Foz
O Concello de Foz leva dende o verán preparando un Nadal cheo de luz, actividades, sorpresas e doces. Este luns comezou a instalación do alumeado, que se fai por parte dunha empresa e de operarios municipais.
“Xa levamos unhas semanas revisando luces, colocando tensores, tirando cable,… Leva tempo preparar unha iluminación bonita e que poida sorprender aos veciños e visitantes”,explica a concelleira de Cultura, Inés López Couto, quen engade que “en Foz o Nadal sempre é unha data especial, pero levamos uns anos volcándonos máis, poñéndolle un chisco extra, porque as caras dos máis pequenos son o mellor o día do acendido”
O venres día 1 de decembro está programado que comecen a brillar as luces, o bright friday ou venres luminoso. “Queremos facelo antes da ponte, para dar un aliciente máis para achegarse nos...
leer más
A Aula Universitaria da UNED de Foz vén de inaugurar unha nova sección denominada UNED Foz mes a mes, na que se expón a programación da aula para cada mensualidade. Así o anunciaron a concelleira da Aula Universitaria, Elena Martínez Pena, e a coordinadora da mesma, Marta Muiña Rodríguez. Para este mes de novembro deron a coñecer tres actividades: unha exposición e dous cursos de extensión universitaria.
A exposición do CEIDA, que leva por título O coidado do noso mar, estará ubicada na sala de exposicións do CENIMA do 6 ao 30 deste mes.
En Extensión Universitaria anúnciase unha formación en francés básico, en concreto no Nivel A2 do MCERL, do 3 ao 16 de novembro; e outra centrada na vulnerabilidade da infancia denominada Análise do maltrato físico, psíquico e emocional da infancia (Desenvolvemento da Lei 8/2021...
leer más
Os mércores 8, 15 e 22 de novembro ás 20:00 horas na Casa da Cultura de Foz terá lugar unha nova edición do ciclo de charlas médicas que o Concello de Foz está a organizar estes últimos anos en colaboración co Hospital Público da Mariña.
A concelleira de Sanidade, Comercio e Turismo, Kathy Navarro, anuncia: “este ano comezamos o mércores 8 con Maite Lanza Méndez, traballadora social e técnica responsable das actividades de prevención da Unidade de Drogodependencias, que nos vén falar de Deixar de fumar: por que e como? O mércores 15 o urólogo Marco Antonio García Expósito centra a súa charla na Próstata: que deberíamos saber? E remataremos esta edición o mércores 22 co psiquiatra Diego Gonzalez Peña, que comentará sobre A saúde mental na actualidade”.
A edil de Sanidade xunto co alcalde de Foz, Fran Cajoto,...
leer más
A asociación cultural A Pomba do Arco convida a asistir a unha xuntanza conversa titulada "Situación e futuro da prensa en Galiza", un encontro que organiza Nós Diario para festexar a saída do número 1000 do xornal.
O acto desenvolverase o 10 de novembro ás 20:00 horas na Casa da Cultura de Foz e nel intervirán María Obelleiro e Xoán Costa, directora e presidente do consello de administración de Nós Diario, respectivamente.
Desde A Pomba do Arco sinalan: “agardamos a vosa participación nesta xuntanza na que cada quen ten a oportunidade de dialogar e de expoñer a súas opinións sobre a situación e o futuro da prensa en Galiza”.
A asociación Os Sendeiros, de Foz, organiza para o 12 de novembro, domingo, unha ruta desde o Barqueiro ata Estaca de Bares. A saída desde Foz será ás 08:00 horas e ás 08:20 horas desde Ferreira do Valadouro.
Os prezos desta actividade, incluído o xantar, son: 35 euros para socios federados, 40 euros para socios non federados e 45 euros para socios temporais.
O prazo para anotarse remata o 8 de novembro e a inscrición pode facerse a través dos teléfonos 606.71.84.82 ou 670.36.90.17 ou do correo electrónico ossendeiros@yahoo.es.
