Familiar

Etiquetas:
19/05/2022

Chega a Burela "O Xardín de Vila Gris", unha obra de teatro para o público familiar. O vindeiro sábado, 21 de maio, ás seis da tarde no auditorio da Casa da Cultura. A entrada será de 2,5 euros. 

O Xardín de Vila Gris e unha obra que combina o traballo actoral  e  a manipulación de obxectos e siluetas  con  cancións ao vivo e música orixinal.  

Ao longo da peza, os máis pequenos irán descubrindo, da man do noso tenro personaxe Martín,  a maxia da natureza e  o amor por ela . 

E como “non hai historia sen vilán”, neste caso, D. Nefasto Funesto encarnará a cobiza e a a falta de empatía co mundo que nos rodea 

MANUEL POMBAL (traxectoria profesional)
Manuel Pombal, actor e creador do Xardín de Vila Gris posúe unha longa traxectoria de máis de trinta anos como...

leer más
Etiquetas:
29/12/2021

A Delegación de Cultura do Concello de O Valadouro continúa coa súa programación de Nadal coa actuación de Pablísimo que presenta O arquivo do chibo. A función, dirixida ao público familiar, terá lugar este xoves, 30 de decembro, ás 18:30 horas no salón de actos da Casa da Cultura do Concello do Valadouro. 

O arquivo do chibo é unha fabulación libre arredor do conto clásico de Os sete cabuxos e o lobo. Presenta cantigas de lobos esfameados, fábulas de cameiros teimudos e a historia de sete cabuxiños desobedientes. Un teatriño con múltiples xanelas e espazos que serven de viñetas para contar, a xeito de banda deseñada, este clásico actualizado empregando monicreques, xoguetes, sombras e moita cachifallada.

 

Etiquetas:
06/09/2021

Este sábado, 11 de setembro, ás 20:00 horas no salón de actos da Casa da Cultura de Alfoz terá lugar a representación de “Cartoóns”, de Excéntricas e Teatro de Adro, con Josito Porto e Víctor Mosqueira. 

Esta actividade, incluída no programa “Ler conta moito”, da Xunta de Galicia, está dirixida a un público familiar e infantil a partir de catro anos.

“Cartoóns” é unha peza teatral de Producións Teatrais Excéntricas que ten como protagonistas a dous pallasos. Os clowns, que teñen algo de debuxo animado (cartoons) no seu modo paródico e eficaz de comportarse, viven rodeados de cartóns, nun mundo de cartóns, esa materia valiosa como é o cartón, que nós, inexplicablemente, tiramos ao lixo diariamente. Desta maneira, o cartón serviralles para construír tubaxes de gas, cortinas nas xanelas, revisteiros, bandexas,...

leer más
Etiquetas:
06/09/2021

O Concello ribadense organiza unha proba de aventura familiar denominada Orienta Ribadeo. Esta actividade nova, que é gratuíta para os participantes, desenvolverase o día 26 deste mes, domingo.

A concelleira de Mocidade, Mari Luz  Álvarez, explicou que “co obxectivo de poñer en valor o noso concello mediante unha actividade innovadora, segura, saudable, participativa e de carácter familiar, a empresa galega Territorio Comanche deseñou expresamente para o Concello esta iniciativa”. 

A edil ribadense indicou que “a actividade terá lugar desde as 11.00 horas da mañá do domingo 26 de setembro no auditorio de Cabanela. Os participantes deberán percorrer a pé unha distancia variable,  intentando localizar unha serie de puntos de control ou balizas e superando diversas probas, tanto físicas como de coñecemento. O tempo...

leer más
Etiquetas:
11/08/2021

O Concello de Cervo continúa coa súa programación das Noites Alternativas de Verán que seguen durante este mes de agosto.

Mañá, 12 de agosto, o grupo Tarabela Creativa presentará Quen ten cu, ten medo!. Trátase dun espectáculo para toda a familia. Terá lugar na Praza de San Ciprián ás 22:00 horas.
Para asistir a esta actividade, que é gratuíta, cómpre anotarse media hora antes no mesmo lugar da actuación.

