Eventos
A nova campaña da Pancha, a moeda local de Ribadeo, arranca mañá, mércores 1 de setembro, con máis de 100 establecementos adheridos.
O alcalde en funcións e concelleiro de Desenvolvemento Local, Pablo Vizoso, explicou que “o Concello de Ribadeo vai poñer a rodar 600.000 Panchas para facer medrar a economía local, apoiando o comercio de proximidade, a hostalaría e o sector servizos de Ribadeo. Este ano a campaña da Pancha dá un paso máis, dixitalizando todo o proceso de adquisición e de compra e simplificando todas as operacións. Deste xeito tanto para comprar as Panchas como para facer os cobros unicamente se precisa un teléfono móbil tipo Smartphone. Así as Panchas poderán adquirirse dende o móbil en fraccións de 30 euros, polos que se obterá un contravalor de 40 Panchas, e ata un máximo de 7 packs por cada persoa participante, o que...
leer más
A Concellaría de Cultura ven de presentar a programación coa que se rememorarán as festas da Patroa do 4 ao 8 de setembro. Os espectáculos serán para ver sentados e en recintos perimetrados. Haberá concertos, pasarrúas e actividades infantís. En Ribadeo estará o Mago Antón o día 6 e o 8, Día da Patroa, os Cocos e os Cabezudos bailarán nun espazo habilitado para eles. Haberá misa cantada pola Coral Polifónica ribadense. Esa xornada tamén ofrecerá o seu tradicional concerto da Patroa a Banda Municipal de Música de Ribadeo. Non serán unhas festas patronais como as anteriores á pandemia, pero o Concello quere contribuír “a que siga vivo o noso espírito festeiro”, segundo declarou a concelleira de Cultura, Pilar Otero.
A edil dixo que “non queríamos deixar pasar un ano máis sen celebrar dalgún xeito as patronais. Seguimos en tempos incertos que...
leer más
A Coral Polifónica de Ribadeo celebra un novo concerto solidario a beneficio da Asociación Española contra o Cancro. Será este mércores, día 1 de setembro, ás 20:30 horas, no Teatro de Ribadeo.
A entrada solidaria é ao prezo de 5 euros e a venda realizarase o mesmo mércores, en horario de 12:00 a 14:00 horas e dende as 19:30 h.
A Coral Polifónica de Ribadeo quere agradecer a todas as persoas que asistiron ao concerto solidario celebrado o pasado xoves. A limitación de aforo fixo que as entradas non chegaran para todos polo que decidiron facer este novo concerto que terá lugar mañá, 1 de setembro.
O Concello de Ribadeo colabora na organización deste evento.
O Concello coa colaboración de Acisa pon en marcha unha nova iniciativa, denominada Ribadeo 4x4. Aquelas persoas que fagan catro actividades de turismo activo no municipio durante catro días consecutivos deste mes de setembro optarán a premios.
O concelleiro de Desenvolvemento Local e Turismo, Pablo Vizoso, explicou que “Ribadeo 4x4 é un evento organizado polo Concello de Ribadeo en colaboración con Acisa no marco da iniciativa SetembroXNatural. Esta iniciativa procura persoas aventureiras con gañas de gozar dos atractivos da nosa contorna natural. Aos participantes propoñémoslles un gran reto: realizar 4 actividades da oferta de turismo activo de Ribadeo integrada nesta iniciativa en 4 días consecutivos -fin de semana incluído- no mes de setembro. Para isto os participantes contarán cunha tarxeta persoal que terán que ir selando na medida...
leer más
Por unha banda realizouse un vídeo promocional do destino baseado na paisaxe e na tranquilidade e, por outra, elaboráronse unhas postais dixitais descargables para que os viaxeiros se leven un recordo de Barreiros e, ademais, as poidan compartir cos seus achegados divulgando así os principais atractivos turísticos do municipio.
Coa idea de fomentar a chegada de turistas en tempada baixa e incrementar os días de estancia así como de premiar a elección deste destino, o Concello optou por lanzar estas dúas ferramentas de promoción precisamente agora, ao rematar o verán. Pois, as suaves temperaturas, a práctica de actividades na natureza, a tranquilidade e o contacto coa cultura local propician a chegada de viaxeiras e viaxeiros moito máis alá dos meses de xullo e agosto.
