Espectáculo

A Casa da Cultura de Burela acollerá este sábado, día 23 de maio, a obra Territorio Regueifa, un espectáculo recomendado para maiores de 14 anos, de teatro, humor, música e improvisación que achega ao público a arte da regueifa a través das actuacións de dous regueifeiros e unha regueifeira.

A función chega a Burela a través da AGADIC, cunha proposta dirixida por José L. Prieto e coa coprodución do Centro Dramático Galego con Ainé e o Festival Internacional Outono de Teatro (FIOT) de Carballo. O elenco conta ademais coa participación do burelao Manolo Maseda, xunto con Lupe Blanco e Josinho da Teixeira.

A obra comezará ás 20:00 horas con entradas a 5 euros e estarán á venda no despacho de billetes unha hora antes do comezo da función.

O auditorio da Casa da Cultura de Burela acollerá este venres, día 15 de maio, ás 21.00 horas o espectáculo titulado Repunantas. As punkis da literatura galega: de María Balteira a Begoña Caamaño, no marco da programación do Día das Letras Galegas 2026, con entrada de balde ata completar capacidade.

O Concello de Burela anuncia: “a proposta trátase dun espectáculo de narración oral e música no que dous escritores ben recoñecidos do sistema literario galego, Inma López Silva e Francisco Castro, unen as súas forzas para ofrecer unha función na que palabra, música e humor se mesturan nunha proposta escénica viva e participativa. A través dunha escolla coidada de textos e cancións interpretadas en directo, o espectáculo propón unha viaxe pola historia das grandes autoras da literatura galega, desde a época medieval ata a actualidade....

Burela acollerá este sábado 2 de maio, ás 18:00 horas, na Casa da Cultura, o espectáculo titulado Dedín, dedín, dedal, “unha proposta familiar de Malasombra Produccións a través da Axencia Galega das Industrias Culturais (AGADIC) dirixida aos máis pequenos e pequenas da casa”, anuncia o Concello, que engade: “trátase dun espectáculo musical e teatral pensado para enredar, rir e bailar, no que a palabra, os xogos, os contos e as cantigas son os protagonistas. A peza foi creada por Andrea Bayer e Óscar Ferreira (BAOBAB Teatro) para Malasombra, que apostan por unha proposta escénica centrada no público infantil e familiar. A autoría e dirección corren a cargo de Andrea Bayer e Óscar Ferreira, quen tamén se encarga da escenografía. O deseño de son é de Brais Iriarte e Andrea Bayer, mentres que a iluminación está a cargo de Xoque Carbajal. O vestiario vén da...

O Concello de Burela anuncia que este sábado, día 25 de abril, ás 18.00 horas o Auditorio Municipal acollerá o espectáculo familiar A Toupiña que quería saber quen lle fixera aquilo na cabeza, da compañía A Xanela de Maxín, dirixido a público infantil e familiar a partir de 2 anos.

A obra “presenta a historia dunha toupiña que, tras sufrir un incidente ao saír do seu tobo, inicia unha investigación pola granxa para descubrir que animal foi o responsable. Ao longo do percorrido atoparase con diferentes personaxes nunha sucesión de situacións con humor e sorpresa”.

As entradas para este espectáculo están á venda a través da plataforma Ataquilla.com.

Dende o Concello de Burela sinalan que esta programación “contribúe a ampliar a oferta cultural do municipio e a favorecer o acceso á...