Viveiro

A Xira de Portochao, en Viveiro, celebrarase este domingo, día 17 de agosto.

Está organizada polo Colectivo Pensamento e Sementeira, que anuncia que ás 10:00 horas será a quedada na rampla do pavillón para a subida en kaiak, para a cal as prazas están esgotadas. Para as 11:30 horas está prevista a chegada dos kaiaks e para darlle ritmo á mañá haberá música co grupo local Espera que vou mexar. De 13:00 a 14:45 horas terá lugar unha sesión vermú co grupo Brassica Rapa Brass Band e despois comezará un xantar popular.  “Levaremos bebida para que non pasedes sede, pero a comida é cousa vosa. Traede o voso ecovaso ou facédevos co do colectivo Pensamento e Sementeira”, explica a organización. E ás 16:00 horas haberá xogos populares e sorteos ata as 18:00.

A cuarta regata da Copa Deputación de piragüismo disputarase este domingo, día 17 de agosto, en Viveiro. É unha proba para embarcacións de tipo C-1 e K-1 e servirá para retomar a competición logo das probas celebradas en Portomarín, Ribadeo e Cervo, anuncia o Concello de Viveiro.

As primeiras saídas, das categorías prebenxamín e benxamín, daranse ás 10.30 horas. Despois terán lugar as competicións infantil (11.00 horas), alevín (11.30 horas) e cadete e xuvenil (12.00 horas).

A alcaldesa de Viveiro, Mariña Gueimunde, sinalou que a regata “reforza a aposta do noso Concello polo deporte de base e pola dinamización responsable. Agradecemos o esforzo dos organizadores e convidamos á veciñanza a gozar dunha xornada de piragüismo”.

Viveiro acollerá desde este martes, 12 de agosto, unha nova edición da Feira do Libro. Terá lugar nos Xardíns de Noriega Varela ata o venres 15, en horario de 12.00 a 14.00 e de 18.00 a 22.00 horas. A iniciativa  forma parte do circuíto das Feiras do Libro de Galicia e conta coa colaboración da Xunta de Galicia, a Federación de Librarías de Galicia, a Deputación de Lugo e o Concello de Viveiro.

O Concello de Viveiro anuncia que “a cita reunirá librarías, editoriais e autores que ofrecerán ao público unha ampla variedade de títulos, ademais dun desconto do 10% na compra dos libros. O lema desta edición é Onde florecen os libros e ao longo dos catro días nos que se desenvolverá, organizaranse sinaturas, presentacións e actividades culturais".

A alcaldesa de Viveiro, Mariña Gueimunde, destacou a importancia...

O Concello de Viveiro deu a coñecer a programación completa das festas patronais 2025, que se desenvolverán entre o 6 e o 21 de agosto cunha “ampla variedade de actividades musicais, culturais, deportivas e sociais”. O pregoeiro será o atleta Adrián Ben o 14 de agosto.

“Un dos principais atractivos deste ano será a colaboración do Resurrection Fest, que achegará o espírito do festival internacional á programación oficial das festas coa celebración de dous concertos na Praza Maior. Serán o 13 de agosto: Not Yet, ás 22.00 horas, e No Fun At Al», ás 23.15 horas. A programación musical abrangue propostas para todos os públicos, desde verbenas con orquestras populares coma Suavecito, SuperTop ou Escaparate, ata concertos de artistas recoñecidos como Azúcar Moreno ou dos viveirenses A Trova da Mariña, Dúo Vivarium e Escolma. Tamén se celebrarán...