A Mariña
A Xunta de Galicia ilumina 15 edificios emblemáticos da provincia de Lugo para darlle a benvida ao Ano Santo 2022, nunha edición ampliada da iniciativa Acende o Xacobeo a desenvolver nas fins de semana do Nadal e que comezou o pasado día 23.
O delegado territorial de Lugo, Javier Arias, explicou que a Vicepresidencia Primeira e Consellería de Presidencia, Xustiza e Turismo, volverá iluminar entre o 30 de decembro e o 2 de xaneiro as localizacións seleccionadas, coa frecha frecha amarela e o logo do Xacobeo 21-22 sobre un fondo azul. Con respecto ao ano pasado, sumáronse tres novos puntos en Triacastela, Monterroso e Palas de Rei.
Así, no Camiño Francés ilumínanse a Igrexa de San Miguel de Monterroso, as Casas Consistoriais de Palas de Rei e Triacastela, a igrexa de Santa María A Real do Cebreiro, a de San Nicolas...
leer más
A Asociación de Profesores de Automoción de Galicia, con sede en Ribadeo, porá en marcha en xaneiro un proxecto formativo aplicando unha nova tecnoloxía, que se chama de aula invertida. O alumnado poderá formarse durante a semana na súa casa a través das plataformas de Apaga e a fin de semana asistir ás clases prácticas. Álvaro Doural, o presidente do colectivo, anima ás empresas a enviar propostas de formación co obxectivo de poder satisfacer as súas necesidades laborais.
O presidente Apaga, Álvaro Doural, anunciou que “a partir de xaneiro empezaremos con outro proxecto formativo, que creo que é sumamente interesante e consiste na aplicación dunha nova tecnoloxía, que se chama de aula invertida. Vai haber un reforzo importante de toda actividade formativa que estamos facendo neste momento utilizando novas tecnoloxías: as nosas...
leer más
A Fundación Imdecum convoca a décimoprimeira edición do Festival Audiovisual da Mariña Imaxina 2021, co apoio da Vicepresidencia e Área de Cultura da Deputación de Lugo. O obxectivo é aflorar as inquedanzas culturais dos estudantes e diferentes colectivos da Mariña lucense. As fotografías e vídeos a concurso poden presentarse ata o día 30 de decembro, ás 00:00 horas.
Poderán participar todas aquelas persoas que estean cursando estudos de formación (ESO, ESA, Bacharelato ou ciclos formativos) durante o ano académico 2021-22 nos institutos Monte Castelo e Perdouro de Burela, Dionisio Gamallo de Ribadeo, Marqués de Sargadelos de San Ciprián, Vilar Ponte e María Sarmiento de Viveiro, Illa de Sarón de Xove, Alfos-O Valadouro e Foz. Ademais está dirixido aos usuarios e usuarias da Fundación Eu Son, Axuda ao Enfermo Mental da Mariña e Asociación...
leer más
A Mariña en Ruta rematará este próximo sábado, 4 de decembro, co roteiro Camiñando entre volcáns, guiado por terras do Vicedo polo xeólogo Fran Canosa, actividade completa e que abriu lista de agarda hai semanas.
A última andaina desta edición de A Mariña en Ruta comezará na praia de San Román, desde onde os asistentes divisarán a cruz que lembra o naufraxio do Drácula, un impresionante mirador que servirá para observar a paisaxe desta contorna xeolóxica. Nesta ruta verán como se orixinaron os acantilados ou a Illa de Coelleira e descubrirán rochas do fondo mariño con máis de 400 millóns de anos de antigüidade. No areal poderán observar tamén formas xeolóxicas volcánicas.
A xornada deste pasado sábado, 27 de novembro, de A Mariña en Ruta levou aos participantes a coñecer a paisaxe cultural de San Tirso de...
leer más
A novena andaina de outono de A Mariña en Ruta será este sábado, 27 de novembro, por Xove. As prazas para participar nesta andaina xa están esgotadas e abriuse lista de agarda.
A camiñata polo paisaxe cultural de Portocelo, en Xove, será guiada polo arqueólogo David Fernández este vindeiro sábado. A Mariña en Ruta rematará o 4 de decembro Camiñando entre volcáns, por terras do Vicedo. Este último roteiro, que será guiado por Fran Canosa, conta xa tamén coas prazas esgotadas e lista de agarda.
