Escolas
Este venres, día 3 de outubro, remata o primeiro prazo de inscrición nas Escolas Deportivas Municipais (EDM) de Foz, que comezarán a súa actividade o vindeiro luns, 6 de outubro. Para este curso 2025-2026 o Concello de Foz ofrece patinaxe artística, ximnasia rítmica, coreodance kids, cerámica, kickboxing e, como novidades, volei, deportes de raqueta, fútbol sala iniciación e debuxo e pintura.
As nenas e nenos terán que aboar 20 euros ao mes en caso de inscribirse nunha soa actividade e 25 euros ao mes se acoden a dúas ou máis actividades. O Concello de Foz dispón de bonificacións para as familias numerosas, pola capacidade económica da unidade familiar ou segundo o número de fillos inscritos que poden chegar ao 100% da cota. As inscricións poden realizarse a través da sede electrónica ou fisicamente no rexistro do Concello. Na páxina web...
leer más
O Concello de Burela pon en marcha Escolas Deportivas Municipais para este curso 2025-26. Ofrece patinaxe lúdico, rutas en bicicleta e tenis de mesa. O prazo de inscricións estará aberto do 29 de setembro ao 3 de outubro na Casa da Xuventude e as actividades comezarán o día 6 de outubro. O prezo é de 6 euros por actividade.
Ademais o Concello de Burela anuncia que os clubs e asociacións locais ofertarán fútbol, baloncesto, fútbol sala, ximnasia artística, balonmán, tenis, pádel e patinaxe artística.
“O deporte é saúde, comunidade e diversión. Anímate a participar!”, destaca o Concello de Burela.
Este martes, día 16 de setembro, ábrese o prazo de inscrición para formar parte das escolas deportivas municipais de Barreiros para crianzas, que se desenvolverán desde o día 1 de outubro de 2025 ata o 28 de maio de 2026, agás as actividades temporais como skate e surf, que por cuestións técnicas das propias prácticas rematarán antes de dita data ou a 30 de xuño do 2026.
A oferta das escolas deportivas municipais de Barreiros para crianzas inclúe skate, karate, surf, atletismo, fútbol sala e patinaxe.
A información sobre horarios, prezos e inscricións pode consultarse na web municipal: ...
leer más
Do 16 ao 30 de setembro estará aberta a inscrición nas escolas deportivas municipais de inverno do Concello de Ribadeo.
Son 12 as modalidades ofertadas: atletismo, bádminton, baloncesto, fútbol, fútbol sala, hockei liña, natación, pádel, patinaxe, tenis, tenis de mesa e ximnasia rítmica.
Algunhas das escolas arrincarán xa en setembro, como é o caso do atletismo, bádminton, baloncesto, fútbol, fútbol sala ou tenis de mesa. Mentres que en outubro darán comezo as de hockei liña, natación, pádel, patinaxe, tenis e ximnasia rítmica.
O concelleiro de Deportes, Francisco José Silvent, explicou que “as inscricións deben realizarse na Casa da Xuventude do 16 ao 30 de setembro. O custe por escola para todo o curso será de 60 euros. Desde o Concello animamos a todas as nenas e os nenos de Ribadeo...
leer más
O Concello de Cervo abre este martes, día 9 de setembro, o prazo de inscrición para a nova tempada das Escolas Deportivas Municipais e dos cursos de natación.
Nas escolas deportivas infantís impartiranse as modalidades de ximnasia rítmica, multideporte, patinaxe, balonmán e volei; mentres que nas escolas deportivas de adultos as clases serán de fit-dance, pilates, corpo activo e ioga.
As fichas de inscrición facilitaranse e entregaranse no Concello ou na Casa da Cultura e o criterio de admisión fixarase segundo a orde de entrega da documentación.
Tamén se abre o prazo este martes para os cursos de natación da tempada 2025-2026 tanto para infantil como para adultos. Hai diferentes grupos en función do nivel de natación e tamén se impartirán clases de Aquagym. O criterio de admisión...
leer más
O día 8 do setembro, luns, abriranse as inscricións para as escolas deportivas municipais de adultos en Barreiros, que comezarán a actividade o 1 de outubro, mércores.
