Cervo
07/10/2015
O Concello de Cervo organiza a 21ª edición do Torneo de Tute Concello de Cervo, ao que están chamados a participar todos os colectivos do municipio que formen un equipo. Está previsto que a competición bote a andar o próximo 20 de outubro. Foi presentado polo concelleiro de Deportes, José Ramón Soto, e por Félix Fernández Gómez, que colabora na organización deste torneo dende o seu inicio.
“Un ano máis, e xa van 21 de forma consecutiva, organizamos o campionato de tute Concello de Cervo, actividade que se desenvolve nos locais hostaleiros e asociacións do municipio de Cervo. Neste torneo poderán participar todas aquelas asociacións, clubs e bares ou calquera tipo de local do noso municipio. Cada entidade poderá formar un ou varios equipos, que estarán compostos cada un...
leer más 01/10/2015
A Sección de Baloncesto do Club Deportivo San Ciprián e o Concello organizan o primeiro Trofeo Concello de Cervo, que se celebrará o vindeiro sábado, 3 de outubro, no pavillón polideportivo de A Veiga, en San Ciprián. O evento foi presentado polo concelleiro de Deportes, José Ramón Soto; o delegado da sección de Baloncesto do C.D. San Ciprián, Roberto Santos Gutiérrez; e o presidente do club, César Díaz Criado.
O torneo supón o regreso a nivel competitivo do baloncesto de adultos a San Ciprián. “Levaba uns anos sen actividade nos adultos, aínda que o Concello dende o ano 2007 segue potenciando a práctica deste deporte, pero en categorías inferiores, ata os 12 anos. En canto ao torneo deste sábado disputarano 4 equipos, que son o Club Deportivo San Ciprián de Baloncesto; o...
leer más 30/09/2015
A asociación de veciños do Burgo de Trasbar, logo de dedicar o verán a organizar as festas patronais, comeza esta fin de semana a abrir o local social para que os veciños podan pasar as tardes das fins de semana. O horario de apertura será o mesmo de sempre, os sábados a partir das 18.00 h e os domingos a partir das 17.00 h. Este horario mantense ata finais do mes de xuño.
Con motivo da apertura do seu “curso”, contarán cunha obra de teatro, que terá lugar este sábado, 3 de outubro, no local social de Trasbar, ás 19.00 h, a cargo do grupo Pico do Castro coa obra “De vello gaiteiro”, unha obra incluída no programa Buxiganga da Deputación de Lugo, con entrada libre.
Esta fin de semana comeza tamén o prazo para inscribirse nos campionatos de tute e de parchís que...
leer más 09/09/2015
O concelleiro de Deportes, José Ramón Soto Martínez, e a de Xuventude, Dolores García Caramés, presentaron as escolas deportivas municipais para a tempada 2015-2016. As actividades empezarán o 28 deste mes de setembro e previamente, o día 24, terá lugar a presentación oficial no auditorio da Casa da Cultura de San Ciprián.
José Ramón Soto explicou que esta iniciativa “esta en marcha dende no Concello de Cervo dende o ano 2007, o que representa unha clara aposta polo deporte base por parte deste Concello, como no podería ser de outra forma. A tempada pasada pechouse con 300 participantes, entre adultos e nenos, e pensamos que nesta edición manterase o número de participantes e incluso poderase superar”.
... leer más 08/09/2015
Un ano máis o burgo de Trasbar, en Cervo, celebrará a tradicional Romaría de Santa Eufemia, unha cita coa súas festas patronais que inclúe un variado programa de actividades que se desenvolverán durante tres días: O mércores 16, o sábado 19 e o domingo 20 de setembro. Están organizadas polaa asociación veciñal O Burgo de Trasbar, que tamén se encargou do evento o ano pasado.
Os actos comezarán o 16 de setembro, coincidindo coa festividade oficial, celebrarase a romaría da Santa Eufemia. O programa inclúe unha misa ás 13.00 horas, cantada polo grupo de voces Sons de Celeiro. Ao remate da misa, todos os devotos que queiran poden achegarse a poñer a Santa. De seguido, terá lugar a actuación do grupo de gaitas Nova Semente de Celeiro, cortesía do programa Musiqueando da...
leer más 26/08/2015
O embalse de Riocobo acollerá o campionato de España de motonáutica por radiocontrol térmico os días 5 e 6 de setembro. Esta proba foi presentada polo alcalde de Cervo, Alfonso Villares Bermúdez; polo concelleiro de Deportes, José Ramón Soto Martínez; e polo representante da Federación Galega de Motonáutica José Soto Peña.
