Deportes
A asociación Os Sendeiros, de Foz, fará o 20 de xullo, domingo, un descenso en piragua polo río Sella desde Arriondas (Asturias). A saída desde a vila focega será ás 07:30 horas.
Os prezos desta actividade son 90 euros para os socios e 95 euros para as persoas que non o son.
O prazo para anotarse remata este venres, 11 de xullo, e a inscrición pode facerse a través dos teléfonos 606.71.84.82 ou 670.36.90.17 ou do correo electrónico ossendeiros@yahoo.es.
Para participar nesta actividade a organización recomenda levar roupa e calzado adecuado para meterse no río.
Burela acollerá un torneo de fútbol praia nas categorías sub 10, sub 12, sub 14 e sub 16. Será os días 14 e 15 de xullo, luns e martes, a partir das 19:30 horas.
“Por segundo verán consecutivo, desde o Concello de Burela, xunto co club SD Burela, presentamos este emocionante torneo de fútbol praia. O ano pasado gozamos dun ambiente espectacular en todas as categorías, cunha gran afluencia de público que encheu de vida a nosa praia urbana. Apunta na axenda os días 14 e 15 de xuño para disfrutar desta festa deportiva no entorno da praia. Inscricións abertas: escanea o código QR e anota o teu equipo!”, anuncia o Concello de Burela.
Burela acollerá o primeiro Torneo de Fútbol 7 Sub-16 e Sub-19 a partir do día 14 de xullo, luns.
O Concello de Burela anuncia que “o campo da Marosa converterase no escenario dun torneo que busca moito máis ca competición: compañeirismo, valores e ilusión polos deportes”.
“Dende a Concellería de Deportes e a Asociación Cultural Deportiva Veteranos SD Burela impulsamos esta iniciativa para rapaces das categorías Cadete e Xuvenil, dentro das actividades deportivas do verán de 2025. Para participar as inscricións están abertas. Enviade ficha de inscrición, copia do DNI, autorización familiar e xustificante de pago a actividadesdeportivas@burela.org”, explica o Concello de Burela.
Ribadeo Basket Pro 2025 terá lugar do 13 ao 19 de xullo. Trátase dun stage de perfeccionamento técnico-táctico feminino de baloncesto destinado a rapazas nadas no 2011 ou en anos anteriores.
Da man de grandes profesionais gozarán de adestramentos específicos, traballo individualizado, desenvolvemento de fundamentos técnico-tácticos ofensivos e defensivos, preparación física orientada ao xogo ou nutrición deportiva.
O concelleiro de Deportes, Francisco José Silvent, subliñou que “as rapazas que participen neste stage recibirán formación de adestradores de primeiro nivel e tamén de preparados físicos e fisioterapeutas”.
E engadiu: “seguimos apostando polo baloncesto e acollemos este verán unha nova edición de Ribadeo Basket Pro. Agardamos que moitas rapazas se animen a participar”.
... leer más
O Concello de Foz anuncia que o verán no municipio “concentra actividades de todo tipo e este ano as noites tamén terán contido para que rapaces e rapazas teñan alternativas para desfrutar. Estas actividades do programa Noites Alternativas desenvólvense a partir das dez da noite para mozos de 10 anos en diante”.
As Noites comezarán a vindeira semana, co fútbol sala 3x3 no Campo da Cabana, os días 7, 9 e 10 de xullo. O 28 e 29 será a quenda do lasertag. O wipeout será o 4, 6 e 7 de agosto. As seguintes actividades trasladaranse á praia da Rapadoira: os días 11, 12 e 13 de agosto haberá volei praia e o 18, 20 e 21 de agosto, fútbol praia; para rematar o 25, 27 e 28 co baloncesto 3x3 de novo no polideportivo do Campo da Cabana.
“Son deportes moi demandados e este ano incluímos como novidade o lasertag, un xogo moi...
leer más
O vicedecano dos trofeos futbolísticos de verán en España, o ribadense Emma Cuervo, disputarano nesta ocasión o RC Deportivo da Coruña e o Real Oviedo. Ambos equipos enfrontáronse por última vez en Ribadeo no ano 2016, cando o Depor se impuxo por 2-0. Trátase dos dous clubs máis laureados do Emma Cuervo: o Real Oviedo conta con 40 participacións, logrando gañar en 17 ocasións; e o RC Deportivo da Coruña con 18, conseguindo o título en 10 delas. O LXXIV Emma Cuervo terá lugar o día 6 de agosto, mércores, ás 19:00 horas no campo municipal Pepe Barrera.
Os prezos das entradas serán de 20 euros para as persoas maiores de 15 anos e de 5 euros para nenas e nenos de 8 a 15 anos. Os menores de 8 anos accederán de xeito gratuíto.
As entradas poderán mercarse en varios puntos en Ribadeo: cafetería Rosa Lar, DeLira...
leer más
Este sábado, día 5 de xullo, o Concello de Xove xunto con Sportskids organizan unha das probas da Copa de Galicia Pumptrack 2025.
“Este ano é puntuable para o ranking nacional da Real Federación Española de Ciclismo e non deixará indiferente a ninguén”, destaca o Concello de Xove, que engade: “o Pumptrack de Xove é dos máis punteiros de Galicia e actualmente está entre os 3 favoritos de todos os riders galegos”.
O Concello de Xove “un ano máis aposta por esta modalidade de ciclismo e por traer xente de toda España e Portugal” e agarda que “todos os ciclistas que se desprazarán para a proba, de toda a xeografía española e portuguesa, gocen dun gran evento.
A proba poderá ser seguida en vivo a través de Youtube.
Do luns 7 ao venres 11 de xullo terá lugar en Ribadeo un campus de fútbol do Real Oviedo. Está destinado a nenas e nenos nacidos entre os anos 2010 e 2019.
O concelleiro de Deportes ribadense, Francisco José Silvent, comentou que “aínda quedan algunhas prazas libres para participar neste Campus do Real Oviedo, que se desenvolverá do 7 ao 11 de xullo no Campo do Outeiro, na Devesa, en horario de 9 a 14 horas”. As persoas interesadas poden obter máis información na web www.campusrealoviedo.es.
O edil ribadense aludiu “a ampla oferta de campus de fútbol e doutras disciplinas deportivas que durante...
leer más
A Comparsa Os Fandangueiros organiza un torneo na pista de pádel de Alfoz desde o día 3 ata o 6 de xullo.
Para participar hai que inscribirse previamente e o prazo remata o luns 30 de xuño. O número parellas é limitado.
Haberá premios para os campións e finalistas de cada categoría, vestiarios con duchas para os participantes e servizo de barra e pinchos de balde para todos os asistentes.
A décimo primeira edición do Torneo de Tenis do Concello de Burela Memorial José Luis Yebra disputarase do 12 ao 27 de xullo nas pistas da Marosa recentemente renovadas.
As categorías dispoñibles son: individual absoluto (con cadro de consolación); dobres absoluto; e individual xóvenes promesas (mínimo dúas categorías).
Os premios consistirán en trofeos e vales de compra para os primeiros e segundos clasificados en todas as categorías individuais, ademais de trofeos para campións e subcampións en dobres.
O prazo de inscrición está aberto ata o 9 de xullo ás 24:00 horas. Pódese contactar cos organizadores a través dos teléfonos 687.433.380 ou 630.744.347 ou do correo electrónico clubdetenispadelamarosa@outlook.com.
... leer más