Burela
As XXV Xornadas Técnicas Expomar, que se desenvolverán os días 3 e 4 de maio, serán inauguradas pola conselleira do Mar, Rosa Quintana, e clausuradas polo presidente da Deputación de Lugo, Darío Campos. Nesta cita abordaranse temas como a política pesqueira comunitaria e os hábitos de consumo, nutrición e trazabilidade. O alcalde de Burela e presidente da Fundación Expomar, Alfredo Llano, fai unha chamada ao consumidor a asistir á mesa redonda do venres, debido aos temas que se abordarán: a importancia do peixe na dieta nutricional, a trazabilidade, o etiquetado e a información ao consumidor, entre outros. Paralelamente o venres, día 4, tamén se celebrará o Encontro Empresarial de Organizacións Pesqueiras.
Llano subliñou que “este ano ten a particularidade de ser o 25 aniversario, o cal ven indicar que hai interese desde a Fundación...
leer más
Dentro das actividades programadas para este curso e incluídas nos actos conmemorativos do 20º aniversario da fundación da Escola Municipal de Música de Burela, a aula de chelo, formación básica, violas e coro infantil ofrecerán mañá, xoves 26 de abril, ás 19:00 horas na sede do centro un concerto de alumnos destas especialidades.
Anunciouno o director da escola de música, Xan Carballal, quen especificou que neste concerto interpretarán obras de Suzuky, Mozart e Mendelsohn, entre outros compositores.
Neste acto participarán 40 alumnos con idades comprendidas entre os catro e os 16 anos.
A Delegación de Medio Ambiente organiza un taller de horta familiar ecolóxica que terá lugar o 15 de maio. Desenvolveras na Praza de Abastos en horario de tarde da 16:00 á 20:00 horas.
O número de prazas é limitado a 20 alumn@s, e as persoas interesadas poden inscribirse na oficina de Medio Ambiente ou no teléfono 982 580 867.
A concelleira de Medio Ambiente, Noelia María Ben, anima a participar neste taller no que “terán prioridade os veciños e veciñas de Burela”.
A edil burelesa salienta que “o obxectivo é presentar os primeiros pasos para crear ou transformar unha pequena horta ecolóxica destinada ao autoconsumo así como a resolver as inquedanzas máis habituais”.
Este taller será coordinado polo espazo agroecolóxico A Estruga e impartido polo...
leer más
De Burela sairá a carreira popular Banco Mediolanum o vindeiro 10 de xuño e o 21 de xullo terá lugar a terceira edición da Burela Bonita. Así o anunciou esta tarde o concelleiro de Deportes, Ramiro Fernández Rey.
O edil burelés explicou que “onte foi un día duro de traballo na Concellería de Deportes de Burela, onde tivemos dúas reunións para cerrar dúas probas de atletismo que para nós son moi importantes. Unha que se vai celebrar o día 10 de xuño, que é a carreira que organiza o banco Mediolanum. Tivemos unha reunión coa dirección técnica da carreira e xa podemos confirmar que o día 10 de xuño con saída desde Burela vamos ter a carreira popular Banco Mediolanum de Burela a Foz. Este ano cámbiase a chegada, que será en Foz, pois ano pasado fora en Burela”.
E seguiu a relatar: “ademais diso tivemos unha reunión...
leer más
A Concellería de Medio Ambiente convoca o III Concurso de Fotografía Coidemos a Terra. O prazo de presentación de traballos vai do 21 de abril ao 20 de maio.
Neste certame poden participar todas as persoas que o desexen, residentes en Burela. Aquelas que sexan menores de idade, no momento da inscrición, deberán contar coa autorización do seu pai/nai ou titor legal, debendo indicar os datos na ficha de inscrición.
O concurso establece as categorías Infantil (ata 12 anos), Xuvenil (de máis de 12 anos e ata os 17), e Adulto (maiores de 18 anos).
