Obradoiro
Hoxe, mércores, profesores da Escola Municipal de Música de Burela ofreceron un concerto de música nos centros de primaria da localidade. O motivo deste evento “é achegar os instrumentos aos alumnos e anunciar que se andan a organizar Obradoiros Musicais, por parte desta escola, coa colaboración da Delegación de Cultura e Educación do Concello de Burela”, segundo explica Xan Carballal.
O director da Escola de Música de Burela indicou que “estes obradoiros están dedicados a todos os nenos/as que estean interesados en coñecer os instrumentos de vento madeira, tales coma o saxo e o clarinete, ou calquera especialidade da familia de vento metal, como por exemplo trompeta, trompa, tuba, trombón, ou algún instrumento da familia de percusión como marimba, batería, etc. Terán a oportunidade de poder utilizar o instrumental do que dispón a Escola...
leer más
A Biblioteca Municipal de Ourol organiza o obradoiro titulado A ciencia é divertida o dia 22 de abril.
Esta actividade, dirixida a nen@s de 3 a 7 anos, consiste nun obradoiro de contos e experimentos. Os seus organizadores aseguran que nos primeiros anos da nosa vida movémonos pola curiosidade, e por iso é importante que os máis pequenos experimenten e gocen descubrindo.
O obradoiro dará comezo ás 11:00 horas do sábado 22 de abril, e terá lugar na Casa da Cultura-Biblioteca Municipal.
A inscrición pode facerse no número de teléfono 982 55 90 19, antes do venres 21 de abril.
Esta actividade inclúese no programa Ler conta moito.
A Concellería de Cultura, Xuventude e Deporte de Ourol e a Biblioteca Municipal organizan un obradoiro de Creatividade Artística, que terá lugar o 21 de marzo.
Neste obradoiro realizarase unha técnica de debuxo que consiste en trazar patróns repetitivos para crear imaxes. Utilizarase ademais un método para fomentar a tranquilidade e a concentración desenvolvendo a creatividade e a sensibilidade artística. Non é necesario ter coñecementos previos de debuxo xa que se trata de relaxarse realizando sinxelos debuxos e mellorar a concentración e o benestar persoal. Será impartido pola profesora Elisabet Hillerud.
Este obradoiro de Zentagle será o 21 de marzo na Casa da Cultura de Ourol, ás 11:00 horas. As inscricións poden facerse chamando ao número de teléfono 982 55 90 19.
