Exposiciones
O Concello de Burela acollerá ata o día 24 de xullo, na sala de arte da Casa da Cultura, unha nova exposición da obra do artista gráfico Xosé Vizoso.
O Concello de Burela anuncia que “o artista gráfico, nado en Mondoñedo e finado no pasado mes de febreiro, volve deste xeito á vila mariñeira nunha mostra que estará dispoñible para a súa visita durante un mes”.
Este martes, 24 de xuño, será a inauguración da exposición ás 19:30 horas. O horario de visitas será de luns a venres entre as 11:00 e as 13:00 e entre as 18:00 e as 20:00 horas.
A veciñanza de Burela e visitantes poderán coñecer de preto a obra do mindoniense ata o vindeiro día 24 de xullo. Esta impulsada por Arraianos Producións, o Concello de Burela, a Deputación de Lugo e a Rede Museística Provincial de Lugo.
... leer más
O Complexo Cultural Regal Xunqueira, que está nesta parroquia de Viveiro, acollerá unha exposición de acuarelas do artista ponferradino Ricardo Aller de Dios desde este venres, día 13 de xuño, ata o 14 de xullo.
A inauguración desta mostra, titulada Acuaño, será este venres ás 20:00 horas na sala de exposicións de Regal Xunqueira. Servirase un viño e algo de comer.
Regal Xunqueira explica que Ricardo Aller de Dios “es una artista visual cuya obra se desarrolla entre la fluidez de la acuarela y la solidez de la cerámica. Su práctica explora la relación entre lo efímero y lo permanente, el color como herramienta emocional y la conexión entre los elementos naturales y la forma humana. A través de la acuarela, investiga la transparencia, la mancha y el azar como lenguajes expresivos, mientras que en la...
leer más
Este xoves, día 12 de xuño, ás 19:00 horas na Casa da Cultura de Burela será inaugurada a exposición fotográfica “Tan coma ti”, que trata sobre a realidade actual das persoas coa Síndrome de Down. Estará aberta ao público ata o 27 de xuño.
“Unha ollada real e emotiva á vida das persoas con síndrome de Down, contada por elas mesmas. Durante o acto lerán un manifesto pola autonomía persoal e farán a visita guiada. Vén sentir, escoitar e mirar doutra maneira!”, anuncia o Concello de Burela.
A exposición Os maragatos da Porta de San Pedro, promovida polo Colectivo Egeria e a Fundación Pérez-Carro, foi inaugurada este venres na Biblioteca Pública Municipal de Viveiro. Poderá visitarse ata o 20 de xuño. A alcaldesa, Mariña Gueimunde, e Xulio Xiz, do colectivo Egeria, foron os encargados de presentala.
A exposición está composta por doce paneis en galego e castelán que recollen a historia da familia Pérez-Carro, asentada en Lugo desde o ano 1880. A través deles e dun catálogo gratuíto que se entrega aos visitantes afóndase na traxectoria comercial e social desta familia de orixe maragata e na súa vinculación coa cidade de Lugo.
“É unha honra para Viveiro acoller esta mostra que afonda na memoria dunha familia comprometida co comercio e co patrimonio humano de Galicia”, afirmou Mariña Gueimunde...
leer más
O complexo cultural Regal Xunqueira, no concello de Viveiro, acolle a exposición fotográfica titulada Palabra e Memoria ata o día 12 de xuño. É unha mostra en imaxes sobre o incremento do uso do galego nas inscricións funerarias con fotografías da fotoxornalista Pepa Losada, María Mon Geada e Aida López.
A iniciativa de educación social Palabra e Memoria é unha exposición fotográfica que recolle diferentes epitafios de cemiterios da Mariña; inaugurada en Burela no mes de xuño de 2009, por iniciativa do cura Ramón Marful e con imaxes da fotoxornalista Pepa Losada, a mostra ampliouse con fotos de María Mon Geada e Aida López e percorreu varias localidades da Mariña antes de pasar polo Museo do Pobo Galego e polo Museo Provincial do Mar, de San Cibrao.
