Teatro
Este sábado, día 30 de novembro o grupo Teatro do Miolo, de Lugo, representará a obra titulada Saíndo do cerco, na Casa da Cultura de Alfoz ás 20:00 horas.
O Concello de Alfoz anuncia que é “unha comedia para todos os públicos desenvolta cando Suso entra nun centro de maiores. Pensa que por estar na última etapa da súa vida, esta xa non merece ser vivida. Amalia, unha compañeira da residencia, pode ser a peza que faga dar un xiro aos acontecementos, facendo que Suso atope o sentido da súa vida”.
É unha representación incluída no Circuíto de teatro profesional da Deputación de Lugo 2024.
Este domingo, día 1 de decembro, ás 19:00 horas no Centro Sociocultural de San Cosme de Barreiros será representada a obra teatral “Novo Amencer” a cargo do grupo Achádego, de Lugo.
O Concello de Barreiros explica que “todas as persoas estamos un pouco perdidas, buscando algo ao que aferrarnos e que lle dea sentido as nosas vidas, o problema é que hai moitas opcións e non sempre escollemos a axeitada. Novo Amencer é unha comedia que pon o foco nas falsas crenzas, nos líderes de barro, na inocencia e naqueles que se aproveitan dela para o seu propio beneficio. Unha divertida crítica distópica ambientada nunha comunidade moi peculiar na que non hai ninguén normal, como na vida mesma”.
A entrada será de balde e ata completar aforo.
O Concello de Ourol quere poñer en marcha a creación e montaxe dunha obra de microteatro feita por nenos e nenas do municipio con idades comprendidas entre os 5 e os 12 anos. O prazo de inscrición para participar está aberto ata este venres, 29 de novembro.
Serán 8 sesións de traballo e unha sesión de representación ante o público (un período de 2 meses) con reunións para ensaiar unha vez á semana durante 1 hora aproximadamente.
O Concello de Ourol explica que “esta actividade está destinada a nenos e nenas empadroados no concello de Ourol de idades comprendidas entre os 5 e os 12 anos. Será necesario para levar a cabo o proxecto contar cun mínimo de 6 persoas e un máximo de 14. Ademais debe adquirirse o compromiso de acudir a todas ás sesións incluída á de representación xa que se non será imposible levar a cabo...
leer más
O luns, 25 de novembro ás 12:30 horas na Casa da Cultura do Concello de Valadouro, terá lugar a representación de O Pano, a cargo de Bátega Teatro como reivindicación e homenaxe da loita do 25N, Día internacional da eliminación da violencia contra a muller.
O Pano é unha montaxe multidisciplinar que abrangue o drama, o musical e mesmo a ciencia ficción. A autoría e dirección corresponden a Raquel L. Cendán.
Está dirixida especialmente a público adolescente. A actividade está subvencionada pola Área de Cultura de Deputación de Lugo
Sipnose
Celia habita un espazo atemporal que evoca o século pasado. Vende cogomelos no mercado e lixa caixiñas de madeira, gústalle sentir a súa suavidade porque contrasta coa dureza da súa vida. Casou moi nova, mais o seu matrimonio foi tóxico e difícil....
O actor Quico Cadaval actuará na Tarde de Contos e Outras Lerias que haberá no Teatro das Cortes, no Vicedo, este sábado, 23 de novembro. Con esta xornada, para a cal a entrada é de balde, rematará a programación deste ano.
As actividades empezarán ás 18:00 horas con “Ofrendas e diálogos co porco de pedra dos Andrade”. E ás 19:30 horas terá lugar a actuación de Quico Cadaval.
Esta xornada está organizada pola asociación cultural Volta e dálle e conta co apoio da Área de Cultura da Deputación de Lugo e o Concello do Vicedo.
Este sábado, día 23 de novembro, na Casa de Cultura do Valadouro ás 19:00 horas terá lugar a representación da obra O auto do Castromil, de Manuel María, a cargo de Producións Teatrais Excéntricas. A entrada é de balde.