As fotografías deberán ser orixinais e inéditas, e realizadas con calquera tipo de cámara fotográfica. Terán que ser de praias de Burela –xa que a temática é As praias de Burela-, e indicar o lugar onde foron tomadas, e cada persoa poderá enviar un...
leer más
A Concellería de Cultura de Burela programa para a vindeira fin de semana dúas representacións teatrais e a actuación de Leo Bassi, o domingo 22 de abril, ás 21:00 horas, na Casa da Cultura.
O venres, día 20, a asociación dramatúrxica Pico do Castro de Foz representará a obra Matías está tolo. Será ás 21:00 horas na Casa da Cultura de Burela. A entrada será de balde.
A historia conta como Matías esperta no seu apartamento cunha estraña muller que di chamarse Patricia e que asegura que el a convidou a aloxarse por uns días. A situación complícase aínda máis coa aparición de Xiana, a moza que lle interesa, da que está namorado e que ademais é a súa veciña. Matías está decidido a entregarlle todo o seu amor pero súa nai, sobreprotetora en grao extremo, trata de impedilo. Entradas e saídas permanentes caracterizan...
leer más
O Concello de Burela colabora cunha Ruta Ciclista que organiza o IES Perdouro o 19 de abril. Será un percorrido de pouca dificultade, de case 13 km, por Burela. Participarán alumnos deste IES así como calquera persoa que o desexe. Acudir é libre. Os que asistan só teñen que ir con bici e casco ás 12:20 ao IES Perdouro, xa que este será o punto de saída.
Colabora tamén Cerezo Bikes, que prestará axuda en caso de pinchazo ou avaría. Dende a Delegación de Deportes, Ramiro Fernández Rey, anima a participar nesta Ruta Ciclista por Burela o vindeiro xoves, 19 de abril.
A Concellería de Cultura presenta este venres, 13 de abril, ao grupo O Bordelo, de Cervo, que porá en escena a obra O Malquerer.
A actuación terá lugar na Casa da Cultura, ás 21:00 horas, é para todos os públicos e a entrada é libre.
O Malquerer é unha comedia escrita e dirixida por Francisco Piñeiro, e protagonizada por Dolores Viamonte, Mª Paz Rodríguez, Antonio González, Manuel González, Xosé Vicente Mon e polo propio director, Francisco Piñeiro.
Enmarcada nunha liña dun teatro comprometido coa mellora das circunstancias sociais contemporáneas, pretende ser unha peza cómico-reflexiva que permita ao espectador observar a realidade de tal xeito que remate rindo do que a cotío convida a chorar.
A programación cultural de Burela para o mes de abril arrinca este semana con varias actividades. O domingo, día 8, haberá unha nova edición do rastrillo popular solidario, que se celebrará de 10 a 15 horas na praza da Mariña e tamén unha nova sesión de Burela de Cine ás 18:30 horas. Ademais este mes chegarán a Burela dous musicais infantís os días 15 e 29. Volve o tributo a Michael Jackson tamén o 29 e o 22 de abril estará na Casa da Cultura Leo Bassi. A axenda de abril completarase con teatro afeccionado e coa segunda charla médica, que versará sobre o alzheimer e que terá lugar o día 26.
O concelleiro de Cultura, José Díaz, anunciou que “además del Burela de Cine de los domingos con las sesiones de cine infantil que en este caso será el día 8, como eventos más destacados del mes de abril tenemos el musical infantil Bella, con una...
leer más
O V Triangular de Semana Santa Imdecum reunirá en 2018 as promesas máis novas de ACD Xove, ED Lourenzá e Pescados Rubén Burela FS, na categoría Biberón. O pavillón Monte Castelo de Burela acollerá a competición o venres, 30 de marzo, a partir das 15.45 horas.
O pavillón Vista Alegre, coincidindo co descanso do partido de Segunda LNFS entre Pescados Rubén e Manzanares (inicio ás 17.30 horas), acollerá o acto de clausura con entrega de medallas e algunha sorpresa.