Para participar nesta ruta, que é de dificultade media, a organización recomenda levar equipo de sendeirismo.
A gala celebrouse onte á noite na Sala Bahía. A raíña do Entroido 2024 será coroada nunha grande cena, que terá lugar o vindeiro ano.
Carlota Fernández del Riego collerá o testigo de Uxía Valmayor, a raíña de 2023.
Á elección celebrada onte presentáronse 7 candidat@s: Dérek Pérez González, da comparsa Ruxe Ruxe; Carlota Fernández del Riego, da comparsa Trouleiras; Coral Rey Oliveros, da comparsa Sin Xeito; Lucía López Lombardero, de Malo Será; Julio Villarino Neira, do grupo Vanche Galanas; Manuel Sanjurjo Rodríguez, de la comparsa Os Macanudos, de Barreiros, e María Díaz Villamor.
O Entroido de Foz foi declarado festa de interese turístico galego hai uns meses.
O venres 27 de outubro estará na Libraría Bahía, ás 20:30 horas, Celia Recarey.
Celia Recarey, ademais de tradutora, é editora de Irmás Cartoné, que publica traducións ao galego de novelas de distintas tradicións literarias e de distintas épocas.
As súas traducións son exquisitas así como a propia edición das mesmas. Conta entre as súas autoras con nomes como Virginia Wolf, Silvia Plath ou Margaret Atwood.
Desde a Libraría Bahía explican que “falaremos con Celia sobre a vida dunha pequena editorial, a tradución literaria nos tempos da intelixencia artificial, a selección de títulos a editar, e moitos outros temas ben interesantes para calquera que ame a literatura”.
O evento para elixir a raíña ou rei do Entroido de Foz 2024, que fora aprazado polos incendios forestais da pasada semana, será este sábado, 21 de outubro, na Sala Bahía, a partir das 19:30 horas.
A asociación O Noso Foz anuncia que “o prezo da entrada, recurso indispensable para poder votar, é de 2 euros. Os menores de 14 anos entran gratis. Haberá servizo de barra. A noite estará amenizada por DJ Alejandro Martínez. A cea quedará en mans de Espacio Machete e haberá moitas sorpresas. Non te esquezas do teu disfrace. Non volo podedes perder! Esperámosvos! Desexámoslles a maior das sortes a todos os candidatos/as! Estamos seguros de que todos serán dignos representantes do noso queridísimo Entroido”.
A Aula Universitaria de Foz, da UNED Lugo, ten aberto ata este sábado, 21 de outubro, o prazo de matrícula para o curso de acceso a maiores de 25 e 45 anos. E o luns, día 23, rematará para calquera dos seus 30 graos e 21 graos combinados sen límite de prazas, aos que se pode acceder sen nota de corte e con prezos públicos. Anunciouno hoxe, luns, a concelleira de Aula Universitaria, Elena Martínez Pena.
Uned Lugo continúa a implantación no curso académico 2023-24 do Grao en Educación Infantil, que completa a oferta da súa Facultade de Educación, preparando futuros graduados dedicados á formación de nenos durante a primeira infancia de 0 a 6 anos; e do Grao en Enxeñaría da Enerxía, que se engade á ampla oferta da súa Escola Técnica Superior de Enxeñeiros Industriais e que fai fronte aos retos tecnolóxicos para formar profesionais capaces de...
leer más
As dúas vindeiras semanas o cine será o protagonista. Volve o Ciclo Mestre Mateo en colaboración coa Academia Galega do Audiovisual e a Vicepresidencia da Deputación de Lugo.
A concelleira de Xuventude, Zoraida Coira, presentou a programación completa na que se poderá gozar das mellores películas e documentais deste ano, no que ademais haberá dous filmes para as/os máis pequenas/os.
Mércores, xoves e venres ás 20 horas para os documentais e películas e os domingos ás 17:30h para a animación infantil. A entrada é de balde.