 

Etiquetas:
15/03/2021

O vindeiro sábado, 20 de marzo, ás 18:30 horas Caxoto da compañía A Trastenda dos Contos representará no Auditorio Municipal de Burela a obra "Un conto e a durmir!".

Chegou a noite e con ela chegan as mellores historias. Os mouchos abren un ollo e dispóñense a comezar o día, un becho estrano camuflado na escuridade ameaza con asaltar a nosa despensa, un neno prepárase para descubrir o lugar de onde veñen todos os risos. Un feixe de contos para bebés arredor da noite, un feixe de aventuras para vivir en familia, un feixe de emocións para descubrir o mundo que nos rodea. Unha función de contos para abrirse camiño ata a cama e deixarse levar cara ó mundo dos soños.

As entradas estarán dispoñibles na billeteira por 2'50 euros.

Etiquetas:
09/03/2021

A Concellería de Cultura programa para este sábado, 13 de marzo, a actuación de Paco Nogueiras que presenta o espectáculo musical Extra. A representación terá lugar na Casa da Cultura ás 18:30 horas e o prezo da entrada é de 2´5 euros.

O espectáculo presenta doce cancións e os temas dispóñense como nun xornal con distintas seccións onde cada composición aborda noticias nacionais, internacionais, sucesos, información social, cultural, divulgativa, deportes, opinión, pasatempos e ata unha axenda de actividades. O autor coida as letras e as melodías que destacan polos ritmos modernos, pegadizos e bailables, invitando á participación do público. O disco-libro está ilustrado por Marc Taeger que ademais conta co apoio dos vídeoclips dirixidos por José Miguel Sagüillo.

Este traballo destaca pola súa versatilidade e o seu...

leer más
Etiquetas:
13/01/2021

A compañía Píscore presentará este sábado, 16 de xaneiro, en Burela o espectáculo Concerto Singular. A representación, dirixida ao público familiar, terá lugar no Auditorio Municipal ás 18:30 horas. A entrada será de balde.

Nesta montaxe, que gañou o Premio do Público no Festiclown 2017, os músicos Félix Rodríguez, Pepe Varela, Diego Rosal e Pablo Cabanelas se enfrontan a un gran conflito, 16 baquetas e unha única marimba. Eles estarán dispostos a facela soar da maneira máis orixinal e asombrosa e organizarse non vai ser fácil.

Píscore fainos chegar a mellor música e moito humor nun concerto singular, nunha proposta que se encadra n aliña dos grandes espectáculos que mesturan o virtuosismo musical e os ritmos coa comedia xestual, o clown e a participación do público.

Colaboran na...

leer más
Etiquetas:
02/11/2020

O salón de actos da Casa da Cultura de Alfoz acollerá este sábado, día 7 de novembro, ás 19:00 horas a representación de teatro familiar titulada A viaxe do Sr. López, a cargo de Produccións Teatrais Señor López, unha creación do actor, dramaturgo e docente Rubén Pérez.

É unha representación para todos os públicos, con entrada gratuíta e aforo limitado. Está organizada polo Concello de Alfoz coa colaboración da Deputación de Lugo.

 

Etiquetas:
13/12/2019

Este sábado, 14 de decembro, ás 18:00 horas, no Teatro Pastor Díaz de Viveiro, Lucecús presenta Os libros contratacan, dentro do programa Proscenio.

É unha historia sobre a loita entre o ben e o mal e como os libros e os que habitan neles debátense entre facer o ben ou pasarse ao lado escuro. Na biblioteca da Academia Jedi, un estudante queda pechado e esquecido pola noite. O que alí faga, rodeado de libros, marcará o seu destino para sempre. Xogos, falcatruadas, cancións e moito conto serán os seus compañeiros de viaxe. O protagonista, Anakin, grazas ao seu encerro e coa axuda dos libros e das leccións dos seus mestres Jedis, sempre baseadas en contos e lendas, tratará de buscar unha solución á súa situación.

A obra, de Anxo Manoel Lamelo Fernández, está dirixida e interpretada polo propio Anxo Manoel Lamelo e...

leer más