Xornadas
Do venres 1 ó domingo 3 de Abril, a Hostalaría da Asociación de comerciantes do Centro Histórico pon en marcha as Primeiras Xornadas Gastronómicas da Tortilla de Viveiro.
Este domingo, 3 de Abril, celébrase en Viveiro o Domingo das Tortillas, tradición local que se celebra sempre o domingo antes do domingo de Ramos. Familias, grupos de amigos, veciños, dende os máis novos ata os máis lonxevos saen ó campo, á praia, reúnense nas casas, ou nos bares e restaurantes para desfrutar deste manxar da cociña clásica española. Con cebola ou sen cebola, doradiña ou estilo betanceira, a tortilla é un éxito asegurado en calquera mesa.
Nesta primeira edición os participantes sorprenderán versionando a tradicional receita da tortilla de pataca e ovo, aportando ás súas creacións un toque de imaxinación.
... leer más
Os vindeiros días 3, 4 e 5 de decembro de 2021 terá lugar en Mondoñedo a terceira edición das Xornadas da Faba Verdina, nas que se poderán degustar diversas preparacións da faba verdina, en tapas, nos locais da hostalería de Mondoñedo.
Os organizadores explican que “esta actividade preséntase como unha oportunidade única de poder achegarse a coñecer un produto local de gran calidade e cultivado na nosa zona”.
Os locais participantes nesta edición son: A Cova, A Tasca, Bodegón a Catedral, Café Bar Castro, O Padornelo, O Palique, O Porriño, Viñoteca O Petisco e Viñoteca Segundo.
Os horarios para poder degustar as tapas, de xeito gratuíto, son: o venres, día 3 de decembro, dende as 20 ás 23 horas; o sábado 4 dende as 12 ás 15 horas e dende as 20 ás 23 horas; e o domingo 5 dende as 12 ás 15...
leer más
Durante as xornadas de sábado e domingo, tres establecementos hostaleiros do Concello de Cervo ofrecerán tapas gratuítas de carne de poldro.
O restaurante O Noso Lar, o Hostal Buenavista e a Pousada O Almacén son os tres locais que ofrecerán tapas gratuítas elaboradas con carne de poldro por cada consumición que se pida.
A carne de poldro que se degustará nestas xornadas foi facilitada pola Asociación de Criadores de Cabalo de Pura Raza Galega.
Adega organiza os días 13 e 14 de novembro unhas xornadas sobre o legado patrimonial e ambiental dos muros tradicionais no Concello de Muras.
Sábado 13 de novembro (Concello de Muras):
09.00 Saída do autobús dende Maxisterio (Lugo)
10.30 Seminario no Local Social (Rúa Enrique Guzmán, Muras) “Aproximación ao patrimonio cultural e natural dos valados, na paisaxe da Reserva da Biosfera Terras do Miño”.
- Mercedes Máquez, Grupo de investigación da escola galega da paisaxe Fundación Juana de Vega
- Ricardo Polín, Doutor e investigador dos camiños históricos
- Xoán Ramón Vidal Romaní, Instituto universitario de xeoloxía da UDC
- Ramsés Pérez, ADEGA
12.30 Roteiro interpretativo.
15.00 Xantar de convivio no local Social
17.00 Volta do autobús
Domingo 14 de novembro (Concello de...
O Concello de Viveiro presentou as ‘V Xornadas de Historia e Arqueoloxía Marítima Cidade de Viveiro’, que se celebrarán do 15 ao 19 de novembro e que este ano, de novo pola pandemia da Covid-19, serán outra vez totalmente online a través da plataforma Zoom.
Na presentación estiveron a alcaldesa de Viveiro, María Loureiro García; Jesús Fernández Fernández, 1º tenente de Alcalde e concelleiro do Mar, e Antón López, delegado para a zona noroeste de España da Federación Española de Actividades Subacuáticas (FEDAS).
“Igual que en anos anteriores, as xornadas abarcan varios proxectos de ámbito nacional e incluirán ademais ponencias centradas en Galicia, sobre o mar nos programas decorativos da Galicia romana e o pecio Viveiro I”, explica Jesús Fernández.
Dende o Concello quérese agradecer o...
leer más
Nordés Asociación de Desenvolvemento das Terras da Faladoira organiza a octava edición das xornadas micolóxicas que se celebrarán o domingo 17 de outubro.