O concelleiro de Deportes cervense explicou que na competición participarán “lanchas cunha lonxitude aproximada duns 1,20 metros e que alcanzan ata os 120 quilómetros por hora. As probas distribúense en catro categorías: ata 3,5 centímetros cúbicos; de 3,6 a 7,5; de 7,6 a 15; e de 15,01 a 35. O número máximo de participantes por categoría non poderá ser superior a 15. Correranse tres mangas por categoría, das que puntuarán as dúas con mellores resultados...
leer más 27/07/2015
O embalse de Riocobo acollerá este vindeiro sábado, día 1 de agosto, a partir das 10 da mañá a quinta edición da Copa Deputación Provincial de Lugo de piragüismo. Esta proba está organizada polo Club Deportivo San Ciprián coa colaboración do Concello de Cervo.
O evento foi presentado nun acto no que participaron o alcalde de Cervo, Alfonso Villares; o concelleiro de Deportes, José Ramón Soto; os responsables da organización, Javier García e Tito Gargallo; e compoñentes da sección de piragüismo do Club Deportivo San Ciprián.
O concelleiro de Deportes explicou que esta competición “realízase no encoro de Riocobo, entorno natural que recentemente usaba o campión olímpico David Cal para a súa pretempada polas súas inmellorables...
leer más 21/07/2015
A Romaría de Sargadelos, que se celebra os día 24 e 25 deste mes na honra de Santiago Apostol, foi presentada hoxe. No acto participaron o alcalde de Cervo, Alfonso Villares; a concelleira de Turismo, Manuel Méndez; e membros da organización dos festexos.
O venres 24 a partir das 14 horas haberá sesión vermú coa orquestra Emperadores, que tamén actuará na verbena xunto co dúo Areal a partir das dez e cuarto da noite. E ás 3 da madrugada empezará unha sesión de DJs.
O sábado 25 ás 13 horas celebrarase misa solemne cantada poro coro parroquial e a continuación terá lugar a procesión acompañada polo grupo de gaitas Airiños do Xunco. Despois haberá sesión vermú co grupo Montreal. Para ás oito da tarde está programada unha pancetada e...
leer más 10/07/2015
O Concello de Cervo propón a partir do vindeiro luns, día 13, aos seus veciños a práctica de deporte na rúa da man do programa Noites Alternativas, no que nesta edición se inclúen sete disciplinas: volei praia, fútbol praia, fútbol sala, baloncesto, pádel, unha noite do patín e outra de orientación.
As Noites Alternativas, que comezaron a celebrarse en 2008, buscan fomentar a práctica do deporte ao aire libre aproveitando o bo tempo. As actividades son gratuítas e para participar basta con apuntarse entre as 20:30 e as 21:30 horas no lugar fixado para a súa celebración. Poden participar persoas maiores de oito anos e haberá diversas categorías: sub 10 -12- 15-17 e sénior.
As actividades comezarán ás 20:30 horas e acabarán sobre as 00...
leer más 18/06/2015
A Asociación Mulleres de San Ciprián organiza un ano máis, coa colaboración do Concello, a actividade Lembrando tempos no río. O alcalde, Alfonso Villares, a edil Pilar Armada, a presidenta da entidade, Amparo Pernas e outras socias presentaron os detalles do evento que se celebrará este sábado día 20.
O punto de encontro será a prazoleta da Casa da Cultura, ás 17:30 h., onde se reunirán todas as persoas que queiran participar para dirixirse todas xuntas cara o río Covo, en concreto á zona onde se atopa a área recreativa, preto da ponte medieval. Un percorrido durante o cal a comitiva, cantará cancións tradicionais acompañada do grupo A Reboulaxe, que estará presente durante toda a actividade. Unha vez chegados ao río, gozarán...
leer más