Unha tempada máis o Concello de Barreiros pon en marcha o programa de actividades deportivas para persoas adultas. O prazo de inscrición comeza o luns 8 de setembro e a oferta para esta tempada é: Ximnasia, Ioga suave, Ioga vivo, Pilates, Espalda saudable, Zumba e Baile.
As clases desenvolveranse desde o 1 de outubro de 2025 ata o 28 de maio de 2026, agás a actividade de baile que se estenderá ata o 20 de xuño de 2026.
Pode consultarse toda a información sobre horarios, prezos e inscricións na web municipal:...
leer más
O Concello de Alfoz abriu o prazo de inscrición para o vindeiro curso das Escolas Deportivas, dirixidas a nenos e nenas de 4 a 17 anos. As modalidades ofertadas son: fútbol, patinaxe, atletismo e pádel.
“Unha iniciativa para fomentar o deporte base e os hábitos saudables na nosa xuventude. Podes inscribirte do 18 ao 25 de agosto e tamén durante todo o curso escolar”, anuncia o Concello de Alfoz.
Ata o 20 de maio está aberto o prazo de matrícula nas escolas deportivas de verán do Concello de Ribadeo, que oferta as modalidades de pesca deportiva, piragüismo, skate, surf e vela.
O concelleiro de Deportes, Francisco José Silvent, explicou que “estas escolas están destinadas a nenas e nenos nados entre os anos 2010 e 2017. O prazo de matrícula estará aberto ata o 20 de maio. E o sorteo das prazas terá lugar o día 21”.
O edil ribadense contou que “son 20 as prazas ofertadas en pesca deportiva. Esta escola desenvolverase no mes de xullo. En surf hai 18 prazas. Esta escola tamén será en xullo e haberá dúas xornadas especiais náuticas. No caso do skate son 18 as prazas coas que contaremos. Esta actividade desenvolverase en xullo e en agosto. Para piragüismo contamos con 35 prazas para as rapazas e rapaces nados en...
leer más
As escolas deportivas do Concello de Burela incluirán este curso 2024-25 tenis, pimpón, rutas en bici e patinaxe lúdica. Trátanse de actividades dirixidas a nenas e nenos nados entre 2012 e 2018.
As clases de tenis serán os luns de 15:30 a 16:30 horas no pavillón dos Castros, onde tamén serán as clases de patinaxe lúdica os xoves de 15:30 a 16:30 e de 16:30 a 17:30.
As clases de pimpón terán lugar no pavillón dos Castros ou na Casa da Xuventude os luns de 16:30 a 17:30 horas.
As rutas en bicicleta serán os martes e mércores de 15:30 a 17:00 horas, guiadas por un monitor para percorrer e coñecer o concello. O punto de partida será a Praza do Concello.
As cotas de inscrición son de 6 euros ao mes por actividade e as fichas de inscrición deberán ser entregadas na Casa da Xuventude, en horario de 10:00 a 14:00 horas do venres 27 ao xoves 3...
leer más
O Concello de Alfoz informa á veciñanza da apertura do prazo de inscrición nas Escolas Deportivas Municipais nas modalidades de patinaxe e atletismo e as Actividades Deportivas para Adultos, que se abrirá do 20 ao 27 de setembro. Este programa ofrece unha variada oferta de actividades destinadas a promover a práctica deportiva entre persoas de todas as idades.
As modalidades dispoñibles inclúen :patinaxe e atletismo, dirixidas aos máis novos e as Actividades Deportivas para adultos, como ximnasia de mantemento, aerobic, ioga e pilates. Destaca a actividade de pilates, que foi unha novidade da tempada pasada e que, debido á alta demanda da veciñanza, ampliará o seu horario nesta, ofrecendo unha hora adicional.
Con estas iniciativas, o Concello de Alfoz asegura que “reafirma o seu compromiso coa promoción do deporte e o benestar físico, fomentando un estilo de vida...
leer más