A xornada dará comezo ás 8:00 horas cunha saída ao monte que estará dirixida polo micólogo Xosé Luis Cuba.
As persoas interesadas deberán anotarse no teléfono 653 75 64 54, ata o xoves 14 de outubro. O custe é de 10 euros para os non asociados e de balde para os pertencentes á asociación. As prazas son limitadas.
O punto de encontro será o aparcadoiro do cruce das Grañas do Sor coa estrada AC 101 (Ortigueira-As Pontes).
A organización sinala que é preciso levar cesto, navalla, roupa e calzado axeitado, bebida e bocadillo.
Este xoves, día 30 de setembro, e o sábado, día 2 de outubro, celebraranse as primeiras xornadas San Martiño no Camiño, organizadas polo Concello de Foz. Serán as oito da tarde no centro de interpretación da Basílica de San Martiño. Haberá aforo limitado polo que se roga reservar previamente no teléfono 982.14.00.27 extensión 3.
O primeiro día o historiador e recentemente nomeado cronista oficial de Foz Xoan Ramón Férnández Pacios falará do Camiño do Mar, que “é unha nova vía de peregrinación xacobea, que sae de Ribadeo e percorre os concellos costeiros da provincia de Lugo e Coruña ata enlazar con Camiño Inglés. Este estudo do propio historiador demostra a existencia dunha nova rede hospitalaria xunto ao citado camiño e a presenza continuada de peregrinos dende o século XVI ata finais do século XVIII”, explica o concelleiro de Turismo...
leer más
O Concello laurentino organiza do 1 ao 3 de outubro unhas xornadas para lembrar a Festa da Faba de Lourenzá que se celebraba antes da pandemia. As actividades foron presentadas hoxe, venres, pola alcaldesa, Rocío López, e o concelleiro de Cultura, Manuel Arango.
A rexedora municipal explica que este evento “non ten nada que ver co formato habitual que víñamos facendo da Festa da Faba en anos pasados. Non se celebra a tradicional degustación que se facía anteriormente nin tampouco haberá as casetas dos fabeiros na Praza do Concello nin os postos que se colocaban nas rúas. Pero si estamos organizando unhas xornadas para esa fin de semana, na cal a faba vai estar presente e imos recordar o noso produto estrela”.
Rocío López anuncia que para a fin de semana do 1 ao 3 de outubro “o Concello organiza unha serie de...
leer másOs días 3 e 4 de setembro celebraranse en Lourenzá unhas xornadas de degustación da carne de poldro.
Os días 3 e 4 de setembro en locais de hostalería de Lourenzá haberá unhas xornadas de degustación de carne de poldro en colaboración coa Asociación de Criadores do Cabalo de Pura Raza Galega Puraga. Participan na cita nove establecementos hostaleiros.
A carne de poldro galego 100% raza autóctona é un produto baixo en graxa, alto en proteínas e moi rico en ferro. O consumo de carne de poldro recoméndase para toda a poboación e en especial para aquelas persoas que, ben sexa pola súa situación (embarazo, anemia) ou pola súa actividade diaria (deportistas), necesiten dunha alimentación altamente nutritiva.
Todos os poldros co selo de calidade 100% Raza Autóctona Cabalo de Pura Raza Galega críanse en liberdade nos montes galegos, o que asegura o benestar do animal. Por tanto, a carne é un produto de calidade, sostible...
leer más
Durante a fin de semana do 28 e 29 de agosto O Valadouro acollerá as xornadas gastronómicas da carne de poldro en colaboración coa Asociación de Criadores do Cabalo de Pura Raza Galega.
O Concello de O Valadouro anuncia que os interesados en degustar este manxar poderán facelo nos locais de hostalería de Ferreira do Valadouro, onde ofrecerán tapas gratuítas eses dous días.
A carne de poldro galego 100% raza autóctona é un produto baixo en graxa, alto en proteínas e moi rico en ferro. O consumo de carne de poldro recoméndase para toda a poboación e en especial para aquelas persoas que, ben sexa pola súa situación (embarazo, anemia) ou pola súa actividade diaria (deportistas) necesiten dunha alimentación altamente nutritiva.
Todos os poldros co selo de calidade 100% Raza Autóctona Cabalo de...
leer más