Concerto
O grupo Astarot actuará en Lourenzá o día 5 de outubro, sábado, dentro do programa da vixésimo novena edición da Festa da Faba.
O concelleiro de Cultura laurentino, Manuel Arango Ron, anunciou hoxe que “o grupo de rock galego Astarot actuará o sábado 5 de outubro en Lourenzá con motivo da celebración da XXIX Festa da Faba. Astarot interpreta en versión rock temas tan coñecidos da música galega como Sementeira, Meu amor é mariñeiro, Lela, Negra Sombra, O tren, etcétera”.
Manuel Arango destaca que “este concerto, coma todos os que teñen lugar durante a Festa da Faba, será con entrada gratuíta”.
A Banda Municipal de Música de Ribadeo ofrecerá o seu tradicional concerto do Día da Patria este xoves, días 25, ás 20:30 horas no parque de San Francisco, aínda que se houbese mal tempo trasladaríase ao Teatro. O director da Banda, David Ballester, destaca que vai ser un concerto especial porque en dúas pezas tocarán alumnos e alumnas da Escola de Municipal de Música e Danza de Ribadeo e porque se cumpren dez anos da súa primeira actuación ao fronte da Banda ribadense.
David Ballester explica que “chegada a data do 25 de xullo, a Banda Municipal de Música de Ribadeo, como non podía ser menos e xa é tradición, vai facer o concerto do Día da Patria no parque de San Francisco ás oito e media da tarde”.
O director da Banda de Ribadeo salienta que “vai ser un concerto un pouco especial porque, ademais de como facemos...
leer más
Budiño actuará o 3 de agosto en Burela na Feira do Bonito, declarada de interese turístico nacional hai uns días. O concelleiro de Cultura, José Díaz, subliñou que o obxectivo do equipo de goberno é apostar polos artistas galegos para esta cita.
O edil burelés anunciou que “para a Feira do Bonito deste ano, que é a número trinta e cinco e que como sempre organiza Ledicia coa colaboración do Concello, decidimos traer a un artista moi representativo de Galicia, un gran artista ademais e diferente. Trátase de Budiño”.
José Díaz explicou que “é un compositor bastante atípico porque mestura a tradición galega con sons máis contemporáneos. Ten unha personalidade propia e moitos seguidores. Fai bastante tempo que non actúa pola nosa zona e pensamos que é unha boa idea para reforzar a programación cultural e musical...
leer más
O teatro Pastor Díaz de Viveiro será mañá o escenario dun novo concerto do ciclo “Sons do tempo”. Esta actuación que corre a cargo do grupo LucusEnsemble, e forma parte dun proxecto para promover o estudo e a difusión da música medieval que promove a Deputación de Lugo.A cita será ás 20:30 horas, e a entrada é gratuíta ata completar aforo.
A mostra O Son do Tempo enmárcase nun proxecto máis ambicioso do Goberno da Deputación para a recuperación o noso patrimonio cultural. O obxectivo desta iniciativa é o estudio, a divulgación, o préstamo de pezas, así como a promoción da música medieval para o público en xeral nos 67 Concellos da provincia.
Esta cita contribúe a poñer en valor as nosas tradicións e a nosa cultura, como neste caso, os sons medievais tan arraigados na nosa historia. Paralelamente a estes concertos...
leer másO grupo pop-rock da Escola de música de Burela ofrecerá un concerto o 14 de xuño na praza da Mariña.
O grupo de pop-rock da Escola Municipal de Música de Burela dará un concerto este venres, día 14, que terá lugar na Praza da Mariña e dará comezo ás 20:00 horas.
O edil de Cultura, José Díaz, convida a tod@s a asistir a esta cita na que se poderá apreciar o traballo dunha das formacións da Escola de Música.
Este sábado, 11 de maio, ás oito da tarde terá lugar un concerto da banda de gaitas Sons da Chaira. Será na Escola Municipal de Música e Danza de Ribadeo e enmárcase nos actos do XXV aniversario da EMMeD.