O pasado sábado, 20 de novembro, os participantes en A Mariña en Ruta, programa que promove a Mancomunidade de Concellos da Mariña Lucense, puideron descubrir da man da guía oficial de Galicia Noela Feal o Viveiro Industrial e as súas lendas. Foi un percorrido que os levou a coñecer o pasado industrial ligado ao ferro desta...
leer más
A oitava andaina de outono de A Mariña en Ruta será este sábado, 20 de novembro, polo Viveiro industrial e as lendas.
Esta iniciativa da Mancomunidade de Concellos da Mariña discorrerá esta fin de semana polo Viveiro industrial e as súas lendas. Os asistentes estarán acompañados por Noela Feal, guía oficial de Galicia. Para esta ruta e para a andaina pola paisaxe cultural de Portocelo, en Xove, que terá lugar o 27 de novembro e que será guiada polo arqueólogo David Fernández, aínda quedan prazas libres. A Mariña en Ruta concluirá o 4 de decembro por terras do Vicedo da man do arqueólogo Fran Canosa. Para esta última ruta as prazas están esgotadas.
As persoas interesadas en gozar de A Mariña en Ruta poden atopar información e facer a reserva de prazas en ...
leer más
Como vén sendo habitual por estas datas, o Observatorio da Mariña pola Igualdade acaba de editar a Axenda Feminista 2022 que xa está dispoñible en diferentes puntos de venta.
Non podía faltar este clásico do Observatorio que xa vai pola súa doceava edición e que, un ano máis, escolle a 12 mulleres para protagonizala.
Nestes últimos anos a axenda centrouse en ámbitos diferentes como foron as mulleres do sector primario, ilustradoras, cociñeiras…, e para o este vindeiro 2022 e logo dun ano tan olímpico, o Observatorio decantouse por poñer en valor e visibilizar ás Deportistas Galegas.
O deporte é un campo no que nos últimos anos no que se avanzou en dereitos e visibilidade para as mulleres pero no que sen dúbida aínda queda moito traballo por facer, de ai a nosa pequena aportación para...
leer más
A Mancomunidade de Concellos da Mariña Lucense segue a traballar na promoción do Turismo Slow Norte de Galicia baixo o convenio asinado coa Axencia de Turismo de Galicia para o xeodestino. E faino coa visita á comarca dun coñecido blogger e cunha xornada de traballo en aloxamentos de Alfoz, Foz e Mondoñedo, entre outras accións.
Segundo explica a Axente de Desenvolvemento Turístico da Mancomunidade de Concellos da Mariña, Tania Hermida, “dentro das accións para este ano do Turismo Slow Norte de Galicia, estamos promocionando o proxecto coa visita dun coñecido blogger ao destino, Alvientooo, que estivo esta fin de semana coñecendo algún dos aloxamentos, recursos e actividades do produto turístico, ademais de facer a Ruta de Santo Estevo do Ermo, paraxe natural de Barreiros, guiada por Sofía López e organizada dentro do programa de rutas de...
leer más
Esta fin de semana rematan as III Xornadas de Portas Abertas das Rutas de Artesanía, que organiza a Mancomunidade de Concellos da Mariña. Están destinadas aos profesionais do turismo, da hostalería e do comercio da comarca, axencias de viaxes e centros educativos de Galicia así coma ao público xeral.
O 12 de novembro as xornadas recalarán en Burela coas redeiras Cabo Burela, colectivo que mantén vivo este tradicional oficio, e a visita ao Barco Museo Reina del Carmen, antigo boniteiro que o Concello recuperou para convertelo nun espazo de recuperación da cultura mariñeira e de atracción turística no porto máis importante de España na pesca e comercialización do bonito. O día 13 a iniciativa chegará a Cervo coa visita ao estaleiro de carpintería de ribeira de Francisco Fra, con mais de 200 anos de historia, e ao Museo Provincial do Mar. As...
leer más
A sétima andaina de outono de A Mariña en Ruta continuará este sábado, 13 de novembro, polo Camiño Norte entre Lourenzá e Mondoñedo.
Esta iniciativa da Mancomunidade de Concellos da Mariña discorrerá polo treito que une Vilanova de Lourenzá, co seu imponente Mosteiro de San Salvador, ata a antiga cidade episcopal de Mondoñedo, un dos conxuntos históricos mellor conservados de Galicia. Son 9 quilómetros nos que os asistentes percorrerán diversos paisaxes do interior da Mariña e achegaranse ata os pequenos núcleos de poboación que axudaron a configurar esta antiga ruta medieval. A andaina estará guiada por Claudia del Pino.
As persoas interesadas en gozar de A Mariña en Ruta poden atopar información e facer a reserva de prazas en https://amarinalucense.gal/es...
leer más