Burela

O Concello acolleu a presentación do cartel das Carreiras Solidarias Alas de Vida 2018. O 22 de setembro ás 16:30 horas serán o paseo solidario e a festa infantil a partir das 16:30 horas na praza da Mariña. A cota da inscrición será de 3 euros. 

E o 23 de setembro, con saída tamén desde a praza da Mariña, terán lugar as carreiras cronometradas: 7 quilómetros, trail polo Monte Castelo de 14 quilómetros e as carreiras infantís. As cotas de inscrición oscilan entre os 7 e os 10 euros. 

A cantidade recadada neste 5º Festival Benéfico Deportivo irá destinada á asociación Debra Piel de Mariposa. 

No acto de presentación das Carreiras Solidarias Alas de Vida participaron o alcalde, Alfredo Llano, e os concelleiros de Deportes e Servizos Sociais, Ramiro Fernández Rey e Patricia Otero, entre...

O Centro Comercial Aberto de Burela lanza a súa campaña “Volta ao cole” á que están chamados todos os rapaces e rapazas burelenses menores de idade que queiran participar nun xogo da oca xigante que se instalará na praza da Mariña o día 7 de setembro. 

A dinámica do xogo é moi sinxela o único que se ten que facer é gardar os tickets de compra dos locais asociados ao CCA Burela, e se suman máis de 10 euros en compra terán dereito a xogar unha partida. 

O gañador ou gañadora de cada un dos xogos recibirá un lote de material escolar valorado en máis de 10 euros e un cheque de 20 euros para mercar material escolar nos comercios asociados. Todos os participantes recibiran un agasallo por participar na actividade, para que ninguén marche coas mans baleiras. 

Está previsto que se fagan un máximo...

A Concellería de Cultura ultima os preparativos da Feira do Libro, que se celebrará na localidade os días 31 de agosto e 1 e 2 de setembro. Na primeira xornada participará o escritor pontevedrés Manel Loureiro, quen a partir das 20:00 horas falará da súa última obra e da súa traxectoria literaria. Tamén o 31 de agosto, pola mañá, celebrarase o 1º Concurso de Relatos al Vuelo. Os participantes deberán escribir unha historia de non máis de 300 palabras nun tempo máximo dunha hora e terá que incluír tres palabras escollidas ao azar. O relato gañador será lido o sábado, despois do pregón que pronunciará Matías Escalera. As persoas interesadas en participar nesta convocatoria poden inscribirse a partires de mañá, 22 de agosto, no seguinte correo electrónico: casadaxuventude@burela.org.  Para que o concurso se celebre...

O vindeiro domingo, 19 de agosto, ás 22:00 horas, se o tempo o permite, terá lugar na Praza da Mariña unha nova sesión de cine ao aire libre coa proxección de Ferdinand, unha película de profunda mensaxe que foi nominada aos Globos de Ouro como mellor filme de animación e mellor canción orixinal.

A entrada é gratuíta. 
Sinopse
Ferdinand é un touro cun gran corazón que vive cos seus amigos. É un animal pacífico ao que lle encanta gozar da natureza sen facer dano a ninguén. Pero un día, todo cambia cando o confunden cunha besta perigosa. Ferdinand é capturado e arrincado do seu fogar para levalo a España, onde o obrigarán a converterse nun touro bravo. Pero ao noso protagonista non lle gusta a violencia e tampouco perseguir as teas vermellas dos toureiros. Así que decide que vai volver coa súa familia. Para iso recruta a un grupo...