Esta xove banda de gaitas fundada no ano 2014, está dirixida por Brais Monxardín e Miguel Anxo López "Chino", e fórmana uns 35 compoñentes pertencentes ás Escolas de Música de Rábade, Begonte e Outeiro de Rei.
Pese á súa curta vida, participou nos anos 2016 e 2017 no Festival de Ortigueira así como en actuacións en numerosas cidades do país. No ano 2018 foi seleccionada para representar a Galicia no prestixioso Festival Intercéltico de Lorient (Francia), onde acadou unhas inmellorables críticas pola súa calidade musical.
O repertorio de Sons da Chaira baséase na interpretación,...
leer más
A Banda Municipal de Música de Ribadeo ofrecerá o seu concerto das Letras Galegas o sábado 18 de maio no Teatro ás 20:30 horas. Das oito pezas que interpretará tres delas son estreas e algunhas contarán con narración a cargo de Toni Deaño.
O director da formación, David Ballester, anuncia que “a Banda Municipal de Música de Ribadeo segue coa súa programación anual e desta volta, coa proximidade das Letras Galegas, o sábado 18 de maio ás oito e media no Teatro terá lugar o tradicional concerto para conmemorar ese día”.
David Ballester explica que “neste concerto, como non podía ser menos, nós faremos esa homenaxe ás Letras Galegas, ás nosas letras musicais, e interpretaremos diferentes tipos de música galega, tanto muiñeiras como xotas e pasodobres. Tamén haberá tres das obras que imos interpretar que irán con...
leer más
Este sábado, 27 de abril, ás 12 da mañá, na Sala Bahía de Foz o músico Fran Amil, acompañado de Ricardo Casas ao saxofón, estará en concerto cos Monstros Acústicos..
Este concerto ten de especial, que xunto aos músicos participarán nalgúns números, as alumnas e alumnos da asignatura Música e Movemento da Escola de Música de Foz.
Este grupo coa súa profesora África leva preparando durante o curso o acompañamento e a coreografía dalgunhas das cancións que escoitaremos no concerto, e ese día terán ocasión de ser tamén protagonistas.
O concerto está organizado pola asociación de nais, pais e alumnado adulto da Escola de Música de Foz en colaboración coa dirección da Escola e trátase dun formato novedoso, moi interesante a nivel pedagóxico para os alumnos que participan, e un reto tamén para...
leer más
A Banda Municipal de Música de Ribadeo ofrecerá o seu tradicional concerto de Semana Santa o mércores 17 de abril ás 21:00 horas na igrexa parroquial de Santa María do Campo. Nesta actuación estrearán seis obras e debutará un novo trompetista.
O director da Banda ribadense, David Ballester, anunciou: “chegada a Semana Santa a Banda Municipal de Música de Ribadeo non podía faltar a esta data. Como o ano anterior, faremos o concerto de Semana Santa na igrexa parroquial, ás nove da noite o mércores 17 de abril”.
David Ballester engade que “aproveitando este motivo, queremos convidar a toda a xente que estea en Ribadeo ese mércores, a achegarse ata a igrexa parroquial para disfrutar do concerto de Semana Santa”.
O director da Banda explica que “este ano serán sete obras, das cales seis serán interpretadas por...
leer más
Alumnado, profesorado e outros traballadores do IES de Foz interpretarán cantigas de Alfonso X na basílica de San Martiño este xoves, día 4, a partir das 20:00 horas. Este acto, organizado por iniciativa dos departamentos de Lingua Galega e Música do centro educativo focense, é aberto ao público con entrada gratuíta.
Actuará un grupo instrumental, formado por alumn@s de 4º da ESO e de 3º de PMAR, e unha agrupación vocal formada por alumn@s de 1º de Dirección de Cociña, profesores e outros traballadores do centro.
Para esta actividade o IES de Foz conta coa colaboración do Concello focense e da Parroquia de San Martiño.