O Concello do Valadouro explica que “esta peza acontece nunha viaxe onírica abordo dun coche de liña. Os viaxeiros dormen e talvez o condutor. As maletas e demais bagaxes amotínanse, cobran vida e repasan unha curiosa historia de Galiza, combaten a nosa amnesia conxénita usando autos populares e farsas do autor chairego. Nelas aparece a historia alucinada dun pobo que loita, é derrotado, volve levantar a cabeza e rebelarse de novo. Unha rebelión na que, ás veces, non temos mais armas que o humor e o espírito antroidesco”.
A obra O auto de Castromil está dirixida por Quico Cadaval e interpretada por...
leer más
Mag Lari estará en Ribadeo o 15 de decembro co seu espectáculo Strafalari. Será no auditorio Hernán Naval ás 17 horas. As entradas xa están á venda en entradium.com
O seu humor, os seus números, o seu vestiario e a súa maneira de facer son as que dan nome a Strafalari. Trátase dun novo espectáculo de maxia, cargado de participación e grandes ilusións.
Mag Lari é ilusionista desde hai 30 anos. Actuou en teatros de toda España e tamén en festivais internacionais de maxia en Francia, Portugal, Alemaña, Suiza e Xapón. No ano 2016 abriu a súa propia escola de maxia en Barcelona para formar a novos talentos. Presentou durante dúas tempadas o programa Pura Magia, de TVE; dirixiu o programa Magic for Humans, de Netflix, e o espectáculo Nada es imposible, do Mago Pop, representado en Madrid, en Barcelona e proximamente en...
leer más
O grupo teatral A Adala, de Fazouro, representará a obra titulada Marina Club en Alfoz este sábado, día 23 de novembro. Será ás 20:00 horas na Casa da Cultura.
O Concello de Alfoz explica que “esta semana estaba programada a actuación do Grupo de Teatro Ardora, de Cervo, coa súa obra "Aire fresco", pero por problemas do persoal do grupo a actuación tivo que ser aprazada a outro momento. No seu lugar teremos o pracer de ter ós máis veteranos do grupo A Adala, de Fazouro, coa súa nova obra "Marina Club". Unha comedia para todos os públicos que xira entorno a un club de alterne no que a amizade entre clientela e persoal salvan a unha rapaza cunha mentira piadosa. Na trama mestúranse enganos que ocultan unha crúa realidade, amizades que salvan, mulleres que descobren a Marx, unha monxa e un negocio que dá un xiro inesperado. Aínda que a obra...
leer más
A compañía de teatro Excéntricas presenta a obra titulada “O auto do Castromil” este venres, día 22 de novembro. Será na Casa da Cultura ás 21:00 horas con entrada libre.
O Concello de Burela anuncia que “con este proxecto Excéntricas gaña o III concurso que convoca a fundación Manuel María e que recibe o apoio de máis de corenta concellos e institucións de Galicia. O espectáculo é protagonizado por un luxoso elenco: Rocío González, Víctor Mosqueira, Marcos Orsi e Patricia Vázquez, que xa teñen conformado compañía en anteriores proxectos de Excéntricas. A obra acontece nunha viaxe onírica abordo dun coche de liña. Os viaxeiros dormen e talvez o condutor. As maletas e demais bagaxes amotínanse, cobran vida e repasan unha curiosa historia de Galicia, combaten a nosa amnesia conxénita usando autos populares e farsas do autor chairego. Nelas...
leer más
Esta fin de semana o Concello de Foz trae dúas representacións para que pequenos e maiores disfruten ao máximo o venres e o domingo.
A concelleira de Cultura, Inés López Couto, anuncia que “o venres chegará a compañía Galeatro coa obra Wombo Combo, unha historia sobre a relación dos nenos cada vez máis coa tecnoloxía e o virtual é menos no real. Unha historia na que a vida mesma se nos expón nas contradicións e dificultades do hoxe. Será na Casa da Cultura ás 18:30 horas, para público a partir de 5 anos e gratuíta. E o domingo 17 chega a maxia da man do mago Joshua Kenneth. Na Sala Bahía ás 12:00 horas poderemos ver unha selección de imposibles, con elementos visuais e poéticos como as pompas de xabón, os panos de seda ou as sombras chinesas. É para todos os públicos. O prezo é de 2 euros para os pequenos e de 3 euros para os adultos”....
leer más