En contra do que se pensa, o litoral da...
leer más
A Asociación Cultural Xuvenil O Castelo de Alfoz organiza a Festa dos Choferes 2021 que se celebrará os días 3, 4 e 5 de setembro.
O venres a partir das 22:30 horas haberá verbena co grupo Montreal.
O sábado 4 ás 13:30 horas celebrarase unha misa; a partir das 14:00 horas sesión vermú co Dúo Epo-K; e ás 21:00 horas dará comezo a verbena coa orquestra La Oca Band e Discoteca Eventec.
O domingo 5 ás 11:00 horas empezará a procesión de vehículos polas parroquias do concello; ás 13:30 horas haberá misa seguida da bendición dos vehículos e sesión vermú a cargo do Grupo Lume.
Todos os días haberá polvo á feira, xamón cocido e churrasco.
Colaboran na organización deste evento: Concello de Alfoz, Deputación de Lugo e Xunta de Galicia.
... leer más
O Concello de Ribadeo amplía o prazo para a adhesión dos establecementos interesados ao programa da Pancha ata o vindeiro 10 de setembro.
O alcalde en funcións, Pablo Vizoso, explicou que “o Concello, tras recibir sendas suxestións e peticións para a ampliación do mesmo debido ao volume de traballo que está a rexistrar Ribadeo neste verán, valora como positiva esta ampliación xa que facilitará a inscrición a aqueles establecementos que estean en plena campaña de verán e así se poidan beneficiar o maior numero de locais de Ribadeo”.
E engadiu que “aquelas persoas interesadas en adherirse á campaña da Pancha terán que realizar a súa inscrición en pancharibadeo.com e terán ata o vindeiro 10 de setembro. Hai que lembrar que aqueles establecementos que estean adheridos terán que pasar pola Área de Desenvolvemento...
leer más
A Concellaría de Turismo presentou hoxe o proxecto SetembroXNatural. Ten como obxectivo desestacionalizar o turismo en Ribadeo e favorecer que a tempada alta se alongue ata finais do mes de setembro. Inclúe Xeorutas e visitas guiadas pola natureza para potenciar a Senda Azul e o Camiño Natural do Cantábrico así como o Camiño de Santiago.
O concelleiro de Turismo e alcalde en funcións, Pablo Vizoso, anunciou que “dende a Área de Turismo o vindeiro mes poñeremos en marcha o proxecto SetembroXNatural que ten como obxectivo desestacionalizar o turismo no noso concello e favorecer que a tempada alta se alongue máis ata finais do mes de setembro. Queremos seguir a potenciar a vida de Ribadeo e o seu termo municipal como referente turístico con especial fincapé en ofrecer un entorno atractivo e dinámico a aqueles visitantes que deciden optar polo...
leer más
Dous tobogáns acuáticos encherán de diversión a Praza do Concello de Burela do 26 ao 29 de agosto. Deste xeito especial quere pechar a Concellería de Deportes as escolas deportivas de verán e a ocioteca. Xoves e venres serán as rapazas e os rapaces destas actividades os que disfrutarán desta proposta. E sábado e domingo estarán abertos a todo o público. Só á preciso anotarse á chegada.
O concelleiro de Deportes, Ramiro Fernández, contou que “desde a Concellería de Deportes de Burela imos pechar este verán dándolles un pequeno premio a todos estes nenos e nenas que estiveron participando nas escolas deportivas municipais e a aqueles que estiveron na ocioteca. Imos ter unha actividade onde imos compaxinar o deporte cos tobogáns acuáticos que son espectaculares e imos telos na praza do Concello desde mañá ata o día 29”.
... leer más
En Foz celébranse actividades para conmemorar a Festa Normanda ata o 29 de agosto. No Cenima está instalada unha exposición viquinga e hai mercado na zona portuaria do xoves 26 ao domingo 29.
Ademais o grupo musical UPSALA Medieval animará as rúas o venres 27 e o sábado 28. Este segundo día tamén haberá dúas representacións teatrais da lenda de San Gonzalo na praza Conde de Fontao, unha infantil a cargo de nenos e nenas de Foz ás 13:00 horas, e a outra por parte de veciñas e veciños de San Martiño ás 21:30 horas. E o cuarteto Illa Pancha actuará polas rúas ás 20:30 horas.
E o domingo 29 ás 13:00 horas na praza de Conde de Fontao haberá unha obra de teatro infantil de Pakolas.