Ribadeo

Na avenida de Asturias, número 11, de Ribadeo, reabriu onte, mércores, un establecemento hostaleiro histórico na vila ribadense: o café bar Madison. Nesta nova etapa o xerente é Javier González Barcía, tamén coñecido como Javi Tattoo.

A inauguración incluíu unha degustación gratuíta de bebidas e tapas para os moitos clientes que asistiron.

O novo café bar Madison disporá de tres pantallas de televisión, unha delas xigante, para que os clientes poidan gozar ao grande dos principais acontecementos deportivos. Abre todos os días ás 08:00 horas, está atendido por persoal con ampla experiencia en hostalería e ofrece almorzos, tapas, racións e bocadillos, ademais dunha gran variedade de bebidas.

A Real Banda de Gaitas da Deputación de Ourense actuará o vindeiro sábado, 8 de setembro, no Cantón dos Moreno. Será ás 11 da mañá. A formación acompañará tamén ás autoridades desde o Concello ata a igrexa parroquial, onde se celebrará a misa da Patroa, que será cantada pola Coral Polifónica de Ribadeo. Ao remate da misa e antes da saída da procesión a Real Banda de Gaitas da Deputación de Ourense interpretará unha peza na honra de Santa María do Campo. A continuación será a procesión acompañada pola Banda Municipal de Música de Ribadeo, que ofrecerá tamén un concerto diante do Concello. 

Para o presidente da comisión de festas de Ribadeo, Juan José Otero, “é unha honra poder contar coa Real Banda de Gaitas da Deputación de Ourense en Ribadeo. Queremos agradecer o apoio da Xunta de Galicia para que isto fose posible, así como a...

O Deputado de Deportes, Pablo Rivera Capón avanzou que este domingo, día 2 setembro,288 xogadores e xogadoras, disputarán 18 partidos correspondentes á primeira previa da 1ª Copa Deputación de Fútbol Sala queorganiza o Executivo Provincial coa Colaboración da Federación Galega de Fútbol. Son concretamente 16 equipos masculinos e 8 femininos os que xogaránnas sedes dos concellos da Pontenova, Meira, Outeiro de Rei, Ribadeo, Begonte e Rábade.

Rivera Capón remarcou que “con esta iniciativa buscamos fomentar unha modalidade deportiva que, dende hai máis de 25 anos, é un referente provincial. Por ese motivo, nace esta Copa Deputación de Fútbol Sala co principal obxectivo de ser un aliciente máis para o desenvolvemento dun deporte con tanta tradición na provincia”, sinalou.

“Ademais, o Goberno da Deputaciónquere dar...

As festas patronais de Ribadeo, na honra de Santa María do Campo, comezan este sábado, día 1 de setembro, con teatro de monicreques e o pregón a cargo do profesor e escritor Carlos Álvarez Lebredo.

Os actos empezarán ás 19:00 horas no parque de San Francisco, onde a compañía Mircromina representará a obra de teatro de monicreques A familia unida. En caso de mal tempo este acto trasladarase ao auditorio municipal Hernán Naval. E ás oito e media da tarde no Teatro celebrarase o acto do pregón, no que actuará a Coral Polifónica de Ribadeo.

Carlos Álvarez Lebredo é fillo do músico Carlos Álvarez Fernández-Cid, de quen se celebra este ano o centenario do seu nacemento con varios actos na vila ribadense.

O pregoeiro das festas patronais de 2018 na honra de Santa María do Campo naceu en Ribadeo...