Desde hoxe e ata o 13 de xuño a exposición Castelao e os irmáns da liberdade pasará polos centros de ensino de Ribadeo.
A concelleira de Cultura, Begoña Sanjurjo, explica que “hoxe e mañá a mostra estará no CIFP Porta da Auga, os días 29 e 30 de maio pasará polo IES de Ribadeo Dionisio Gamallo, xa en xuño os días 2 e 3 estará no Colexio Sagrado Corazón, o 4 e 5 no Ceip Gregorio Sanz e do 6 ao 13 estará instalada na Oficina de Turismo”.
A edil ribadense sinala que “a exposición está composta por 14 paneis de 85 x 200 cms, que desenvolven cronoloxicamente a vida e a actuación política e artística de Castelao. As fotografías son de José Luis Abalo”.
Esta obra multimedia de Xan Leira tamén inclúe proxeccións de documentais e coloquios. “O 15 de xuño ás 20 horas no Salón dos Alcaldes terá...
leer más
A Oficina de Turismo de Ribadeo acolle a exposición titulada Os maragatos da Porta de San Pedro, que organizan o Colectivo Egeria e a Fundación Pérez-Carro e que estivo aberta anteriormente en diversas cidades e vilas de toda Galicia. Esta mostra, que estará na vila ata o 5 de xuño, foi inaugurada polo alcalde de Ribadeo, Daniel Vega, e a concelleira de Cultura, Begoña Sanjurjo. No acto tamén participou o ex alcalde ribadense José Carlos Rodríguez Andina.
A exposición está composta por doce paneis en galego e castelán e recolle un resumo da historia da familia Pérez-Carro, asentada en Lugo desde 1880, e o seu importante papel comercial e social na cidade no decurso destes 145 anos. Os contidos da exposición están recollidos no catálogo que se entrega gratuitamente aos visitantes.
Cara a 1880, a primeira...
leer más
O Centro de Interpretación da Mariña (CENIMA), en Foz, acolle ata o día 23 de maio a exposición titulada Os maragatos da porta de San Pedro. Está organizada polo Colectivo Egeria e a Fundación Carmen Pérez-Carro e estivo anteriormente en Lugo, A Coruña, Santiago de Compostela, Pontevedra, Ourense, Monterroso, Mondoñedo e Lourenzá.
No acto de inauguración participaron o alcalde de Foz, Fran Cajoto; o segundo tenente de alcalde, Ángel Fernández; a técnica de Cultura, Pilar López, a xerente do Centro Comercial Aberto de Foz , Ana Segade; e Xulio Xiz en representación de Egeria.
O Centro Sociocomunitario de Mondoñedo acolle durante este mes de maio a exposición titulada Universo Vizoso, comisariada por Aser Álvarez e promovida pola Vicepresidencia da Deputación de Lugo. A mostra reúne preto dun cento de carteis e ilustracións, que amosan a evolución creativa do artista mindoniense alén da súa traxectoria como deseñador de Sargadelos, e inclúe a súa escultura San Froilán, unha peza do Museo Provincial de Lugo que sae por primeira vez desta espazo para acompañar a itinerancia da exposición.
O vicepresidente da Deputación de Lugo, Efrén Castro, participou na inauguración, acto no que explicou que “a mostra xurdiu como unha proposta para recoñecer e divulgar a obra de Xosé Vizoso no marco do Día da Ilustración, que se dedicou este ano á súa obra” e sinalou “a itinerancia da mostra en Mondoñedo como un recoñecemento e homenaxe á...
leer más
O Concello de Mondoñedo anuncia que este xoves, día 8 de maio, ás 17:30 horas terá lugar a inauguración da exposición Universo Vizoso no Centro Sociocomunitario mindoniense. A mostra, que versa sobre a obra do artista Xosé Vizoso, recentemente falecido, permanecerá aberta ao público durante un mes na cidade episcopal.
O Concello de Mondoñedo convida “a toda a cidadanía á asistir a este acto e a visitar a exposición deste ilustre mindoniense durante as vindeiras semanas”.
