante a xornada haberá sinatura de libros durante a tarde e música”.
A edil especifica que “durante a mañá do mesmo venres a sinatura de libros será nunha caseta que se instalará na Praza do Concello. Dende a Delegación de Cultura quérese achegar o hábito da lectura a toda a poboación, para o cal se agasallará con libros aos veciños que pasen por ela e tamén na Biblioteca Municipal...
leer más
Alfoz prepara diversas actividades o luns, 24 de febreiro, para conmemorar o aniversario do nacemento de Rosalía de Castro.
Dende a área de igualdade levarase a cabo a exposición “Rosa, rosa… Rosalía”, na que se incluirá a súa biografía e obra, poñendo en valor a figura da poetisa como referente de muller pioneira do feminismo na literatura.
Ademais, conxuntamente coa área de cultura, realizarase de 10 a 12 horas, na biblioteca municipal, un obradoiro creativo dirixido a nenos e nenas de 3 a 14 anos. Os participantes elaborarán diferentes ilustracións de Rosalía, e un mural xigante en 3D que se incorporará á exposición e elaborarán poemas con pictogramas a partir de poemas musicados de Rosalía e cadansúa chapa coa imaxe da poetisa.
Os interesados en participar no obradoiro creativo...
leer más
A Delegación de Muller do Concello de Foz levará a cabo unha campaña titulada Foz conciencia, non somos invisibles, con motivo da celebración do Día da Muller. A concelleira Mercedes González Alonso explica que “se trata de visibilizar o traballo da muller na ciencia”. A campaña consistirá no desenrolo de obradoiros con alumnos e alumnas dos centros educativos do municipio que terán lugar na Casa da Xuventude mañá, martes, e o mércores.
A concelleira sinala que “con motivo do 8 de marzo, Día da Muller, dende a Concellería da Muller do Concello de Foz levamos adiante a campaña Foz conciencia, non somos invisibles. É un xogo de palabras co que queremos poñer de manifesto o papel das mulleres na ciencia, dar a coñecer as novas verdades científicas da historia, o seu traballo e o que tiveron que loitar para poder dar a coñecer a súa presenza...
leer más