Viveiro
A Coral Alborada, de Viveiro, anuncia a celebración do XL Festival de Música Coral este venres, día 14 de agosto, ás 21:00 horas na Praza Maior, coa participación das seguintes agrupacións: Coral Polifónica de Guntín-Taboada, Coral Polifónica de Lalín, Coro Xuvenil YanGu Tu e Coral Polifónica Alborada de Viveiro.
“Este festival está enmarcado dentro do programa cultural das festas patronais do noso concello, por iso agradecemos a colaboración e patrocinio do Concello de Viveiro para que este festival siga cumprindo moitos anos máis. Queremos tamén expresar o noso máis sincero agradecemento a todas as agrupacións corais participantes e aos nosos fieis seguidores e colaboradores por facer posible este festival. A música cobra verdadeiro sentido cando se comparte en comunidade”, explica a Coral Alborada.
Alana e Lina e Lola tocarán este venres, día 14 de agosto, nas festas do San Roque de Viveiro. O trío coruñés, que achega a música tradicional á electrónica e ao pop, e o grupo de pandereteiras do Morrazo actuarán na Praza Maior, dentro da programación musical que a Vicepresidencia da Deputación de Lugo impulsa para fomentar a presenza da música en galego en celebracións e escenarios musicais de toda a provincia.
O vicepresidente da Deputación Efrén Castro valorou “o interese da xomisión en incorporar ao programa das festas a música galega e en galego, que priorizamos desde a área de Cultura” e sinalou “ a importancia de incluír estas propostas no programa dunhas festas patronais, para achegar a un público máis amplo e diverso os grupos e artistas que xurdiron en torno á renovación da música tradicional”.
A...
leer más
O Centro Comercial Histórico de Viveiro pon en marcha unha nova edición da campaña Street Market, unha iniciativa coa que busca dinamizar o comercio local e incentivar as compras de proximidade coincidindo co remate do período de rebaixas. A acción desenvolverase do martes 18 ao venres 21 de agosto coa participación de preto de 30 establecementos.
Durante catro días os comercios adheridos ofrecerán “promocións especiais e importantes descontos en milleiros de artigos de tempada, convertendo o centro de Viveiro nun gran mercado ao aire libre no que os clientes poderán acceder a produtos de primeiras marcas a prezos moi competitivos”, anuncia o CCH de Viveiro, que engade: “sempre que as condicións meteorolóxicas o permitan unha parte dos establecementos sacará os seus produtos ao exterior, situándoos diante das fachadas para facilitar que...
leer más
A Banda de Música O Landro, anuncia: “o luns 10 vive unha auténtica Noite de Estrelas na Praza Maior de Viveiro. Convidámosvos ao noso concerto cun cuarteto de cantantes sen igual: Margarita Gutiérrez, Mario Gómez, Idoya Esquide e Felipe Sánchez para poñer a voz a grandes temas da verbena galega. Coma condutor do espectáculo contaremos con Baruk Domínguez”.
Esta actuación da Banda de Música O Landro, dirixida por Carlos Timiraos, comezará ás 22:00 horas.
O Concello de Viveiro anuncia que o vindeiro luns, día 10 de agosto, procederá ao reparto gratuíto das “gafas homologadas para a observación segura da eclipse solar total do mércores 12 de agosto, facilitadas pola Deputación de Lugo dentro da campaña provincial de información e prevención con motivo deste fenómeno astronómico. As persoas interesadas poderán recoller as gafas na Casa do Concello en horario de 9:00 a 14:00 horas, ata esgotar existencias. Co obxectivo de favorecer que o maior número posible de persoas poidan acceder a este material de protección, entregarase un máximo de dúas gafas por persoa”.
Ademais o Concello de Viveiro lembra que “observar unha...
leer más
O sábado 15 de agosto disputarase a cuarta regata da Copa Provincial de Piragüismo, organizada polo Club de Piragüismo de Viveiro e a Federación Galega de Piragüismo e que conta coa colaboración do Goberno galego.
O delegado territorial da Xunta de Galicia en Lugo, Alfonso Villares, estivo en Viveiro para a presentación desta proba e destacou o apoio da Xunta a esta cita deportiva. Ademais lembrou que “a Consellería de Presidencia, Xustiza e Deportes asigna este ano á Federación mediante convenio 484.352 euros para gastos de funcionamento e para a organización de actividades deportivas, entre outros conceptos”.
O Concello de Viveiro inaugurará este venres, día 7 de agosto ás 17:30 horas a XLII Feira de Artesanía de Viveiro, “unha das citas máis consolidadas da programación estival”, que permanecerá aberta ata o 16 de agosto nos Xardíns Noriega Varela diariamente en horario de 11:00 a 14:30 horas e de 17:30 a 22:00 horas.
“A feira reunirá unha trintena de postos de artesanía tradicional, nos que o público poderá coñecer e adquirir creacións de disciplinas como a cerámica, o téxtil, a madeira, a xoiería, a cosmética natural ou o vidro, da man de artesáns e artesás chegados de distintos puntos”, explica o Concello de Viveiro que ademais anuncia que “como novidade, a programación contará tamén cun stand efémero, que irá cambiando ao longo dos diferentes días da feira para dar visibilidade a novos proxectos artesanais, enriquecendo así a oferta...
leer más
O Concello de Viveiro anuncia que, con motivo da instalación do palco das festas patronais de San Roque na Praza Maior, o mercado semanal cambiará temporalmente a súa localización durante este mes de agosto. Así os mercados correspondentes aos días 6, 11, 20 e 27 de agosto celebraranse nos Xardíns Noriega Varela, mantendo o seu horario habitual.
Ademais, debido á programación das festas patronais, o mercado previsto para o xoves 13 de agosto adiántase ao martes 11 de agosto.
O Concello de Viveiro agradece a comprensión tanto dos vendedores como da veciñanza ante este cambio puntual e anima á cidadanía a seguir apoiando o comercio de proximidade acudindo ao mercado na súa localización provisional.
Do 5 ao 9 de agosto Viveiro acolle unha nova edición da XLVI Mostra Folklórica Internacional, un evento de música, danza, tradición e intercambio cultural. A Mostra, organizada pola Asociación Cultural Bágoas da Terra coa colaboración de entidades públicas e empresas privadas, reunirá agrupacións de Galicia, Asturias, Andalucía, Castela-A Mancha, Armenia, Filipinas, Perú e Guinea-Bisáu.
A programación comezará este mércores, 5 de agosto, coa mostra titulada Ruta Xacobea do Camiño do Mar entre Asturias e Galicia na sala de exposicións do Concello de Viveiro. Ao longo da xornada polas rúas e prazas da vila haberá audicións musicais dos corpos de música dos grupos participantes, que interpretarán temas tradicionais dos seus países. E ás 12:00 horas o grupo infantil Mazantini, de Ciudad Real actuará na Residencia Betania.
... leer más